1 Coríntios 3:7 - Kaxinawá Bíblia (BR)

⁷ Matu yusĩkĩ matũ huĩtiki Deusũ kakape ẽ bana keska watanima mibã naxima keska wakĩ Apolõ txanima matu merabewatanimaki. Hamẽ nuku daberã, nũ hawamaki. Hawẽ kakape matũ huĩti anu Deusũ besti ewawakĩ yumewamiski. Haskakẽ ha daya nũ amisrã, nukunamaki. Epa Deusũ daya bestikẽ ha besti kẽwãkubaĩkãwẽ.

Kashinawa : Diosun Jesúswen taexun yuba bena yiniki

⁷ Matu yusinkin matun juintiki Diosun kakape en bana keska watanima miban nashima keska wakin Apolosin chanima matu medabewatanimaki. Jamen nuku dabedan, nun jawamaki. Jawen kakape matun juinti anu Diosun besti ewawakin yumewamiski. Jaskaken ja daya nun amisdan, nukunamaki. Epa Diosun daya bestiken ja besti kenwankubainkanwen.

1 Coríntios 3:7 Referencias Cruzadas

Salmos 115:1

Senhor Deusuũ, nuku kẽwãma ibubis mĩ pepakiri mimebi kẽwẽ. Mĩ txanimawẽ inũ mĩ nuikipawẽ taea mimebi kẽkũkaĩwẽ.

Isaías 40:17

Nawa shukua tibi dasibi hiwebaunaburã, ha bebunuarã, hawamahairabuki. Hatũ habukiri shinanã, hawenarã, hamẽ hawa karumahairaki.

Isaías 41:29

Ha yushĩ dami tibirã, hawama hamẽki. Hawa dami watirubumahairaki. Hawa kushipa hayama dami bestibuki.”

Daniel 4:35

Ha bebũ mai hirabi anu hiwebaunabu hawaubumaki, hawa kushipa hayabumarã. Nai anu inũ mai anu hawẽ shinanẽ haska shinaĩ besti aki hiwemiski. Tsuãra hawẽ kushipa nemakĩ yuikĩ: Mĩ haska wai ikai? akĩ tsuã yukatirumaki’, itã,

João 15:5

Earã, ẽ mibã tashu keskaki. Maturã, mã hawẽ mebi keskabuki. Ebe haibunamekĩ bimi itxapaya keskakĩ mã Deus benimawatiruki. Eauma mã hawayatirumahairaki.

1 Coríntios 13:2

Haska inũ, ẽ Deusũ kakape shabakabi yuinikabia inũ, Deusũ xinã ẽ unãbiamis inũ, hamapai betsa betsapa hunea ẽ unãhairabiai inũ, Deus ikũhairawakĩ mati ẽ maewatirubia ẽ nuikipama ẽ hawamahairaki.

1 Coríntios 3:6

Nũ Deusũ tsuma dabe bestiki. Nuku ana kẽwãyamakubaĩkãwẽ. Ea dukũ matu anu kashũ ẽ matu yunu banakĩ akawaniki. Hanushũ Apolori kashũ ẽ banatãyama matu mibã naximakĩ akawayamaki. Nukũ dayawẽ nũ matu haska wabiaya hakia Deusũ ha mibã ewawakĩ kuxipa wamis keska wakĩ ha bestitũ matũ xinã betsa wamakĩ ewawakubainikiki.

1 Coríntios 3:8

Hamẽ maturã, Deusũ hawẽ kakape heshe banamis keska mã hawẽ baiki. Hakia nukurã, nũ bai anu dayai keskakĩ nuku dasibibũ nũ Deus merabewakubainaii. Betsabũ kakape banai inũ betsabũ naximabiaya hamapai daya nuku yunua dasibibũ nũ pe akubainaiwẽ taeshũ Deusũ nuku pakakĩ manakushanikiki, nukũ daya tibi pepawenã. Hunibũ hiwe wamis keska wakĩ Deusũ matu wakatsis ikĩ

2 Coríntios 12:11

Haska tatimai ẽ keaĩ ẽ hawaumaki. Hakia mã ea kẽwãma danaĩbuwẽ taea ibubis kẽkĩ ẽ matu haska yuiaii. Ha unãnepabu parananãkĩ bemakis matu uĩmakĩ haska ekiri hawauma matu yuimisburã, hatũ hawawẽ ea binutirubumaki.

2 Coríntios 12:9

dabe inũ bestikiri ea yuikĩ: “Miwẽ nuikĩ ẽ mia duawamisrã, hatiwẽ besti mĩ benimatiruki. Isĩ tenei mĩ babubia mĩ ea dayashũkũkaĩkĩ ẽ kuxipa mĩ unãtiruki”, ea waniki. Haskakẽ yura babu haya Cristõ kuxipa hayakatsis iki haska emebi ẽ hawawatiruma ẽ hawẽ kẽtiruki.

Gálatas 6:3

Haskakẽ tsuãra hatu merabewamis xinaĩ hawẽ pepakiri hãtxamisburã, kanei keĩ ibubis parananãmisbuki.