Mateus 11:21 - Kashinawa : Diosun Jesúswen taexun yuba bena yiniki

²¹ —Corazín inun Betsaida anu man jiweabu matun chakabu jenetan man shinan betsa wakatsi ikamadan, man nuitapajaidaxankanaii. Jakia Corazín inun Betsaida anuxun jawen unanti dami kushipa betsa betsapa en matu uinmakubainima keska Tiro inun Sidón anu jiweabundi jabiaskadi uintan jatun chakabu jenenun, iwanan, juinti nishmajaidatan saku wati tadi bexa xeni sawetan chi mapuwen mapu tukutan jatun shinan betsa watan Dios ikunwankeanibuki.

Kaxinawá Bíblia (BR)

²¹ —Corazim inũ Betsaida anu mã hiweabu matũ txakabu henetã mã xinã betsa wakatsi ikamarã, mã nuitapahairashãkanaii. Hakia Corazim inũ Betsaida anushũ hawẽ unãti dami kuxipa betsa betsapa ẽ matu uĩmakubainima keska Tiro inũ Sidom anu hiweabũri habiaskari uĩtã hatũ txakabu henenũ, iwanã, huĩti nixmahairatã saku wati tari besha sheni sawetã txi mapuwẽ mapu tukutã hatũ xinã betsa watã Deus ikũwãkeanibuki.

Mateus 11:21 Referencias Cruzadas

Mateus 11:22

Jaskawen taexun janu kupiaitian ja nawabu Tiro inun Sidón anu jiweabu jatu kupi midinkin Corazín inun Betsaida anu jiweabudi shinan betsa wabuma Diosun jatu kupijaidaxanikiki.

Mateus 15:21

Janua Jesús kainkaini mae dabe Tiro inun Sidón dapi kaken

Mateus 18:7

Ja inun, jamapai betsa betsapawen kemukin yudabun chakabuwamisbuki. Jakia tsuabunda enabun Diosun yunumis inun nemamis shinanbiaibun juinti babubu padankin jatu chakabu ama akeakemisbu jabudi Diosun jatu kupia nuitapajaidaxankanikiki.

Mateus 26:24

Jaska ekidi kenenibu chibain matun Juchi Kayabi Iyua en jaskai mawai kaii. Jakia ja junin ea jatu achimai kaidan, pemajaidaki! Jaskaken ja juni kaianma inidan, pepakeanaii— nuku waya

Marcos 3:8

januxun jamapai betsa betsapa Jesúsun akai ninkabidanbidanaibun uintanun ika bei, Judea anua bei, Jerusalén anuadi bei, Idumea anuadi bei, Jordán jene kexa betsaudiadi bei, Tiro inun Sidón anuadi beake beakeaibun

Marcos 6:45

Janua nuku dukun bebunkidi ianenwan pukei Betsaidaudi nun jawen tsumabu kanun xaxuwen nuku yunua nun kaya yudan kaiandi jatu nichinbaini mati anu ka Diosbe janchanun ika ka Jesús ja mesti niken

Marcos 7:24

Janua Jesús kainkidani Tiro mae pakea anu junekain jikipanan tsuanda unainbun jiwe betsa anu jikiaya

Marcos 7:31

Janua Jesús Tiro mae pakeanu chintuntani Sidón dunkeatain Decápolis kesua anu Galilea ianenwan kexa anu jikiken

Marcos 8:22

janua bui mae betsa Betsaida anu jikiabun juni bekuni jau xuxawanun Jesús anu iwexun ea axunkin: —Jaki bemepiwe— akabu

Lucas 4:26

Jaskabiaibun nukun xenipabu Israelbu beneuma nuitapaibu jau Elíasin dasibi jatu medabewanun Diosun yunuama iniki. Jakia maewan Sidón dapi mae betsa Sarepta anu nawa ainbu beneuma nuitapai jiwea besti jau medabewanun Diosun Elías yunukin nichiniki.

Lucas 6:17

Januxun 12 junibu katutan jatu iwei bututan mawa tenanman panpanuxun jaki chiti ikabu Jesúsun yusinun ika tsauken jabianudi jabun chibainbu inun midima yudabu Judea anua inun, Jerusalén anua inun, ianenwan kexa betsa Tiro inun Sidón anua jawen jancha ninkatanun ika bekin isin teneaibu jatu kayawamakatsi iweshinabu jaki dasiabu isin teneaibu xuxawakin yushin chakabun jatu nuitapawai kainmakin jawen kushipa janua kainkin Jesúsun jatu kayawaya uin bechipaikin Jesús mekatsis ikaibun

Lucas 9:10

Janua jawen 12 kushipayabun Jesús anu chintunbidan jaska washinabu Jesúski chani meneabun Jesúsun jawen tsumabu janu tsua jiweabuma Betsaida dapi anu jatu iyuaya

João 1:44

ja Felipen maedan, Betsaidadan, jabianudi Pedro inun Andrés jiwediaken Galilea anu nun Jesúsbe kai nun jikiken

João 12:21

Felipen mae Betsaida Galilea mai pakea anua griegonawabu jaki nukuxun yukakin: —Xanen ibuun, nun Jesúsbe janchakatsis ikaii— akabu

Hechos 12:20

Janua Tiro anuabu inun Sidón anuabuki Herodes jatuki sinataya Tiro inun Sidón yudabun piti Herodesin maiwan anua bimisbuwen taexun xanen ibu Herodes daewakatsis iki jabe xanen ibu bexmas Herodes medabewamis Blasto anu bexun jau jatu medabewakin daewamaxanun jaibu watan yukashinabu

Hechos 27:3

janu uxashini kai mae betsa Sidón anu nun keti ikaya capitán Julion Pablo duawakin jeneyua januxun Jesús ikunwainbu jawen jaibuaibuki jau jatuki bayutanunbun, iwanan, nemama kaken bechitan pimakin duawashianbu

Judas 1:11

Uian. Jabu ikidan, Caínen jawen betsa tenani keska ja chibankin chakabuwakanikiki. Jaska inun, juni betsa Balaam pei binun ika kemui ini keskadiakin Diosun bai kayatapia benui yusinan betsabu padananain peiwen kemudiakanikiki. Jaska inun, juni betsa Corén Diosun yunua danain benuni keskai ja padanananmisbu jabu mawadiai pemaxankanikiki.

Apocalipse 11:3

Januxun ea Diosun en tsuma dabe en kushipa inankin en jatu yunua yudabuwen nuijaidakin bexa tadi sawetan 1,260 xaba en kakape yusin janchakubainxankanikiki”, ea waxu

Apocalipse 6:12

januxun Diosun chaxuwan baken jawen unanti ja sexto tsamia daxnuaya en uianyan pacha sakujaidai badi nukai meshua tadi meshupa keska dakaken uxedi jimi keskai tashia dakaken