1 Coríntios 2:8 - Kaxinawá Bíblia (BR)

⁸ Haskakiri shanẽ ibubu Deusũ hatu unãmarã, haska xinãkĩ nukũ Shanẽ Ibu mastama ikeanibuki. Hakia hawa shabakabi xinãbumawẽ taeshũ nukũ Shanẽ Ibu kuxipa duapa cruzki nuku mastashũkĩ xinãma kanekĩ itsa wanibuki.

Kashinawa : Diosun Jesúswen taexun yuba bena yiniki

⁸ Na jaska xanen ibubun Diosun jatu unanmadan, jaska shinankin nukun Xanen Ibu mastama ikeanibuki. Jakia jawa xabakabi shinanbumawen taexun nukun Xanen Ibu kushipa duapa cruzki nuku mastaxunkin shinanma kanekin itsa wanibuki.

1 Coríntios 2:8 Referencias Cruzadas

Mateus 11:25

hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Mateus 13:22

Hamapai hawẽ hiweawẽs kemui heneama hawẽs besti nuitxakayamakĩ Deusũ hãtxa nĩkabiakĩ ana tapĩkatsi ikama mabuwẽs besti kemui pepaisbumaki, haskatũ yabua hãtxa pepa txibãma yurabu mibã bimiuma keskabuirã.

Lucas 23:34

meneabũ soldadobukiri Jesusũ yuikĩ: —Epaã, ea haska waiburã, hawa hatu kupiyamawe, hawa unãma iki ikanikikirã— ikaya hanushũ soldadobũ hawẽ beyustiwẽ maemanãkĩ hawẽ tari pashkanũ iwanã: “Tsuã dukũ hawẽ tari bimẽkaĩ? Akãwẽ”, ikaibũ

João 16:3

ẽ Epa Deus unãma eari unãbumawẽ taeshũ matu hawa unãma itxakawashãkanikiki.

João 7:48

—Habi mã unaĩsmapabenibĩ, maturi paraĩkikirã! Nuku nũ shanẽ ibubu inũ nũ fariseubunã, nũ hawa ikũwãmaki.

João 8:19

—Mĩ Epa mikiri txaniai nũ nĩkanũ, hani mĩ Eparã?— akabu Jesusũ hatu kemakĩ: —Matunã, mã ea unãmaki. Ẽ Epa mã unãmariki. Ea unãkĩ ẽ Epari mã unãkeanaii— akĩ

Hechos 13:27

Huĩrukũti sábado tibitiã hanu itxamisbu anushũ Deusũ hãtxa yuishunikabũ kenenibu hatu yuimisbu inũ habuã hatu yuibiamisbũ hawa tapiãma Jerusalém anuabu inũ hatũ shanẽ ibubũ xinãkĩ hawa unãma Jesus hau tenãnũbũ, iwanã, danãnibuki, haska hawẽ hãtxa yuishunikabũ bebũkiri yuini keska wakĩ menekinã.

Hechos 7:2

nĩkaibũ Estêvãonẽ hatũ yukai kemakĩ: —Ẽ shanẽ ibubu inũ enabuũ, matu yuinũ nĩkakãwẽ. Mesopotâmia mai pakea anu nukũ shenipabu Abraão Harã mae ewapanu kariama bebũkiri nukũ Epa Deus kuxipa pepatũ yubakĩ unãmakĩ hanu hiweshanai anu

1 Coríntios 1:20

Haska inũ, yura betsabu unãnepabiabũ Deusũ hatu binumiski. Betsabũri Deusũ nemati inũ hawẽ yunuti yusĩnanãbiamisbũ Deusũ hatu binuriamiski. Betsaburi yura betsabe ha irabekĩ binubiamiskẽ Deusũ unãkĩ dasibibu binumiski. Haskakẽ Deusũ dasibi unãhairakĩ haska yurabũ xinãtiru binukĩ unaĩsmapabu keska hatu wamiski.

1 Coríntios 2:6

Haskakẽ mã unãnepabũ Jesus ikũwãtã ma pe tapĩkĩ mã mestẽwaĩ ha unãnepa hãtxawẽ haska wakĩ nũ matu haska yusĩaĩnã, hawa txakabumaki. Hakia na mai anua haska shanẽ ibukĩ unãnepabũ ibubis hatũ xinãnẽ amisbu keskama inũ habu shanẽ ibu kuxipakĩ yunubaũmisbu keska haska kuxipa xinãwẽ nũ matu yusĩsmaki. Hatũ kuxipa inũ hatũ unãnepa keyuaya nukuna Deusũ nuku inãkubainai keyuismaki.

2 Coríntios 3:14

Haska Moisés hãtxa danãkubiranaibu hatũ huĩti Deusũ kuxiwani keska wakĩ natiã habias yubani hãtxa betsabũ danãriaibu hatũ huĩti Deusũ kuxiwariamiski. Moisés hãtxa keneni yuiaibu hatu nĩkamamakĩ bepukĩ hunemiski. Tsuabũra Cristo danãkĩ Moisés hãtxa nĩkatirubumaki. Tsuabũra na habiatiã Deus kẽwãnũ, iwanã, benakĩ Deus unãkatsis ikaibu hãtxa shabakabiwẽ Deusũ hatu nĩkamamiski. Haskakẽ Cristo ikũwanũ ikaibu Deusũ hatũ huĩti ana kuxiwama inũ Moisés hãtxa ana bepuama shabakabi tapĩkĩ nĩkatirubuki.

Efésios 1:17

Haska inũ, nukũ Shanẽ Ibu Jesus Cristõ Epa Deus nũ kẽwãmis ẽ matu yukashũmiski, hau hawẽ Yushĩnĩ ana matu nĩkamakĩ unãnepawakĩ matu merãshũ hau txanima kayabi Deus matu unãhairamanunã.

Efésios 4:18

Habu mexu merã nia keskashũ xinã txakakĩ pe xinãtirubuma unaĩsmapabuki, haburã, hawa benima pae Deus anua huaiwẽ benimama haska hawa tapiãma unaĩsmapa besti habu huĩti kuxiburã.

1 Timóteo 1:13

Ha dukunã, Jesus Cristokiri txakabu yui haki shetxakakĩ ha ikũwaĩbu danãkĩ ẽ hatu itxakawayuniki. Haskati dabanẽ Jesus Cristo ẽ ikũwãriama haska ẽ xinaĩ inũ haska ẽ akubainai Deus ẽ benimawai dabanẽ ẽ ibiaya ha ẽ kaneaiwẽ taea Deus ewẽ nuitxakayamaniki.

Santiago 2:1

Ẽ betsabu inũ ẽ puibuũ, betsarã, nukũ Shanẽ Ibu Jesus Cristo pepahaira mã ikũwaĩwẽ taeshũ yura tibiwẽ nuitxakai betsa katukĩ betsa danãyamakubaĩkãwẽ.