Lucas 1:65 - Kashinawa : Diosun Jesúswen taexun yuba bena yiniki

⁶⁵ Januxun ja dapi jiweabu dasibi e iki: “Jabaa!” ishinxun janu mai pakea Judea mati matipanu jiweabu anu jaskashina jatuki chanibaunaibun

Kaxinawá Bíblia (BR)

⁶⁵ Hanushũ ha dapi hiweabu dasibi e iki: “Habaa!” ixĩshũ hanu mai pakea Judéia mati matipanu hiweabu anu haskaxina hatuki txanibaunaibũ

Lucas 1:65 Referencias Cruzadas

Mateus 2:1

Herodes Judea anu xanen ibuaya Belén anua Jesús kainken janua bishi unanikabun bishi bena taxnia uintan chaikea badi juai estekidia bekubidani Herodesin maewan Jerusalén anu jikitushitan jatu yukabaunkin: —¿Judiobun xanen ibu bena kainmadan, janimen? jawen unanti bishi bena taxnia bechitan kenwanun ika nun juaidan— ikin jatu yuka keyubaunaibun

Lucas 1:39

Gabrielin María jancha wawanshinken Judea mai pakea mawa mati matipa anu mae jatiumanua María jawaida bai ka

Lucas 2:18

jaska Diosun nai tsuman jatu yuixu ninkabidan uinwani chanima jabiaska uinkanxu chaxuwan mekenikabu chintunbainkin Dios kenwankubainaibun dasibibun jaska jabun yuikubainaibu yuda betsabun ninkai e itan shinain: “¿Jawa yui ikanimenkain?” ikaibun janua Marían jaska wanaibu jawen juinti medans shinan jeneama inikiaki.

Lucas 5:26

date paeyabi yuikin: —Jabaa! Tsuan jaska waismaki. Jakia Dios pepajaida kushipatun na juni ma kayawaxuki. Natian jaska nun uinsma nuku uinmaikikidan— iwanan, Dios kenwanibukiaki.

Lucas 7:16

Jesúsun jaska wai uin jaska uinsbuma jawen datei mesejaidakin: —Jabaa! Nuku anu Diosun jancha yuixunika pepajaida ma ana taxnishinaki. Jawenabu duawai Dios ana bayuxuki— ikin Dios kenwankubainaibun

Hechos 19:17

Éfeso anuabu dasibi judiobu inun judiobuman ninkatan datejaidakin Xanen Ibu Jesúsun kena kushipa unain itsakin: “Nun jamen datan akeaketidumaki”, ikin Jesúsun kena pawanibukiaki.

Hechos 2:43

Jabiatiandi Jesúsun tsuma kushipayabun Diosun jatuwen dami atimaska ichapa akin jawen unanmati betsa betsapa akaibun dasibi Jerusalén anu jiweabu e iki jabaa ikubainaibun

Hechos 5:11

Janua ikunwainbu ichapabu inun dasibibun jaskaxu kakaibu ninkatan date paepanibukiaki.

Hechos 5:5

Ananías jaska yuiai ninkatan tin itan mawaya jaskai ninkatan dasibibu dateaibun

Apocalipse 11:11

janua jaskabiaibun xaba dabe inun besti namakis ka jawen jancha yuixunikabu Diosun ana jatu bestenwan ana jiwei benidabebaunaibu dasibibun jatu uin date paepaibun