João 8:44 - Kashinawa : Diosun Jesúswen taexun yuba bena yiniki

⁴⁴ Man jaskawen taeadan, matun ibudan, diablo Satanáski. Jaska shinain keska axunkin man bechipaimamiski. Jaska inun, bai taeni anua diablo Satanás puben detenan kain taeni ikunkainmiski. Ja inun, chanima jancha jayamawen taea chani chakakunkaindiamiski. Ja inun, chani chakanikawen taea chanin epaki.

Kaxinawá Bíblia (BR)

⁴⁴ Mã haskawẽ taearã, matũ iburã, diabo Satanáski. Haska xinaĩ keska ashũkĩ mã abumamiski. Haska inũ, bai taeni anua diabo Satanás pubẽ detenã kaĩ taeni ikũkaĩmiski. Ha inũ, txanima hãtxa hayamawẽ taea txani txakakũkaĩriamiski. Ha inũ, txani txakanikawẽ taea txanĩ epaki.

João 8:44 Referencias Cruzadas

Mateus 12:34

Jakia matudan, man padanan dunubuaibuki. Matun juinti chakabuken jaska shinankin kainmai janchakin jawada pepa yuiama chakabu besti man yuikubainmiski.

Mateus 13:38

Baidan, mai jidabiki. Jexe pepadan, jabun Diosun jancha ninkakin pewamisbudan, jabu enabuki. Jakia jexe chakabudan, jabun en jancha ninkama Satanásan jancha besti chibanmisbudan, jawenabuki.

João 6:70

Jesúsun nuku yuikin: —Eanan, en matu katubiayama bestichai yushin chakabu man jayaki— nuku wa

João 7:17

Tsuabunda Diosun shinan akatsi ikinan en akai unantan jaska chanimamenkain ikin na en yusiain: “Dios anua juimenkain, en ibubis en shinanen ikimenkain”, man unantidubuki.

João 8:41

Jaskaken matunan, matun ibuan amis keska shinain man ikaii— jatu wa jaki sinatakin yuikin: —Nukudan, nun jusi bakemaki. Nukun ibu kayabi bestichaidan, nun jayaki, Diosdan— akabu

Hechos 13:10

juni mukaya yuikin: —Diablo Satanásan bakeen, padananain chani chakai dasibi pepaki min sinatamiski. ¿Jaskai Yavé Dioskidi chani chakai Dioskidi bai min nuku yuxtu wamakatsis ikai?

Hechos 24:9

ninkatan ja judio xanen ibubu jatube ichabun Tértulon jancha bechipaikin Félix yuikin: —Chanima jabiaskaki— akaibun

Hechos 5:3

januxun Pedron yuikin: —Ananíasiin, min bai inantan pei bitan paxkaxun dabukun adutan ¿jaskakin Satanásan mia chakabuwamaya nuku yui Diosun Yushin Pepaki min chani chakai?

2 Coríntios 11:3

Jesúskidi nun ma jaska matu yusinbianiken yusinan betsabu buxun matu padankin jaska Jesúskidi nun matu yusinsma Jesús betsa keska wakin matu yusiainbu jawaida jatun jancha jawendua bechipaikin man jatu ninkakubainmiski. Ja inun, nukubun Diosun Yushin Pepa matuki nun ma matu dasiwabiayamaken yushin betsakidi matu yuiaibu man jawaida achimamiski. Ja inun, jaska kakape nun matu yuiama ibiayamaken kaka betsa man jawaida chibainwen taea matuwen en dateaii. Jaska Edén bai anuxun dunun Eva padani keska wakin jawada pepa Cristokidi man ma jayabia jenetan jabun chakabu chibain man jamakidi benuaibuwen en matuwen dateaii.

1 Pedro 5:8

Inu keneya pintsikin yuinaka achitan pinun ika benabauni pubein janx janx iki tekeden tekeden imis keskakin diablo Satanásan matu bepadantan matu maemanun ixun benakubaundiaikiki. Jaskawen taea ibubis pe mekekin jamapai chakabu ana meama janun bestentan uindakubainkanwen.

2 Pedro 2:4

Jawen nai tsumabu jatiditun jawen jancha ninkabuma jatun chakabu Dios jakimakatsi ikama jakia mai kini keyatapa xankinjaida meshu medan janua paxatidubuma anu jatu putatan nexaxun jatu mekeyunikiaki, chipu janu kupiaitian jatu unanti wakatsidan.

