Gálatas 6:4 - Kashinawa : Diosun Jesúswen taexun yuba bena yiniki

⁴ Jakia jatiditun kenkin kanekatsi ikama pepa akubainmis unankin yuikin: “En pepaki”, iwanan, yuda betsa binumanun ixun shinantimaki.

Kaxinawá Bíblia (BR)

⁴ Hakia hatiritũ kẽkĩ kanekatsi ikama pepa akubaĩmis unãkĩ yuikĩ: “Ẽ pepaki”, iwanã, yura betsa binumanũ ishũ xinãtimaki.

Gálatas 6:4 Referencias Cruzadas

Lucas 18:11

Jaskakain fariseo nia naiudi besuxun Dios dayuikin: “Diosuun, yuda betsabu keskama en pewen taexun en mia kenwaiin. Yumetsumisbu inun, padanananmisbu inun, chutanamebaunmisbu inun, ja pei bixunika chakabu en jatu keskamaki.

1 Coríntios 11:28

Matunmebi ibubis matun shinan pe unantan jawa chakabu jayama man pitiduki. Jamen chakabu pewadiamatunan, man piyutidumaki. Man jawadashina matun shinan man pewadiamadan, ¿jaskakin eistan Jesúsun yuda jawen jaskakatsi man piai? Man shinanma jaki meseama piaiwen taexun Diosun matu kupixanikiki.

1 Coríntios 3:14

Tsuada jiwe kushipa chin menuisma keska jiwemisbudan, jawa chin menuismawen taea jatun manakuti pepa bixankanikiki.

1 Coríntios 3:8

Jamen matudan, Diosun jawen kakape jexe banamis keska man jawen baiki. Jakia nukudan, nun bai anu dayai keskakin nuku dasibibun nun Dios medabewakubainaii. Betsabun kakape banai inun betsabun nashimabiaya jamapai daya nuku yunua dasibibun nun pe akubainaiwen taexun Diosun nuku pakakin manakuxanikiki, nukun daya tibi pepawenan. Junibun jiwe wamis keska wakin Diosun matu wakatsis ikin

2 Coríntios 1:12

Jamen nukukididan, jaska yudabun Dios unanbuman shinain kenmis keskama jakia Diosun nuku shinan betsa wamatan juinti pepa nuku waniwen taexun jaska Diosun bechipaimis nuku shinanmaya tsua padanma duapa bestikunkaini matuwen nuijaidai nun kenkunkainaii, matuwen taea chanima benimaidan.

2 Coríntios 13:5

Jaskaken matu anu en ana kadiamaken Jesucristo matuki dasia man jaska ikunwankin pewaimenkain. Matunmebi uinkin matun shinan uke medan unankanwen. Betsabun man ikunwainmenkain. Betsabun man daki ikunwanbumaki. Matunmebi ibubis unantinankanwen, jaska man kaneamamenkainan.

Gálatas 6:13

Jaska inun, Moisin nemati inun jawen yunuti jabun chibankin keyuamabia matun jina kubichi ninkamas matu bitan matuwen taea besti ibubis kenkatsis ikanikiki.

Filipenses 1:26

Matu anu ana jaska kainshinxun en matu yusianyan ewen taea benimai man tse ixanaii, Jesucristo kenjaidawaidan.