Hechos 5:39 - Kashinawa : Diosun Jesúswen taexun yuba bena yiniki

³⁹ Jakia Diosun jatu yunua ikaibudan, man jawa jatu nematidumaki. Chanima jabun Diosun jancha kayabi yusiainbu jatu nemakin man binutidumaki. Dios nemanun ika man jaskatidumaki. Jaskaken shinankin uindakanwen— jatu wa jawen yusian chibankin pe ninkatan:

Kaxinawá Bíblia (BR)

³⁹ Hakia Deusũ hatu yunua ikaiburã, mã hawa hatu nematirumaki. Txanima habũ Deusũ hãtxa kayabi yusĩaĩbu hatu nemakĩ mã binutirumaki. Deus nemanũ ika mã haskatirumaki. Haskakẽ xinãkĩ uĩrakãwẽ— hatu wa hawẽ yusĩa txibãkĩ pe nĩkatã:

Hechos 5:39 Referencias Cruzadas

Mateus 16:18

Ean mia kenakinan, mia Pedro wakin mishki kushipa keska en mia waii. Min jaska janchakin yuixuwen taexun yudabu minwendi ichapa en jatu ikunwanmaxanaii. Yuda mema mawatidubiaken Satanásan datemakin ea ikunwainbu maematidumaki, jatu nemakinan.

Hechos 11:17

Januxun nukun Xanen Ibu Jesucristo nun ikunwanyan jawen kushipa nuku inanyama keska wakin ja nawabundi ikunwainbu Diosun jabiaskadi waya ean jaska waxun Dios en nematiduma ishianki— jatu wa

Hechos 23:9

jaskaibun unanxubima dasibibun yui kemanamei keketikubaunaibun janua Diosun jancha kenenibu yusinananmisbu fariseobu betsa benitan fariseobu janchaxunun, iwanan, jatu yuikin: —Na juninan, jawa chakabuwamaki. Yushin kasmai nai tsuma jabe janchai daki ishianki— jatu waibun

Hechos 6:10

Diosun Yushin Pepatun Esteban unanepa wakubainaiwen taexun tsuan Esteban maemakin janchawen binuntidubumaken

Hechos 7:51

Estebanen Junta Suprema ana jatu yuikubainkin: —Dasibi kushipa Dios jaya mesebiaken matun xenipabu ipaunibu keskai matubudan, matun besu inun, matun juinti inun, matun pabinki kushiken Diosun Yushin Pepatun matu yusinbiakubainaya man ninkaisbumaki, nawabun Dios unanbuma keskadan.

Hechos 9:5

Saulon dateyabi yukakin: —Xanen ibuun, ¿min tsua ikai?— aka januxun ja jui taxniaitun Saulo ana yuikin: —Jabia ea ikunwainbu min ea jatu ichakanwainan, en eaki, Jesúsdan.

1 Coríntios 1:25

Diosun jaska wamis ninkama betsabun kanekin yuikin: “Diosdan, tatimaki, unainsmapadan, kushipa jayamadan”, amisbuki. Jakia dasibi unanjaidakin Diosun yudabu dasibi binumiski. Jawada yudabun ikunwanma dananmisbudan, Diosun jawen kushipa nuku uinmanmiski, nun babubiakenan. Jaskai Dios kushipajaidakin yudabun kushipa binumiski.

1 Coríntios 10:22

Ja inun, ¿yushin dami betsa kenwankin Dios daka man sinatamanun, iwanan, aki ikai? ¿Matun kushipawenan, man Dios binuamen? Jaska yushin dami betsa kenwankin man jusia akeakeaidan, ana jaska tibi akin Dios sinatamayamakanwen.