Lucas 11:34 - Kashinawa : Diosun Jesúswen taexun yuba bena yiniki

³⁴ Jaska keskadi matun yuda anudan, matun bedudan, bin chaxa keskaki. Jaskakidi matu yusinun ninkakanwen. Matun beduwen man uinmiski. Matun shinanwen matun yuda pepa jaya kemuama man xabakabi meke pewaki.

Kaxinawá Bíblia (BR)

³⁴ Haska keskari matũ yura anurã, matũ berurã, bĩ txasha keskaki. Haskakiri matu yusĩnũ nĩkakãwẽ. Matũ beruwẽ mã uĩmiski. Matũ xinãwẽ matũ yura pepa haya kemuama mã shabakabi meke pewaki.

Lucas 11:34 Referencias Cruzadas

Marcos 4:12

jabun chakabu Diosun jatu buaxunkatsi ikamawen taexun ninkabiakubainkin jau xabakabi ninkayamanunbun inun uinbiakubainkin jau jatun chakabu bexteketan Dios ikunwanyamanunbunan— akin

Marcos 7:22

Ja inun, ainyan inun beneyabia betsabe chutanamemisbuki. Ja inun, yuda betsan mabuwen kemumisbuki. Ja inun, chakabu betsa betsapa wamisbuki. Ja inun, yuda betsa padanmisbuki. Ja inun, jatun yudawen jawada pae tibi aki paein chakabumisbuki. Ja inun, yuda betsa jawen jiwea keskama jatu uin juni betsa jaska jayatidumawen nui jatuwen bika tenemisbuki. Ja inun, chani chakabaunmisbuki. Ja inun, ibubis shinain kein: “En pepaki”, imisbuki. Ja inun, yuda betsawen nuikin duawakin medabewaisbumaki.

Marcos 8:18

Man beduyabia jawada en matu axuain man uin pewama ikunkainaii. Man pabinkiyabia jawada en matu yusiain man ninka pewama idiakunkainaii.

Lucas 11:35

Jakia man bin jayadan, man meshu medan jiwea keskatidubumaki. Uindakubainkanwen.

Hechos 13:11

Min jaskaiwen taexun natian Yavé Diosun mia kupikin badi chaxa min uinyamanun mia bekunwanyuikiki— akaya jawaida meshun bepua jawa uianma janua: “¿Tsuan ea metsunbainimenkain?” iki meshan atanikiaki, ma bekunwanan.

Hechos 2:46

Janua xaba tibi Templo jemaintin anuxun kushipa yukakin jiwe anuxundi ichaxun jawa chintuanma shinan chankanbetanan jatubetan pikin Jesús jatu mawaxunima shinanmati misi pikin

Hechos 26:18

Jabu anu en mia yunua kaxun jatu shinan betsa wamakin jau unainsmapakin Satanás ana chibanyamanunbun en Epa Diosun jancha min jatu yusinkubaunun judiobuma betsa betsapabu anu en mia yunuaii. Jadixun jatu bedu bepexa keska watan ana meshu medan kama keska jakia binwen kai keskaibu min jatu waya jatiditun ea ikunwainbun jatun chakabu en jatu buaxunaya Diosun jatu jiwekuinmaxanikiki, jawa jatu kupiamadan, jawenabu medibi wakinan”, ea waniki.

2 Coríntios 1:12

Jamen nukukididan, jaska yudabun Dios unanbuman shinain kenmis keskama jakia Diosun nuku shinan betsa wamatan juinti pepa nuku waniwen taexun jaska Diosun bechipaimis nuku shinanmaya tsua padanma duapa bestikunkaini matuwen nuijaidai nun kenkunkainaii, matuwen taea chanima benimaidan.

2 Coríntios 11:3

Jesúskidi nun ma jaska matu yusinbianiken yusinan betsabu buxun matu padankin jaska Jesúskidi nun matu yusinsma Jesús betsa keska wakin matu yusiainbu jawaida jatun jancha jawendua bechipaikin man jatu ninkakubainmiski. Ja inun, nukubun Diosun Yushin Pepa matuki nun ma matu dasiwabiayamaken yushin betsakidi matu yuiaibu man jawaida achimamiski. Ja inun, jaska kakape nun matu yuiama ibiayamaken kaka betsa man jawaida chibainwen taea matuwen en dateaii. Jaska Edén bai anuxun dunun Eva padani keska wakin jawada pepa Cristokidi man ma jayabia jenetan jabun chakabu chibain man jamakidi benuaibuwen en matuwen dateaii.

2 Coríntios 4:4

Tsuabunda jabun ikunwanbumadan, na mai anuxun jatun xanen ibu Satanásan jatu padankin jatun shinan nemakin bekun keska jatu wamiski. Jaskawen taexun Cristo, Dios itsa jiwea mekenika kushipa yudabu mawaxuntan jatun chakabu ana shinanma buakatsis ini ninkabiakin kaka pepa xabakabi ikunwantidubumaki.

Efésios 1:17

Jaska inun, nukun Xanen Ibu Jesucriston Epa Dios nun kenwanmis en matu yukaxunmiski, jau jawen Yushinin ana matu ninkamakin unanepawakin matu medanxun jau chanima kayabi Dios matu unanjaidamanunan.

Efésios 6:5

Esclavo dayadubuun, matu yununun ninkakanwen. Matubunan, matun tsuma mai anuabuki datei dayai penun, iwanan, jatu duawakin jaska matu yunua ninkatan chibankubainkanwen. Jaskakinan, Cristo duawakin man akawaii.

Colosenses 3:22

Esclavo dayadubuun, matudi yununun ninkakanwen. Matubunan, matun tsuma mai anuabu jatu duawakin matu uiainbu inun matu uianbumaken jaska bestiwakin jatu duawai shinanma jakia matun juinti pepawen jawada jatu axunkinan, nukun Xanen Ibun kushipaki mesekin jatu axunkubainkanwen.