Gálatas 3:7 - Kashinawa : Diosun Jesúswen taexun yuba bena yiniki

⁷ Jaskaken tsuabunda Dios ikunwankin Jesús chibanmisbu Abrahamnen bababu kayabibuki.

Kaxinawá Bíblia (BR)

⁷ Haskakẽ tsuabũra Deus ikũwãkĩ Jesus txibãmisbu Abraãonẽ bababu kayabibuki.

Gálatas 3:7 Referencias Cruzadas

Lucas 19:9

Jesúsun yuikin: —Eadan, matun Juchi Kayabi Iyuatun juni chakabu benua keska benabaunkin medabewanun ika en juniki. Na jabiatian na jiwe anu matun mekenan ma matu anu jikixuki. Jaskawen taea min shinan betsa waya Diosun minabube mia mekekubainxanikiki. Jaska Abrahamnen ikunwanpauni keskakin ikunwain min ma Abrahamnen baba kayabiki— akaya

Lucas 21:31

keskai jawada en matu yuixu ikai bechitan en samama xanen ibui juai man unanxanaii.

João 8:39

—Jamaki. Diosun katuni Abrahamnen bababudan, nun nukuki— ikaibun Jesúsun ana jatu yuikin: —Matu chanima man Abrahamnen bababudan, jaska Abrahamnen ani man adiakeanaii.

Romanos 4:24

inun nukukididi shinankin axuniki, jatu kenemakinan. Jabiatundi nukun Xanen Ibu Jesús bestenwani ja shinanwen nun ikunwanyan Diosun jawenabu nuku wamiski.

Gálatas 3:9

Jaskaken Abrahamnen ikunwanyan Diosun duawani keska wakin tsuabunda jawen bake ikunwainbu Diosun duawadiamiski, jiwekuinmakinan.

Gálatas 6:16

Jaska en matu yuiai keska shinan betsa watan Jesús besti ikunwain man jawen dasibi jiweaibu chanima man Diosunabu kayabiki. Janua Dios matuwen nuikin jau unanuma matu jiwemadiakubainunwen.

Hebreus 13:23

Ja inun, nukun betsa Timoteo bichiti jiwe anua ma taxnimashinabu en matu unanmaii. Jawaidakidan eki nukuaya jabe kaxun en matu bechimai kaxanaii.