Apocalipse 6:1 - Kashinawa : Diosun Jesúswen taexun yuba bena yiniki

¹ januxun Diosun chaxuwan baken jawen unanti ja dukun tsamia daxnuaya ja jiweabu dabe inun dabe betsan jawen jui tin ikainkainai keskai uinkin en ninkaya jatun yuikin: “Juwe”, akai

Kaxinawá Bíblia (BR)

¹ hanushũ Deusũ txashuwã bakẽ hawẽ unãti ha dukũ tsamia dashnuaya ha hiweabu dabe inũ dabe betsã hawẽ hui tĩ ikaĩkainai keskai uĩkĩ ẽ nĩkaya hatũ yuikĩ: “Huwe”, akai

Apocalipse 6:1 Referencias Cruzadas

João 1:29

Janua uxashini bestentan maniabun Jesús juai chaima bechitan metukin Juanen jatu yuikin: —Uinkanwen. Dios daewakin jatun chaxuwan bake menumisbu keska wai yudabu dasibibun chakabu jatun jatu buaxunkin Dios nuku daewaxunti ma juikiki.

Hechos 4:20

Eskawen taea nun ikai matu yuinun ninkakanwen. Jawada uinkin nun ninkakubidanima jakimama jatu yusinkin nun jenetidumaki— jatu wabu

Apocalipse 11:19

januxun Templo nai anua bepenxun ja jiwe medanua Diosun nukun xenipabu yubani kene ji bauki adua jatu uinmaya kana baka baka iki tin ikainkainaya pacha sakuaya badux ui ewapabu nidi iki jaskai keyuxanai en uinxuki.

Apocalipse 13:8

ja yuinaka mese atimapa kenwankinan, jabu mai jidabi anu jiweabu tsuabuda bebunkidi Diosun mai dami wadiama jabun kena chaxuwan bake nuku mawaxunitun unaki keneama ini jabun besti duawakin kenwanxankanikiki.

Apocalipse 14:2

Nai anua jui betsa kaiain jene didi ikai jui keska inun, kana tin ikainaitun bana jui keska inun, yuda ichapabun jabun arpa mimawati mawaibu jui keskawen ja mapuxun

Apocalipse 19:6

Januxun en ninkaya yuda midimabu janchai jene didi ikai keskawen inun tin ikainkainai keskawen yuikin: “Aleluya! Nukun Epa Dios kushipajaida dasibi binu keyua ja bestitun nuku dasibi mekei ma xanen ibui taeikiki. Pejaidaki. Kenwanankanwen.

Apocalipse 4:8

jatibu 6 punyan peiya jabun yuda jidabi jawen bedunati chaxa dakabun badidi inun meshu medan Dios kenwankin jabun jeneisbuman yuikin: “Min pepajaidaki. Min dasibi kushipa binuaki. Mai jayadiama nukun Xanen Ibu Dios dasibi kushipajaida jiwea jaya inun, natian jiwekunkainai inun, ana min butuxanai nun unaiin”, ikin

Apocalipse 5:1

Januxun en ninkaya una sebi kene dabeya uke medan inun bemaki keneya 7 jawen tsamia tsuan june mekin bepentiduma inun chudediama unantiwen tsami dakabidana Dios jawen tsautiki tsauxun jawen meken yusiudiawen tsuma en uianyan

Apocalipse 5:12

jancha kushipawen jabun yuikin: “Chaxuwan bake keska deteabu ana besteni pepa kayabidan, jatun besti bitiduki, kushipadan, pepa tibidan, unanepajaidadan, xanen ibu kushipadan. Duawai shinan chankain benimawakin nun ja kenwaiin”, ikaibun

Apocalipse 5:8

janua benimajaidakin ja jiweabu dabe inun dabe inun ja 24 mekenikabun jatun mimawati betsa jawen kena arpa inun oro mane kencha ni pei ininti ja kuaxunti keska mata jaska jawenabu Diosbe janchamisbu tsumaxundi jabu dasibibun chaxuwan bake kenwain jaki danti itan

Apocalipse 6:3

januxun Diosun chaxuwan baken jawen unanti tsamia ja segundo daxnuaya ja jiweabu betsan yuikin: “Juwe”, akai

Apocalipse 6:5

januxun Diosun chaxuwan baken jawen unanti ana ja tercero tsamia daxnuaya jiweabu betsan kenakin yuikin: “Juwe”, akai en uinyan janua caballo betsa meshupa tsuada betsa jawen xankama unanti tsuma jaki tsaua

Apocalipse 6:7

januxun Diosun chaxuwan baken jawen unanti ana ja cuarto tsamia daxnuaya jiweabu betsan yuikin: “Juwe”, akaya

Apocalipse 8:1

januxun Diosun chaxuwan baken ja séptimo jawen unanti jawen jenekin tsamini daxnuaya janua Diosun mae anua dasibi media hora nishma dakatan binukainaya