João 10:3 - Kashinawa : Diosun Jesúswen taexun yuba bena yiniki

³ Jamen kene xui mekenikatun chaxuwan uinkin bepenxuna jawen ibuan chaxuwan tibi jawen kenawen kenapakea jawen jui ninkatan kainbidanaibun

Kaxinawá Bíblia (BR)

³ Hamẽ kene shui mekenikatũ txashuwã uĩkĩ bepẽshuna hawẽ ibuã txashuwã tibi hawẽ kenawẽ kenapakea hawẽ hui nĩkatã kaĩbiranaibũ

João 10:3 Referencias Cruzadas

João 10:14

Jaska inun, En Epan ea unanun eandi en Epa en unain keska wakin enabu chaxuwan keskabu en jatu unanyan jabundi ea unankanikiki. Jaskaken en mekenan pepawen taea enabu chaxuwan keskabu en jatu mawaxuntiduki.

João 10:16

Nenu besti enabumaki, na chaxuwan kene anuadan. Jakia chaxuwan betsabudi Diosun ea ma yununiki. Israelbumabiaken jatudi en mekekubainxanaii. En jui ninkaibu chaxuwan xukua bestichai mekenika bestichaiya keska Israelbun ea ikunwainbube Diosun enabu dasibi ea iwexunxankanikiki, jatuki dasi wakinan.

João 10:4

jawenas kainmakin dasibi kenakin keyubainkin bepuaya jawen jui ninkabainkin chibanmisbuki.

João 10:9

Jakia janu jikiti xuidan, en eaki. Tsuada eanu jikiaibu en jatu mekekubainxanaii, Diosunabu jatu wakinan. Chaxuwan meke pejaidawakin jatu bichitan kainmakin basi pepa pimakin en jatu ama keska wakubainxanaii.

João 6:37

Jakia ea yununitun shinanen aki en juniki, emebi en shinanen aki juamadan. Jaskaken tsuabuda katuxun Epa Diosun ea anu jatu pexukin ekidi yunua ikunwankin ea jaibuwakubainxankanikiki. Ja inun, ea ikunwainbu en jatu danantaskama ixanaii.

Romanos 8:30

Jaska inun, tsuabuda Diosun bebunkidi jatu kabenkin katuni Jesúswen taexun chakabuuma wakin pewatan jawada Diosun jawen bake Jesucristo yunutan ani keska wakin jabudi duawakin Jesucristobe jatu xanen ibuwaxanikiki.

1 Coríntios 16:9

Éfeso anuxun Jesúskidi kakape yuii en dayai ichapabun ea nemai eki sinatabiaibun Diosun jancha betsabu en yusinkubainaya ichapabundi ea ninkakanikiki.

Filipenses 4:3

Jaska inun, Sízigoon, miadan, min chintuinsmawen taexun mia yununun ninkawe. Nukun pui dabe Evodia inun Sintique ea jatu medabewaxunxanwen, jau daenamenunbunan. Clemente inun medabenanika betsabu ja ainbu dabebetan Cristokidi kakape en yusianyan jabun ea putama ea medabewai bika tenediakubainibuki, jabudan, jatun kena tibi ja jiwekuinti unaki ma jatun kena Diosun jatu kenekin netanikidan.

Colosenses 4:3

Jaska inun, nukukididi Dios nuku yukaxundiakanwen, jau nukun Xanen Ibun nuku medabewaya jakidi jawen kakape Cristokidi Diosun juneni xabakabi mae betsa betsapanu nun jatu yusinkin jatu unanmabaununbunan, na jaska jakidi ea nemakin bichikin akawanibu en niakididan.

2 Timóteo 2:19

Jatu jaska wabiaibun ma medibi Diosun jawenabu kushipa wakin mestenwani jawa ana betsa wama ixanai ma Diosun jancha kaneama kenenibu jayaki. Jaskaken: “Nukun Xanen Ibun jadatuda jawenabu ma unainkiki”, ja inun: “Tsuabunda nukun Xanen Ibun kenawen Diosbe janchakinan, jatun chakabu chitetan jau jenekubainunbunwen”, adiani kenenibu jayaki.

1 Pedro 1:12

Ja Mesíaskidi jatu chanimakin jau Diosun jancha yuixunikabun ibubis Diosun yusian ninkatan jakidi jatuna besti watidubuma Diosun jabu chipu jiwexanaibudi jau jabundi jakidi unanxanunbun, iwanan, jabu matu kenemaxuniki, matu medabewakinan. Mesías Cristokidi kakape matu unanmakatsi ikin jawen Yushin Pepa nai anua yunua januxun Jesúskidi yusinan betsabun jakidi datan akin matu unanmakubaunibuki. Na jabias kakape matu yusiainbu Diosun nai tsumabundi ana tapinpai idiakanikiki.

1 João 4:6

Jakia nukudan, nun Jesúsun kushipayabudan, nun Diosun bakebuki. Nun yusianyan jabun Dios unankin nuku ninkaibun jabun Dios unanbuman nuku ninkaisbumaki. Ja jaskabudan, jadatuda chanima Yushin Pepa jaya inun jadatuda padanan yushin jayabu nun unantidubuki.

3 João 1:14

Jakia samama mia anu ka uinanain en mibe janchai kaxanaii.

Apocalipse 20:15

tsuabunda Dios chibankin Jesús ikunwanbuma jabun kena Diosun jaki kenemis una anu jabun kena jayama ja ian janu menui jede ji ji ikai anu ma jatu puta keyuabuki.

Apocalipse 3:20

Uian. Matu tibi jaibuwakatsis ikin matun beputi keska matun juinti anuxun ean en matu kenakin akawaii. Tsuanda en jui ninkatan ebe jaibunamekatsis ikin beputi keska matun juinti man ea bepenxuna matun jiwe anu jikitan en matubetan pikatsis ikaii.

Apocalipse 7:17

Ja inun, chaxuwan bake Dios xanen ibu jaki tsauti namakis niatun unpax paisma pejaida chacha jene jawen jiwemati jaya anu jatu iyuxun amai jatun mekenan ixanikiki. Januxun ja kaxamisbu Diosun jatun bedu beun jene dasibi taxka waxanikiki”, ea wa