Lucas 19:42 - Kashinawa : Diosun Jesúswen taexun yuba bena yiniki

⁴² yuikin: —Jawen Dios daewati man ea unanyan matu kupiama ikeanxankanikiki. Jakia natian ikunwanbumawen taexun junea keskaken shinankin man ana uintidubumaki. Man peidawa!

Kaxinawá Bíblia (BR)

⁴² yuikĩ: —Hawẽ Deus daewati mã ea unãyã matu kupiama ikeãshãkanikiki. Hakia natiã ikũwãbumawẽ taeshũ hunea keskakẽ xinãkĩ mã ana uĩtirubumaki. Mã peirawa!

Lucas 19:42 Referencias Cruzadas

Lucas 19:41

Jerusalénki kemakin uinkubaini ja maewan Jerusalén anu jiweabuwen nui kaxakin

Lucas 19:43

Jaskaken Dios matu anu bai juai man jawa ikunwanmawen taea matuki sinatamisbun matu ichakawakin matu nuitapawakin matun mae dapi mai kene keyatapa wabaunkin matu keben keyutan man ana kaintiduma watan matuki sinataibun matun maewan mishki kene nidi akin keyukin matu inun matun bakebu detekin matun mae yamawaxankanikiki, jawa texe wamadan— ikunkaini Jerusalén anu jikitan

Hechos 10:36

Jamen dasibibun Xanen Ibu Jesucristonan, Israelbu anu dukun jau jabu yusinun Diosun yununiki. Januxun tsuabunda jawen janchawen unanuma jiwetidubukidi Jesús juxun jatu yusinkubainyamaki.

Hechos 13:46

janua Pablo inun Bernabé jawa dateama dasibibun ninkaibun judio xanen ibubu jaskaibu jatu kemakin: —Diosun kakape jawen bakekidi man judiobu dukun nun matu yusin taewanun Diosun nuku yunukin nichinbiaimaken nun matu yusiain nukun yusian danankin jawen pepai jiweibi jiweti man bikakatsi ikabumaki. Man jaskaya matu jenebain nawabu judiobuma anu nun jatu yusin kaii.

Hebreus 3:13

Jaskama matubudan, jaska Diosun jancha natian chaniaya natian besti matun shinan man jawaida pewatidubuki. Jaskawen taea manama benimadabe bestinankanwen, badi tibidan, jau tsuan taska betsa matu padanyamanunbun inun chakabun matu mextea chintuin matun juinti man kushiyamanunbunan.

Hebreus 3:15

Diosun jancha jawen Yushinin matu yuikin: “Natian Diosun jancha matun man ninkaidan, matun juinti kushiyamakanwen, matun xenipabu janu tsua jiweabumanuxun Dios ninkama danankin unanti wakin sinatamanibu keskakinan”, iniki.

Hebreus 3:7

Jaskawen taexun Diosun Yushin Pepatun jawen jancha yuixunai chanimani matu ana shinanmakin yuinun ninkakanwen. “Natian Diosun jancha matun man ninkaibudan,