Apocalipse 6:10 - Kashinawa : Diosun Jesúswen taexun yuba bena yiniki

¹⁰ jabun jancha kushipawen yuikin: “Min nukun Xanen Ibu binu keyua medibi min chanima kayabiki. Jaskaken mai anuxun jabun nuku tenanibudan, ¿jatian min jatu unanti watan jatu nuku kupixunxanai?” akabu

Kaxinawá Bíblia (BR)

¹⁰ habũ hãtxa kuxipawẽ yuikĩ: “Mĩ nukũ Shanẽ Ibu binu keyua meribi mĩ txanima kayabiki. Haskakẽ mai anushũ habũ nuku tenãniburã, hatiã mĩ hatu unãti watã hatu nuku kupishũshanai?” akabu

Apocalipse 6:10 Referencias Cruzadas

Lucas 2:29

“Xanen Ibu kushipatuun, natian ea duawakin jaska min ea yubaima min ma akaki. Jaskawen taea jawa dateama unanuma benima paewen en mawaxanai ea ana nemayamaxanwen.

Romanos 12:19

En betsabu inun en puibuun, matuwen nuikin matu yuinun ea ninkakanwen. Yavé Diosun jatu yuikin: “Tsuanda matu chakabuwai ibubis en jatu kupixanaii”, ikaya nuku kenexuniki. Jaskawen taea tsuanda matu chakabuwakin ichakawayadan, jau Diosun jatu kupixanun ibubis jatu kupiama teneyukubainkanwen.

Hebreus 12:24

Ja dikabi Jesúsun jawen yuba bena nuku waxunkinan, mawai jawen jimi jabakin Abelin jimi binuniki, jawen taexun Diosun nukun chakabu nuku buaxunti wakinan. Jamen Abelin jimidan, jawen taea Dios sinatai jawen yupukunaniki, tsuan chakabu buatimadan.

2 Pedro 2:1

Israelbu en xenipabu anu Diosun jancha yuixunika machupa nashui ika jayanibuki. Jabiaskadiai matu anudi yusinan machupa matu nashui idia jayabuki. Jabu jatun jancha jawenduabia jatun shinan chakabuwen matu daunkin akawakanikiki, nukun Xanen Ibun ma nuku meketi pewabianiken jawen kushipa danain padananainbudan. Jaska matu yusinkin jusiaibu Diosun jawaida jatu kupixanikiki.

Apocalipse 11:18

Ja dukun mai jidabi anuabun mia bechipaiama mia danan paepawai miki sinatakubainimabuki Jakia miadi natian jatuki sinatadiai janu jatu kupinun ika min ma taxniaki. Januxun mawabu bestenwantan jatu unanti wakin min tsumabu min jancha yuixunikabu inun, minabu wakin medibi min jatu wani jabu dasibi xanen ibubu inun xanen ibubuman mia chibankin mia kenwankubainmisbu jabun pepawen min jatu manakuxanaii. Jakia jabun jawada mai anuxun pepa yamawakin mia chibankubainama mia dananmisbu jabun chakabuwen jatu unanti watan manakudiakin jabun chakabuwen miandi min jatu yamawai kaii”, akaibu en ninkaya

Apocalipse 18:20

jaskaya jui betsa kain chanii: “Nai anuabu inun, man Diosunabu medibibu inun, man jawen jancha yuixunikabu inun, man Jesúsun kushipayabudan, Diosun na maewan chakabujaida kupikin matuwen dabanan xunska sinatakin axanaiwen taea matudan, benimai shinan chankankubainxankanwen”, ikai ninkatan en matu kenexunaii.

Apocalipse 18:24

“Ja mae Babilonia anuxun Diosun jancha yuixunikabu inun ikunwainbu betsabun Jesús chibainbu inun yuda betsabu jatu tenankin jabun jimi jaba wamisbuwen taexun na maewan jaki sinatakin Diosun kupikin yamawaxanikiki”, ea wa

Apocalipse 19:2

Ja inun, yuda dasibibu unanxun kaneama kupimiswen taexun maewan ainbu jininipa keskatun yudabu dasibi chakabuwamakubainai ma kupikiki. Ja inun, ainbu jininipa keskatun Diosun tsumabu tenankubainmiswen taexun Diosun jawen maewan jaki sinata paepakin yamawaikiki”, itan

Apocalipse 3:10

Ja inun, ichakanikatun mai jidabi anu dasibi maniabu jatu bika tenemakin ichakawaya man Filadelfia anuabun en yusian jancha chibankin jawa man jeneismaken matu medabewakin jawa putama en matu kexekubainxanaii.

Apocalipse 3:7

Ana Jesúsun ea yuikin: “Jatun Diosun jancha yuinika Filadelfia anu ichamisbu mekea na jancha en mia yuiai kenexundiwe: ‘Ea en medibi inun en chanimajaida David kushipa ini keska binua jawen bepenti shabi en jayaki. Tsuanda ja mae bepean tsuan beputiduma inun ja mae bepua tsuan bepentidumaki. Jaska mekeatun en matu yuiaii.