Efésios 4:32 - Kashinawa : Diosun Jesúswen taexun yuba bena yiniki

³² Jakia matudan, man pepakatsis ikaidan, matunabuwen nui bestikubainkanwen. Jawada man jatube chakabumis daenametan duanameidan, matun chakabu jakimadabetan ana shinanma pepakubainkanwen, jaska Criston matun chakabu buaniken Diosun ana shinainsma keskaidan.

Kaxinawá Bíblia (BR)

³² Hakia maturã, mã pepakatsis ikairã, matunabuwẽ nui bestikubaĩkãwẽ. Hawara mã hatube txakabumis daenametã duanameirã, matũ txakabu hakimarabetã ana xinãma pepakubaĩkãwẽ, haska Cristõ matũ txakabu buanikẽ Deusũ ana xinaĩsma keskairã.

Efésios 4:32 Referencias Cruzadas

Mateus 6:12

Ja inun, nuku chakabuwaibu jatu jakimawakin jatun chakabu nun ana jaska shinanmawen taexun nun mia chakabuwai buaxuntan ana jaskakidi nuku shinanmayamawe.

Marcos 11:25

Jaska inun, Dios dayui jabe janchakin tsuanda jawada matu chakabuwashina jaki sinatabiatan jawaida jabe daekubainkanwen, ana jas shinanmadan. Man jaskaibu matun chakabudi Diosun matu buaxuntan ana shinanma idiaxanikiki.

Lucas 1:78

Nukun Dios nuikipa chakamatun nuku bechipaikin nai anua jawen bake xaba badi bena keska nuku butexunxanikiki.

Lucas 11:4

Ja inun, tsuabunda nuku chakabuwaibu jatu jakimawakin jatun chakabu nun ana jaska shinanmawen taexun nun mia chakabuwai buaxuntan ana jaskakidi nuku shinanmayamawe. Ja inun, nun kaneyamanunbun jawada nun jawen kemumis kainyain nuku nemaxunkubainwen’, atiki— iwanan,

Lucas 17:4

Jabias xabatian tsuanda 7ki mia chakabuwaxu jabiatikidi mia yuikin: “En ana kanexuki. Ana en jaskayamaxanun en chakabu ana shinanyamawe, nun ana sinatadabeyamanunan”, mia waya jabiatidiki jawen chakabu ana jabetan shinantimaki— jatu wa

Lucas 6:35

Jakia pepakatsis ikidan, eskatiki. Matuki sinataibuwen nuikin jatu duawankin matun pepa jatu uinmakubainkanwen. Jaskawen taexun tsuabunda min jamapai biwanshinxun mia ana bexunmisbu besti ana ja shinanma mia yane bexuinsbumadi jatu inandiakin yuda dasibibu jatu duawakubainxankanwen. Jaska wakin man jatu binumamisken matun pepawen Dios dasibi binuatun matu manakuxanikiki, jawen bakebu matu wakinan. Janunkain jabun Dios kenwainsbuma inun juni chakabububiaken betsa betsapa inankin Diosun jatu duawamiswen taea

Lucas 6:37

Jesúsun ana jatu yusinkin yuikin: —Tsuada ja akin chitekin unanti wayamakanwen. Man jatu jaska wamaken Diosundi jabiaskadi wakin matu chitekin ja akamadi ixanikiki. Ja inun, tsuada jatu dake wayamakanwen. Man jatu dake waismaken Diosundi matu dake wama ixanikiki. Ja inun, tsuabunda matu chakabuwaibu ja shinanma jatu jakimawakin buawe. Man jaska waya Diosundi matun chakabu matu buaxunxanikiki.

Hechos 28:2

ja uian nuku aka xunska nun matsi teneaya janu yuda betsa jiweabu dasibi nukuwen nuikin nuku duawakin kadu ichapa kuaxun nun yui bununbun nuku kenabu

Romanos 12:10

Ja inun, matun betsa kayabi keska wakin ikunwainbu betsabu jawada pepa man amis shinanma jakia ikunwainbu betsabube medabenamekin jabube nuinamei duanamekubainkanwen.

1 Coríntios 13:4

Nuikipa kayabi jayadan, eskaki. Ninkaidakanwen. Bika tenebiai pes ikama tenemisbuki. Ja inun, duapananmisbuki. Ja inun, jawada juni betsa jayawen nui kemuismaki. Ja inun, xanen ibubia: “Ea duawakanwen”, isbumaki. Ja inun, jawada pepa amisbukidi tsua yui jatunmebi keinsbumaki.

2 Coríntios 2:10

Jaska Satanásan nuku padankatsis ikai nun unanjaidaya jau nuku chakabun maemayamanun jawada ja junin akubainyama jakimakin jadi jakimawatan man ana shinanbumaken matun shinan pe unankin eadi jakimai en ana shinanmadiki. Medabewakin en matu kushipa wakatsi ikaii. Criston en shinan ea bebunxun unanyan jawada chakabu man jakimaimaken eandi ja junin chakabuwayama en ana jaska jakidi shinantidumadiki.

2 Coríntios 6:6

Jaska inun, nukun jiwea pepa kayabi nun jatu uinmaidan, tsua padanma inun, unanepai sinatama chanima nun ikun kayabi ikai Diosun Yushin Pepatun kushipaya nun Diosun tsumabu chanima nui kayabi nun jiwekunkainmiski.

Efésios 5:1

Matubu man Diosun bakebu kayabi pepabunan, jaska Diosun bechipaiai jaska besti chibankin mawakubainkanwen.

Santiago 5:11

Ja inun, chintuanbumawen taexun Diosun duawakin jatu kenwankubainiki. Nukubu nun shinan chankankatsis ikaidan, jawada bika tenekin jaska besti meama jawen kushipakin binukin nun tenetidubuki, jaska nun bechipaiamabiadan. Jaska nukun xenipabu Job ini man ninkamiskidi xabakabi ana matu shinanmanun ninkakanwen. Jamapai bika tibi yudabun tenetidubu Jobun tenekubainaya jawen yuda chami keyuni inun jamapai bikajaida teneai Diosun nemama ibiaya Jobun Dios ikunwanpakekubaini chintuanma inikiaki. Jaska Jobun ikunjaidawai nukun Xanen Ibu Diosun jaskada watan jawen nuikin duawakin atimas jawen isin xuxawatan ana jawenabu inun jawen yuinaka debui keyuima ana jawenchains inan akeakebainikiaki, jawen shinan pepawen Dios Jobwen nuikinan, nukun Xanen Ibu nui chakama inun medabenan chakaismatun jawen nuikin axunkinan.

2 Pedro 1:7

matubetan ikunwainbube jaibunain beyanamei jaska tibiwen nuii jiwekubainkanwen.

1 João 1:9

Jakia jau nukun chakabu nuku buaxunun jawada mekin nun jatu meshu washinaki dateama Dios inun tsuabuda nun chakabuwashina jau ninkanunbun xabakabi nun jatuki chaniaya Dios pepa nukuwen nuikin nukun chakabu buatan ana shinanma nuku jakimawatiduki.

1 João 2:12

En bake keskabuun, Jesucriston jawen jiweawen nuku medabewanun ika taxnitan nuku mawaxuniwen taexun Epa Diosun matun chakabu buatan matu jaibuwani shinankin en matu kenexunaii.