Hebreus 10:38 - Kashinawa : Diosun Jesúswen taexun yuba bena yiniki

³⁸ Tsuabuda pepabunan, jaska en yubakai shinankin ikunwain jawen jiwexankanikiki. Jamen tsuabunda ja en yubakai ikunwankin mestenwankatsi ikama chintuainbudan, en ana jabuwen benimama ixanaii”, aka ninkaxun nuku kenexuniki.

Kaxinawá Bíblia (BR)

³⁸ Tsuabura pepabunã, haska ẽ yubakai xinãkĩ ikũwaĩ hawẽ hiweshãkanikiki. Hamẽ tsuabũra ha ẽ yubakai ikũwãkĩ mestẽwãkatsi ikama txĩtuaĩburã, ẽ ana habuwẽ benimama ishanaii”, aka nĩkashũ nuku keneshuniki.

Hebreus 10:38 Referencias Cruzadas

Mateus 12:18

‘En tsuma en katunidan, en bechipaiai ea benimawamiski. En Yushin Pepa en yunua medabewaya pepakidi en tsumapan yudabu xukuabu tibi yuibaunxanikiki.

Mateus 13:21

shinan pewamawen taexun jawen jiwepanan Diosun jancha dananmakin jatu bika wakin jawen jamapaiwen jatu ichakawabu tenei jawawen jaskatima ja uintan ana jawendi chintunbainmisbuki.

Romanos 1:17

Jaska inun, jawen jancha yuixunikatun Diosun kakapekidi kenekin yuikin: “Tsuabunda Diosun jancha ikunwankin chibainwen taea pepai jiwexankanikiki”, aniki. Jaskawen taexun jawen bakekidi kakape Diosun jawen jatu mekekin jatun chakabu buanixun ja besti ikunwainbu jatu paxawaxanikiki.

Gálatas 3:11

Jaska inun: “Ikunwain pepabu jiwekuinxankanikiki”, iwanan, Diosun jawen jancha yuixunika kenemaniwen taexun jawen yunuti inun jawen nemati besti chibankin Dios daewatidubumaki, nun unanan.

1 Tesalonicenses 2:15

Ja judiobudan, ja dukun jatun xenipabu betsabun Diosun jancha yuixunikabu betsabu u unuatian jatu tenankubidanixun januxun jabiabun bababundi nukun Xanen Ibu Jesús tenandianixun nukudi ichakawakatsis ikin nuku kainmakin jaska Diosun bechipaiai axuanma nuku putakubainimabuki. Januxun Diosun judiobumadi jatu shinankin jabudi mekekatsi janu jatu anu nuku yunuima nun matube janchaya judiobun nuku nemapaikin judiobu inun judiobuma jatube dasitan jatu nukuki sinatamakubainkanikiki. Jaska wakin jatun chakabu betsa betsapa ana matsankin ichawakubainaibuwen taexun samama jatu kupichakayamakatsi Diosun jatu manakaki.

Hebreus 10:39

Jaskaken betsabun Jesús chibain chintuainbu jabu Diosun kupiaya ea inun man ebetan Jesús ikunwain chintuanma nun chibankubainmisbudan, jawen paxai Diosbe nun jiwekunkainxanaii.

Santiago 5:6

Matunan, jadatubunda jawa matu chakabuwaisbuma betsabu tenankin ichapabu man jatu ichakawamiski, jabun jawa matu nemakin yuiabumadan.

1 João 2:19

Jabu taxnidan, nantekea beama jabia nuku anua iki taebainkanikiki. Nukube ichabiamisbu Jesucristo danain ana nukube ichama jaki sinatakanikiki. Jamen nukubetan ikunwainbunan, nuku paxkabainama itidubuki. Jakia nuku paxkabainaibu uinkin ikunwan kayabiabuma man xabakabi unantidubuki.