João 13:18 - Kashinawa : Diosun Jesúswen taexun yuba bena yiniki

¹⁸ Na jaska janchaidan, matu dasibikidi en janchamaki. Ean en matu katunixun en unaiin. Jamen ekidi Diosun jancha yuixunikatun ea dayuikin: “Ebetan pibiakin ea detenun ixun shinainkiki”, ini keskai jaska ekidi kenenibu yuiaiwen taea chanima matu bestichaitun man ea jabiaskadi wakatsis ikaii.

Kaxinawá Bíblia (BR)

¹⁸ Na haska hãtxairã, matu dasibikiri ẽ hãtxamaki. Eã ẽ matu katunishũ ẽ unaiĩ. Hamẽ ekiri Deusũ hãtxa yuishunikatũ ea dayuikĩ: “Ebetã pibiakĩ ea detenũ ishũ xinaĩkiki”, ini keskai haska ekiri kenenibu yuiaiwẽ taea txanima matu bestitxaitũ mã ea habiaskari wakatsis ikaii.

João 13:18 Referencias Cruzadas

Mateus 10:36

Ewen taea jawenabube dananain sinatanamexankanikiki.

Mateus 26:21

Jesúsun nuku yuikin: —Chanima en matu yuiaii. Jadatutunda man ea jatu achimai kaii— nuku wa

Mateus 26:23

Jesúsun nuku yuikin: —Na jabias kenchaki ebetan misi pukuxun man piaitunan, jatun ea jatu achimai kaikiki.

Marcos 14:17

badi kai meshuaya Jesús jawen 12 tsumabube kai jikitan

Marcos 14:18

tapu anuxun jabetan piaibun Jesúsun jatu yuikin: —Chanima en matu yuiaii. Na jabiatian ebetan man piaibunan, jadatutunda man ea jatu achimai kaii— jatu wa

Marcos 14:20

ana Jesúsun jatu yuikin: —Man en 12 tsumabun jabias kenchaki man misi pukuxun piaibunan, man bestichaitun ea jatu achimai kaii.

Lucas 22:21

ana jatu yuikin: —Jamen matu bestichaitun na man ebetan piaibunan man ea jatu achimai kaii.

João 13:21

janua Jesús jawen juinti metexekei nishmajaidakin xabakabi ana nuku yuikin: —Chanima jadatuda bestichaitun man ea jatu achimai kaii— nuku wa

João 13:22

nuku jawen tsumabu betsakidi janchai unanma e itan nun beisina akeakeaya

João 13:26

baxexendi Jesúsun ea besti yuikin: —Misi pukuxun en inainan, jaki— ea watan misi bixun tewe inun yuchi mutsaki pukutan Simónen bake Judas Iscariote inan

João 15:16

Man ea katuama ean en matu katuniki. Jaskawen taexun en matu yunuaii. Kaxun jatu yusinkin man bimi ichapa wai keska wakin en tsumabu jatu wakin jau chintunyamanunbun jatu kushipa wakubainxankanwen. Jaska wakin en kenayaxun Epa Dios jamapai tibi man yuka matu axunxanikiki.

João 15:25

Jaskaken Diosun jancha yuixunikan yuikin: ‘Jawamawen taexun ichakawakin ea dananibuki’, iwanan, keneni keska menekin ea danankanikiki.

João 17:12

Na enabudan, mai anua jatube jiwexun min kena kushipa min ea inaniwen chakabu nemakin en jatu mekekubidanshinaki, jawa jatu benuamadan. Judas besti jaska jakidi kenenibu keska aki ma benuni iki kaxuki.

João 18:32

jaska wakin tenanxanaibu Jesúsun nuku yuishinadan, unanmabia jabiaskadi jatu amaya

João 19:24

yuinamei: —Paxkakin chakabuwayamanankanwen. ¿Tsuan bimenkain? jawen beyusti jexe putakin tsadin tsadin akin putanankanwen— iwanan, jaska bebunkidi Diosun jancha anu kenekin: “En tadi paxkakin en sanpu bikin jawen beyusti putaxankanikiki”, akin yuini unanmabia jaska kenenibu soldadobun jabiaskadi wanibuki.

João 21:17

ana jawen jenekin Pedro yukakin: —Juanen bake Simóneen, ¿min ea bechipaijaidai?— aka dabe inun bestiki jabias yukaiwen taea Pedro juinti nishmai punu nukatan bechipaiaiwen taexun yuikin: —Xanen Ibuun, en shinan dasibi unankin en mia bechipaijaidaidan, min unaiin— aka —Jabiaskadi wakin enabu chaxuwan keska jatu yusinkin jatu ea mekexuindakubainxanwen— iwanan,

João 6:70

Jesúsun nuku yuikin: —Eanan, en matu katubiayama bestichai yushin chakabu man jayaki— nuku wa

Hechos 1:16

—En betsabu inun en puibuun, jaska bebunkidi Judaskidi Diosun Yushin Pepatun David yuia kenenidan, jabias Judasin akin meneimaki. Jaska wanikidi akin chanima jatun jatu iyuxun Jesús jatu achimaimaki.

Hechos 1:2

Nai anu kadiama Yushin Pepaki dasia nixun jawen tsumabu kushipayabu yusinkin jau jaska katuxun chanima akubainxanunbun jatu yunuyabis xaba betsatian nai anu inakainikiaki.

2 Coríntios 4:5

Jaska inun, mai damiwakin Diosun yuikin: “Meshu anua jau xabayununwen”, anixun jabiatundi nukun juinti anu xaba pexani keska wakin Diosun Cristo nuku unanmaya jawen kaka pepa Cristokidi nun xabakabi matu unanmakubainikiki. Jaskaken yusinkin: “Jesucristo nukun Xanen Ibu kayabiki”, ikin, “Jesucristo bechipaijaidakin nun matun dayadu bestiki”, ikin xabakabi dasibibuki chani ibubis nun keinsmaki.

Hebreus 4:13

Dasibi Diosun jatu damiwanidan, unanti waya tsuan jani juntain junetidubumaki. Dasibi nukun akadan, jidabi nuku unanti waxanikiki, nukuki kenemis bepentan manakukin pewakinan.

Apocalipse 2:23

Ja inun, ja ainbun jancha ninkamisbu tenankin en jatu yamawaxanaii. En jatu jaska waya dasibibun shinan inun jabun juinti en unanjaidamis jabun ea ikunwankin chibanmisbun chanima unanxankanikiki. Ja inun, jatidibun jaska jiwea bechipaimisbu unantan pepabu pepawen jatu kupikin chakabubu chakabuwen en jatu kupixanaii.