1 Coríntios 14:31 - Kaxinawá Bíblia (BR)

³¹ Haska wakĩ matu tibitũ inũ dasibitũ hawara Deusũ matu yuimakatsis ikai hawẽ hãtxa hatu yusĩkĩ mã akaya haska tibi dasibibũ matu anua tapiĩ benimakubaĩtirubuki.

Kashinawa : Diosun Jesúswen taexun yuba bena yiniki

³¹ Jaska wakin matu tibitun inun dasibitun jawada Diosun matu yuimakatsis ikai jawen jancha jatu yusinkin man akaya jaska tibi dasibun matu anua tapiin benimakubaintidubuki.

1 Coríntios 14:31 Referencias Cruzadas

Provérbios 1:5

Yurabu unanepa inũ tapĩhairanikatũ yusiã nĩkakĩ ana unanepahairakĩ dasibi haska tapĩkubaĩmis shinãkĩ ana shabakabi tapĩtirubuki,

Provérbios 9:9

Hamẽ huni unanepa mĩ yusiã nĩkakĩ tapĩhairai ana unanepa txakayamashanikiki. Huni pepa mĩ yusiã mia nĩkatã ana itxapa tapĩshanikiki.

Romanos 1:12

Haska ẽ matu yuiairã, nũ Jesus txibaĩbu nuku dasibi merabenamei nũ huĩti kuxipanametirubuki, matubu inũ earã.

1 Coríntios 14:19

iwanã, ikũwaĩ betsabube itxashũ itxapabu yusĩnũ, iwanã, 10.000 ha hãtxa ea nĩkabuma hãtxawẽ ẽ yusĩkatsi ikama hakia hãtxa shabakabi mekẽ bestiti dasibibũ nĩkatirubu ẽ yusĩkatsis ikaii.

1 Coríntios 14:3

Ha inũ, tsuãra Deusũ kakape Deus hatu yuishũkĩ habũ ha hãtxa nĩkaiwẽ yuiaya nĩkairã, hawẽ hatu ha akĩ kuxipawai inũ, hawarawẽ dateai punu nukabu hatu benimawatiru inũ daewakĩ hatu duawatiru yuiai nĩkamisbuki.

1 Coríntios 14:30

Hanua tsuara huni betsa matube itxa tsauwanua Deusũ hawẽ hãtxa shabakabi tashnimakĩ yuimakatsi ikaya ha dukũtũ yusĩkĩ hau hawaira keyunũwẽ, hanua ha katxu betsãri hau anũwẽ.

1 Coríntios 14:32

Mã itxatã kẽwaĩbu Deus unãnuma hiweatũ matu itimaska wakĩ husimakatsi ikamawẽ taea mã Deusũ hãtxa shabakabi mã yuishũmisbũ matũ kuxipa meketã uĩra hawẽ dayakubaĩkãwẽ. Haskai nũ itxai beyamis tibi ikũwaĩbu itxatã

1 Coríntios 14:35

Hawara yuka iti tenebai kashũ hawẽ hiwetãshũ besti hawẽ bene kasmai hawẽ epa inũ hawẽ hutxi hau yukakubainũbũwẽ.

2 Coríntios 1:4

Hamapai tibi mei nũ bika teneaya Deusũ nuku daewakĩ nuku benimawamiski. Nuku haska wamiswẽ taeshũ Jesus Cristo ikũwaĩ betsabu hawara mei bika tenei huĩti nixmaibu Deusũ ma nuku merabewamiskẽ hatuwẽri nuikĩ nũ hatu benimawariatirubuki.

Efésios 6:22

Haskawẽ taeshũ haska matuki txanikĩ nenu ebe maniabu inũ ekiri hãtxakĩ hau matu xinã txãkãwaĩ kanũ nukũ haibu matu anu ẽ nitxiaiĩ.

Colosenses 2:2

Hau mã xinã txãkaĩ henetima binũbũ inũ, hawa betsa xinãma ikũwaĩ betsabube ketashamei nuinamei mã abunamenũbũ inũ, unãnepakĩ Deusũ hawẽ yuba betsa huneni Cristokiri natiã hau shabakabi mã nĩka pehairawanũbũ ẽ matu dayai heneshunamaki.

1 Tesalonicenses 4:18

Haskawẽ taea na yusĩa hãtxa nĩkai ana hawa dateama xinã txãkaĩ hatube benimanamerikubaĩkãwẽ.

1 Tesalonicenses 5:11

Haskawẽ taea ana Jesus ikũwãkubaini heneama betsabube benimai kuxipanamekubaĩkãwẽ, mã ma ikũkaĩmis keskai heneamarã.

1 Tesalonicenses 5:14

Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.

1 Tesalonicenses 5:20

Haska inũ, Yushĩ Pepatũ Deus hãtxashunika wakĩ yusĩmai danãyamakubaĩkãwẽ.