João 13:8 - Kashinawa : Diosun Jesúswen taexun yuba bena yiniki

⁸ Pedron ana yuikin: —Duawakin ea juchuwe, iwanan, en mia yunuamaki— aka Jesúsun nemakin: —En mia juchuamadan, min enabu kayabi itudumaki— aka

Kaxinawá Bíblia (BR)

⁸ Pedrõ ana yuikĩ: —Duawakĩ ea hutxuwe, iwanã, ẽ mia yunuamaki— aka Jesusũ nemakĩ: —Ẽ mia hutxuamarã, mĩ enabu kayabi iturumaki— aka

João 13:8 Referencias Cruzadas

Mateus 16:22

nuku xabakabi yuiaya Pedron ja mesti paxkabain nemakin yuikin: —Xanen Ibuun, jaskamaki. Diosun mia jaska yunuama iniki. Jau tsuan mia tenanyamaxanunbunwen— akaya

Mateus 21:29

jawen baken yuikin: “En dayakatsi ikamaki”, ibia janua shinan betsatan bai anu ka dayajaidaimaki.

Mateus 26:33

Pedron yuikin: —Miwen datei dasibi paxai keyuaibun eanan, en mia jawa jenekin putamaki— ikaya

Mateus 26:35

ninkamas jancha kushipawen Pedron ana yuikin: —Jaskamaki. En mibe mawabiai kai jaskai en miki dakeamaki— ikaya nun jawen tsuma dasibibun shinanma jabiaskasdi nun yuidianibuki.

João 13:6

Simón Pedroki kematan anun ikaya nemakin yuikin: —Xanen Ibuun, min en yusinanki. ¿Jaska wakin min ea juchunun ika ikai?— aka

João 13:9

Simón Pedron yuikin: —Jaskakenan, Xanen Ibuun, ea juchu bestiama ea mechukin ea buchudiawe— aka

João 3:5

januxun Jesúsun yuikin: —Jaskamaki. Chanima en mia yuiai ninkawe. Yuda kayabi medanua kaianan, yuda kayabi ikubainmisbuki. Ja inun, Yushin Pepatun kain benamatan jatuki jikitan jatu yaushikin mekekubainmiski. Ja inun, jene inun Yushin Pepawen nashiabumadan, Dios xanen ibuaiki man nukutidubumaki. Jakia ja dabewen pepakubainaibu jaki man dasitidubuki.

Hechos 22:16

“Jaskakenan, ana jatixuinda manama min Dioskidi chakabukunkainmis jau mia buaxunun Jesúsun kenawen taexun en mia nashimai kanun benidiwe”, ea waniki.

1 Coríntios 6:11

Matudan, betsabu ja ikaibu keska jiwebiakunkainkin Jesucristo man ikunwainbu nukun Xanen Ibu Jesucriston kushipa inun Diosun Yushin Pepatun kushipawen matu shinan betsa wamaya ikunwain betsan matu nashimabu matun chakabu detsis daxkia keska wakin medibi jabias besu keska wakin Diosun Yushin Pepatun matu pepawaniki.

Efésios 5:26

Criston nuku jaska wakatsi ikin nun jawen ikunwainbu nuku mawaxunkin jawena medibi chakabuuma nun xunpinunbun jawen kakape nun ikunwainwen taexun nuku nashimamisbuki.

Colosenses 2:18

Jaskaken tsuabuda pepa kayabitikidi shinain keinsbuma inun, tsuabunda nai tsumabu kenwanmisbu inun, jaskamabia uxa namai keskakin jawada taxnikidanai xabakabi uin jatun shinan medan kein shinan chankanmisbuki. Jaskamisbun jau jabun matu chitekin dakewayamanunbun uindakubanxankanwen.

Colosenses 2:23

Ja jaska chanima keska wakin yusinananmisbudan, unanepakatsis ikin yusian bena bika ibubis yusinkin chibanjaidakin jatun jiwea pe mekekatsis ibiai tsuan jawen shinan chakabu nemakin jenetidumaki. Jaska akinan, jaska bechipaiaibu besti jatun shinanwen besti kushipakin yuikubainmisbuki.

Tito 3:5

Nukubun jawa wakin nun pexunamabia jawen nui pepas jawa jusiamawen nuku mekekin piskumaniki, nukun chakabu chuka keska wakin, nuku ana kain bena wakin jawen jiwea bena nuku inaniki, jawen Yushin Pepawenan.

Hebreus 10:22

Jaskawen taea nukudi Diosbe janchanun ika nukun shinan chakabun nuku mekemis ana mekemama unpaxwen chuki keskatan nuku juinti xunpintan chanima kayabi ikun kayabi wai Diosbe janchakubainankanwen.

Apocalipse 1:5

Ja dikabi Jesucristo jawa chani chakaisma mawatan ja dukun besteni inun mai jidabi anu jabu xanen ibu betsa betsapa binui jatun xanen ibumisdan, jau jatun matu unanuma jiwemadianunwen. Ja inun, nuku bechipai nukuwen nuikin nukun chakabuwen taea mawakin jawen jimi jabakin nuku buaxundianiki.

Apocalipse 7:14

kemakin: “Xanen ibuun, min mian unaiin”, en wa januxun mekenikatun ana ea yuikin: “Chanimaki. Ichakawanikatun yuda dasibi mai jidabi anuabu bikawakin jatu nuitapawaya yudabun jatun chakabu jenekin jabun tadi detsis keska chaxuwan baken jimiwen chukakin jabun detsis yamawakin jabun tadi juxu pejaidawabuki.”