Gálatas 6:18 - Kashinawa : Diosun Jesúswen taexun yuba bena yiniki

¹⁸ En betsabu inun en puibuun, nukun Xanen Ibu Jesucriston jau matu duawakubainunwen. Jatiski, en janchadan. Pablo

Kaxinawá Bíblia (BR)

¹⁸ Ẽ betsabu inũ ẽ puibuũ, nukũ Shanẽ Ibu Jesus Cristõ hau matu duawakubainũwẽ. Hatiski, ẽ hãtxarã. Paulo

Gálatas 6:18 Referencias Cruzadas

Hechos 1:15

Ja xaba tibi jaskakubainkin xaba betsatian 120 ikunwainbu jatube icha maniabu Pedron jatu yuinun ika benitan jatu yuikin:

Romanos 1:13

En betsabu inun en puibuun, jaska judiobuma mae betsa betsapa anu jiweabu en jatu yusinmis keska wakin matukididi shinain man Roma anuxun Jesús ikunwainbu ana matu ikunjaidawamakin inun betsabun ikunwandiabuma Jesús jatu ikunwanmanun ika man Roma anu jiweabu en matu yusin kakatsis ikaii. Matu uinun ika en yubakabiakunkainaya jamapai betsa betsapatun ea teawa matu anu en kadiamaki.

Romanos 16:20

Man jaskai jiweawen taexun nukun Epa Diosun nuku unanuma jiwemamistun matu medabewaya man Satanás chitekin ja aka jawaida babutan matun mae anua kainkainxanikiki. Man jaska waya nukun Xanen Ibu Jesucriston jawen pepawen jau matu unanuma jiwemakubainunwen.

Romanos 16:23

Ja inun, nenu Corinto anuxun ikunwainbu Gayon jiwe anu ichamisbu inun jawen jiwe anu ea jiwematun jawen jancha matudi yunudiaikiki. Ja inun, na maewan jidabi pei mekemis Eraston jawen jancha matu yunudiaikiki, Jesúsunabu Cuarton xunskatunan.

Gálatas 3:15

En betsabu inun en puibuun, jaska yudabu yubakai shinain janchamisbu keska matu yuinun ninkaidakanwen. Yudabu yubakanametan shinanma tsuan jenetiduma inun tsuan betsa watidumaki.

Gálatas 4:12

En betsabu inun en puibuun, matu Jesús ikunwanmakin taewamai judiobun beya chibanma matun beya chibain en matube jiweyuniki. Ea ninkakanwen. Natian en jiwemis keskadiai jiwekubainkanwen, en matubetan jawa chakabu waismawen taeadan.

Gálatas 6:1

En betsabu inun en puibuun, nukunabun jamapai chakabuwakin kaneaibu uintan matun man ikunwainwen taexun pewakin jatu medabewakin jancha pepawen unanxubida jatu yusinkubainkanwen. Jakia matundi chakabuwakin man kaneyamanunbun, Diosun Yushin Pepatun matu mekeaya ibubis mekediakubainkanwen.

2 Timóteo 4:22

Nukun Xanen Ibu Jesucristo mibe nixun jau mia medabewakubainunwen. Ja inun, Éfeso anuxun ikunwainbu dasibi Diosun jau matu duawakubainunwen. Jatiski, en janchadan. Pablo

Filemom 1:25

Nukun Xanen Ibu Jesucriston jawen pepawen jau matu duawakubainunwen. Jatiski, en janchadan. Pablo

Apocalipse 22:21

Nukun Xanen Ibu Jesucriston jau matu dasibi jawen pepawen duawakubainxanunwen. Ea uinmakubidanxu en jancha chanimadan, jatiski. Juan