1 João 1:8

Jamen tsuanda ikunwanbiakin jawen shinan kayabi unanma yuikin: “Eanan, en jawa chakabuwaismaki”, iki bemakis besti shinankin nukunmebi ibubis nun padanantiduki, jancha kayabi jayamadan.

1 João 2:21

Januxun man jancha kayabi unanmawen taeama jakia jancha kayabi man unainwen taexun en matu kenexunaii. Cristo anua jancha chakabu taxniamaki. Jakia jancha kayabi besti janua taxnikunkainmiski.

1 João 2:4

Jakia tsuanda yuikin: “Dios en ma unaiin”, ibiakin jawen yunua jancha chibanmadan, ja juni chanichakaikiki, Diosun jancha chanima jaki jayamawen taeadan.

1 João 3:12

Adánen bake dabe inibukidi matu ana shinanmanun ninkakanwen. Caínen Satanásan shinan chibankin jawen betsa tenanikiaki. ¿Jaskadawen taexun animen? Caínen jawen jiwea pepamaken jawen betsan Diosun yunua aki pepaya jaki sinatakin tenanikiaki. Caínen jawen betsa Abel bechipaiama ini keskadiai nukubudan, jaskayamakubainankanwen.

1 João 3:15

Tsuada ikunwainbu betsawen nuiama dakekenanmisdan, juni pubenki. Ja juni jaskabudan, jamebi jatun jiwekuian jayatiduma man unaiin.

Judas 1:6

Ja dikabi Diosun jawen nai tsumabu nai anua jabu tibi ja mekei janu jau xanen ibununbun jatu yunubia jaska besti mekekatsi ikama jatun daya jenebidanaibu Diosun jatu nemakin janu meshujaida kainkaintidumanu jatu bichitan janu badi jawen jeneai anu jatu kupiaitian jabudi kupixanai jatu mekea mapuabuki.

Apocalipse 12:9

ja yushibu dunuwan jiwei taeni xeanan chani ewan yuda dasibibu jatu padankubainmis nun Diablo Satanás wamis jawen tsumabube mai anu jatu maemakin nidi akabun

Apocalipse 13:14

jatu jaska waxun uinmakin ja yuinaka mese atimapa ja dukuntun besuudi jamapai atimaska akaiwen yudabu dasibi padankin ja kachukeatun yunukin yuikin: “Yuinaka mese atimapajaida ja tsuanda buxkaki chachini mawa ana besteni jiwea keska ja itsa damiwadikanwen”, jatu wa

Apocalipse 2:10

Matu bika memaxanaibuwen taea dateyamakanwen. Eska wakin diablon bestibu matu jatu achimatan bichiti jiwe anu matu bichimaxanikiki. Jaska wakin dasibi man ea ikunwainbu matu bika tenemaibu jawen matu unanti wa akeakexankanikiki. Jaskawen taea 10 día besti jaska matu tenemaibuwen taea chintunyamaxankanwen. Matu ichakawakin matu tenanbiaibun tenekubainxankanwen. Matu jaska waibuwen taexunan, eanan, matun manakuti inankinan, jiwea kayabi en matu inanxanaii.

Apocalipse 21:8

Jakia jameen ekidi janchabiai eki dakemis inun, eki pechia jawa shinainsbuma inun, yuda betsabe dananananmisbu inun, yuda betsa tenanmisbu inun, chutanamebaunmisbu inun, mukayakin Satanásan kushipa yukamisbu inun, yushin dami betsa kenwanmisbu inun, chani chakabaunmisbu jabu dasibi en kupia janu buidan, ja ian janu azufre menui jede ji ji ikai anu ja dabeki mawa mexankanikiki”, ea wa en matu kenexunaii.

Apocalipse 22:15

Jamen betsabudan, Dios danankin jamapai chakabuwamisbu inun, mukayakin Satanásan kushipa yukamisbu inun, chutanamebaunmisbu inun, yuda betsa tenanmisbu inun, yushin dami betsa kenwanmisbu inun, dasibi jamapai tibi bechipaibaunmisbu inun, chani chakamisbu jabu jaskamisbu besti bashikuxankanikiki, jabu Diosun mae pepa anu jikiamadan.

Apocalipse 9:11

Ja inun, shinin xanen ibudan, ja kini keyatapajaida jatun yunumis nai tsumaki. Jawen kena hebreo janchawen Abadónki. Ja inun, jawen kena griego janchawen Apoliónki. Ja inun, jancha kuinwen kenadan, Yamawanikaki.