Hechos 4:13 - Kashinawa : Diosun Jesúswen taexun yuba bena yiniki

¹³ janua Pedro inun Juan jawa dateama kushipai xanen ibubun uianbun bedubi Jesúskidi xabakabi jatu yusiainbu xanen ibubun ninkatan ja junibu unanepabuma inun escuela anuxun jawa tapinsbumabia pewen jatu jancha waibuwen taea unain e itan jakia Jesús jatube nixun jatu yusinkubainima shinantan

Kaxinawá Bíblia (BR)

¹³ hanua Pedro inũ João hawa dateama kuxipai shanẽ ibubũ uĩabũ berubi Jesuskiri shabakabi hatu yusĩaĩbu shanẽ ibubũ nĩkatã ha hunibu unãnepabuma inũ escola anushũ hawa tapĩsbumabia pewẽ hatu hãtxa waibuwẽ taea unaĩ e itã hakia Jesus hatube nishũ hatu yusĩkubainima xinãtã

Hechos 4:13 Referencias Cruzadas

Mateus 11:25

janua Jesús shinan chankain benimakin yuikin: —Epaan, nai inun mai jidabi minaski. Min duapa jancha ja unanepai kenmisbu min jatu unanmama jabu keinsbuma besti min jatu unanmakubainaiwen taexun en mia kenwaiin— iwanan

Mateus 26:71

janu jemaintin kenekauana jikiti xui anu ka niken ainbu betsandi janu nia uinkin jatu yuikin: —Ja junidan, Jesús Nazaret anuabe nimiski— jatu waya

Mateus 26:73

janua jabianu manixun betsabundi Pedro uindiakin jaki kemaxun yuikin: —Chanima Galilea anuabu min jawen janchaki. Min Jesúsun tsuma betsaki. Jadi man janchamisbin nun mia ninkai— akabu

Lucas 22:8

Jesúsun Pedro inun Juan nichinkin yuikin: —Ja Pascua shinanti nukun piti pewatankanwen— aka

João 19:26

jawen ewa inun ea uinkin ekidi Jesúsun yuikin: —Ewaan, ja mia dapi niadan, min bakewawe— iwanan, ea bechipaijaidamisxun eadi yuikin: —Baa, ikis en ibu min ewa ea waxunwen. Ea uindaxunkubainxanwen— ea wa en jiwe anu iyuimaxun en medabewapauniki.

João 7:15

xanen ibubun uin e itan jaki sinatai yuinamei: —¿Jaskatan jaska yusian unanjaidai ikimenkain, nukubetan kene tapinsmabiadan?— ikaibun

João 7:49

Jakia Moisin jancha unanbumawen taea ja yudabudan, ibubis yupukunain ikanikiki— jatu waya

Hechos 4:14

ja juni xuxawashinabu jatube niawen taea jaska waxun jatu jaska watima naxukukin

Hechos 4:19

Pedro inun Juanen jatu ninkasama jatu kemakin: —Dasibi nun amis Diosun unainwen taea ¿jadatu chibain pemen? ¿Matun jancha ninkaimenkain? ¿Diosun jancha ninkaidaka? Jaskaken matumebi unanti wakanwen.

Hechos 4:29

Nukun Xanen Ibuun, natianan, jabun nuku mese mesewaibu min uiaiin. Jaskawen taexun nun min tsumabu jawa datea min baken kakape nun xabakabi chanikunkaunun nuku yunuwe.

Hechos 4:31

Diosbe janchai meneaibun jabiatiandi janu ichabu anu pacha sakuaya Diosun Yushin Pepatun jatu dasibi achikin kushipa wakin keyua januxun ana dateama Diosun kakape jawenabu jatu yuikubainibukiaki.

Hechos 9:27

jakidi mesebiaibun Bernabén Saulo Jesúsun kushipayabu anu iyuxun jatu unanti wamakin yuixunkin: —Ana jaki meseyamakanwen. Damascokidi kakin nukun jaibu Saulon Xanen Ibu Jesús uin jabe janchaimaki. Januxun Jesús ikunwantan jawen kushipawen Damasco anuxun jawa dateama Jesúskidi jatu dasibi yusinbaunshinaki— jatu wakin jatu beya wamakin tapinmashinawen taea

Hechos 9:28

janu jatu anu niti iyushina jaskai jiweyuxun Jerusalén anu Jesúsun kushipayabube jiwea jawa dateama nukun Xanen Ibukidi yusiin Saulo jatube janchakunkainkin

1 Coríntios 1:27

Jaskaken tsuabuda: “En juni pepawen taexun Diosun ea katuniki”, iwanan, shinanyamakubainkanwen. Unanepabu jawauma wakin dakewanun, iwanan, Diosun ja matu tatima waibu matu katumiski. Kushipabu jawauma wakin dakewanun, iwanan, tsuabuda babubu jabu jakidi pechitan yuankin: “Mitanumabuki”, jatuki imisbu Diosun matu katukubaindiaikiki. Tsuabuda yudabun matu danankin pe shinainsbumadan, Diosun matu katukubainmiski. Dasibibu binunun, iwanan, tsuabuda yudabu jaki pechitan shinainsbumadan, Diosun matu katudiamiski. Jaskaken nukunmebi nun pepaumabiaken Diosun matu katuniwen taea nukun pepakidi Dios yui tsua jamebi jawa kentidubumaki.

1 Coríntios 14:25

Jatun shinan chakabu junea xabakabi wamakin Diosun jatu unanmaya ana jawawen jaskatima datei Dios kenwanun ika danti iki beutan yuikin: “Chanima Dios matuki dasia jiweaki”, ixankanikiki.

2 Coríntios 3:12

Eska Israelbun Moisin besu uinkin jawada chaxajaida maiin bexmasai jau uinyamanunbun Moisin tadi tuaxwen jawen besu junei bepukukunkaini keskama jaska nukundi nun ikunwainbu Cristo manakakin nukun jancha jakidi juneama jawa dateama xabakabi nun yusinkubainaii.