1 Coríntios 1:11 - Kaxinawá Bíblia (BR)

¹¹ Mã xinã txakai ha ikĩ ana unãnuma hiweama mã xinãnãnaĩ pashkanameaibu Cloẽ enabũ ea banabimaxinawẽ taeshũ ẽ betsabuũ, ẽ matu yuiaii.

Kashinawa : Diosun Jesúswen taexun yuba bena yiniki

¹¹ Man shinan chakai ja ikin ana unanuma jiweama man shinananain paxkanameaibu Cloen enabun ea banabimashinawen taexun en betsabuun, en matu yuiaii.

1 Coríntios 1:11 Referencias Cruzadas

Gênesis 27:42

hune hãtxai tsuãra nĩkashũ Esaú hãtxa hawẽ ibu Rebeca yuiabu nĩkashũ hawẽ bake mashku Jacó kenashũ yuikĩ: —Mikiri Esaũ shinãkĩ miki sinatai hamebi daenũ ika miki yubakaikiaki, hawẽ kushipa inũ hawẽ pepa mĩ biãshina manakukinã.

Gênesis 37:2

Jacó inũ hawẽ bakebu hiwei haskapaunibukiaki. José 17 bariyatũ hawẽ epã escrava aĩ dabe Bila inũ Zilpã huni bakebube hawẽ epã hatu yunua hawẽ txashuwã nimakĩ pimai harishũ hawẽ betsabu maputxakashũ txakabu akaibu José hawẽ epaki txanikirãkiranikiaki.

Provérbios 13:10

Hunibu ibubis kẽkĩ hatu txakabuwamakubaĩmiski, hatu detenamemakinã. Hakia huni unaneparã, keãma yusiã pepa nĩkamisbuki.

Provérbios 18:6

Ha unaĩsmapa hiwe betsa anu kashũ txakabu hatu tueshũmisbuki, hau hawẽ taea ha iki detenamenũbunã. Hatu haskamamiswẽ taeshũ ha huni kusha kusha atirubu peki.

1 Coríntios 1:10

Ẽ betsabu inũ ẽ puibuũ, nukũ Shanẽ Ibu Jesus Cristõ kuxipawẽ ẽ matu yunuai nĩkakãwẽ. Matũmebi pashkanameama xinã betsa betsapa wama unãnuma Jesus ikũwaĩbube hiwekubaĩkãwẽ.

1 Coríntios 1:12

Matu tibikiri ea yuikĩ: “Nukũ betsabu ha irabekĩ yuikĩ: ‘Eãnã, Paulõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Apolõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Pedrõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Cristõ nuku yusĩni besti ikũwãkĩ ẽ txibãkubainaii’, ikĩ haska yuikubaĩkanikiki”, ea waxinabuki.

1 Coríntios 11:18

Ha dukũ matukiria hushũ ea yuiabu ẽ nĩkairã, mã ikũwaĩbu itxairã, mã shukui pashkakanikiaki. Haska txanima pashkatã mã pewairã, mã haskaiwẽ taeshũ eskarabes ẽ matukiri ikũwaiĩ.

1 Coríntios 3:3

Mã kuxipai beyariama habias matũ hiwea keska xinaĩ mã babuwẽ taea ikũwaĩ betsabube ha iki hatu dabaĩ binunãnanũ ika inũ betsa kemutapaya ha xinaĩ sinai ikũwãbuma keska xinaĩ mã hiweabukiaki.

2 Coríntios 12:20

Ha inũ, tsuabũra ẽ hãtxa mã habũ danaĩ mã haskarara ẽ matu uĩ kashanai inũ, matũri haskarara mã ea uĩshanai matuwẽ ẽ dateaii, eska mã hiweamẽkaĩ ikarã, mã danãnanãbukuaĩwẽ inũ, huni betsa ikaiwẽ uĩ mã hatuki sinatamiswẽ inũ, mã pubeaĩwẽ inũ, mã ibubis keĩ binũnãnaĩwẽ inũ, hune mã yuãnanaĩwẽ inũ, mã shabakabi txitenamemiswẽ inũ, “Eã besti ẽ hatu binuaki”, mã ikaiwẽ inũ, mã merabenameismawenã.

Gálatas 5:15

Hakia yuinaka hawẽ betsabe keyunamekĩ tenã keyumis keskakĩ, maturã, ikũwaĩ betsabube mã binũkatsis iki yuãnanaĩ maturi mã beshtekei yamatirubuki. Pe mekekĩ uĩrakubaĩkãwẽ.

Gálatas 5:20

Haska inũ, yushĩ txakabu kẽwãkĩ hawẽ kuxipawẽ daunãnãkinã, yurabu hãtxaibu hatu nemakinã, kũyã ikirã, hawenabuwẽ nuiamarã, hawara betsa hayawẽ taeshũ hatu binũkatsis ikĩ danãkinã, yura betsabuki hawaira sinatakinã, hatuki ha ikĩ hatu sa akĩ keyukinã, ibubis hawara pepa bikĩ xinã betsa betsapa wai hiweabuki.

Gálatas 5:26

Haskakẽ nukuburã, ibubis keãma betsa binũkatsis ikama hawara yura betsã bimiswẽ kemuama inũ hawẽ nuiama hiwekubainãkãwẽ.

Filipenses 2:14

Mã ma haskarã, ana tsuabura nãtakeabuki nĩkabumabiakẽ matũ hãtxa hamẽ ha ikĩ txakawama inũ ana ha irabeama pe hiwekubaĩkãwẽ.

1 Timóteo 6:4

Hawẽ taea besti keĩ unãmabia ha iki haskakiri xinaĩ hamebi hatũ xinã hatu atimapa wamamisbuki. Eska tibi hatũ xinã meranua tashnirã, hawara betsana ha hawena haska hayama uĩ haskai ha besti haska hayamẽ iki sinatairã, yuãnanaĩ betsabube danãnanaĩnã, abunameama sheti ikama hatuki ha ikirã,

Tito 3:9

Hakia Deusũ Moisés yusĩmaniwẽ taea hawẽ yunuti inũ hawẽ nemati inũ hatũ shenipabukiri hãtxai judeubu sinatai kemanamei tsua merabewatirumabia ha iki kũyã ikaibube hatube kemanamei haskayamakũkaĩwẽ, mia nĩkabumakenã.