Marcos 1:2 - Kashinawa : Diosun Jesúswen taexun yuba bena yiniki

^2-3 “Naiudixun Diosun jawen bake yuikin: Min kadiama mia bebun en jancha yuixunika jau mikidi bebunkidi chanixanun en mia yunuxunxanaii. Jatun janu tsua jiweabumanuxun jui kushipawen jatu yuikin: ‘Nukun Xanen Ibu nai anua matuki bayui ma kemaikiki. Matun juintinin shinan pewadikanwen, bai kayatapia keska wakinan’, jatu wakin mia jatu yuixunxanikiki”, ayama Diosun jawen jancha yuixunika betsakidi jaska yuini chipu Isaíasdi jaska Diosun yuia ninkatan jawen jancha yuixunika Isaíasin keneniki.

Kaxinawá Bíblia (BR)

^2-3 “Naiurishũ Deusũ hawẽ bake yuikĩ: Mĩ kariama mia bebũ ẽ hãtxa yuishunika hau mikiri bebũkiri txanishanũ ẽ mia yunushũshanaii. Hatũ hanu tsua hiweabumanushũ hui kuxipawẽ hatu yuikĩ: ‘Nukũ Shanẽ Ibu nai anua matuki bayui ma kemaikiki. Matũ huĩtinĩ xinã pewarikãwẽ, bai kayatapia keska wakinã’, hatu wakĩ mia hatu yuishũshanikiki”, ayama Deusũ hawẽ hãtxa yuishunika betsakiri haska yuini txipu Isaíasri haska Deusũ yuia nĩkatã hawẽ hãtxa yuishunika Isaíasĩ keneniki.

Marcos 1:2 Referencias Cruzadas

Mateus 11:10

Ja inun, Diosun jawen bake nichinkatsi Juankidi yuikin: ‘Ninkawe. Janu min kaxanun jau pewai kanun en jancha yuixunika betsa bebunkidi en yunuxanaii, en mia nichindiamadan’, akin jakidi jawen kaka kenenibuki.

Mateus 2:5

jatun xanen ibu yuikin: —Jawen jancha yuixunika Miqueas Diosun yuini ninkawe: ‘Belénmaan, Judea mae pakea anu min mae jatiumabiaken mia anua xanen ibu kayabi kainxanikiki, enabu Israelbu mekexanaidan’, akin yuia keneniki— akabu

Mateus 26:24

Jaska ekidi kenenibu chibain matun Juchi Kayabi Iyua en jaskai mawai kaii. Jakia ja junin ea jatu achimai kaidan, pemajaidaki! Jaskaken ja juni kaianma inidan, pepakeanaii— nuku waya

Mateus 26:31

Jesúsun nuku ana yuikin: —Jawen jancha yuixunika ekidi Diosun yuikin: “Chaxuwan jatun mekenika en tenanyan jawen chaxuwan datei paxai keyuxankanikiki”, aka ninkatan keneniken na jabia meshutian jabiaskadiai matu dasibibun ea shinanma man ea jenebaini paxadiaii, chaxuwan keskaidan.

Lucas 1:70

Nukun xenipabu jatu yubai jakidi jabias min jancha yuinxunika medibi tibi min jatu janchamapaunidan,

Lucas 1:76

janua epaan, miadan, ‘Dios dasibi binu keyuatun yuixunikaki’, iwanan, mia kenaxankanikiki. Janu nukun Xanen Ibu Mesías juxanai bebunkidi jawen bai min jatu pewamaxunxanaii,

Lucas 18:31

januxun jawen 12 tsumabu besti jatu kenaxun Jesúsun jatu tadi iyuxun yuikin: —Jerusalén anu nun ma mapekei kaidan, man unaiin. Nun janua jaskaxanaikidi matu yuinun ninkakanwen. Diosun jancha yuixunikabun ea matun Juchi Kayabi Iyuakidi ekidi kenenibu menekin ea axankanikiki.