Apocalipse 4:11 - Kashinawa : Diosun Jesúswen taexun yuba bena yiniki

¹¹ “Dasibi damiwakin min shinanwen jamapai dasibi min damiwani min nukun Xanen Ibu inun min nukun mekenika yushin Dioski. Jaskawen taexun mia besti kenwankin nun mia duawakubainaii”, akaibu uinkin en matu kenexunaii.

Kaxinawá Bíblia (BR)

¹¹ “Dasibi damiwakĩ mĩ xinãwẽ hamapai dasibi mĩ damiwani mĩ nukũ Shanẽ Ibu inũ mĩ nukũ mekenika yushĩ Deuski. Haskawẽ taeshũ mia besti kẽwãkĩ nũ mia duawakubainaii”, akaibu uĩkĩ ẽ matu keneshunaii.

Apocalipse 4:11 Referencias Cruzadas

Hechos 14:15

—Junibuun, ¿jawakin man nuku jaska wai? Nuku jaska wayamakanwen. Nukudan, matu keskadi nun jabias juniki. Ja yushin dabe man kenwanmistun matu jawa waxuntidumaki. Jaskawen taexun man kenwanmis jenetan Dios jiweatun nai inun, mai jidabi inun, ianenwan dasibi inun, janu jiweabu dasibi damiwani matun shinan betsa watan man kenwankubainxanunbun jakidi jawen bakekidi kakape matu yusintanun ika nun jushianki.

Hechos 17:24

Yavé Diosunan, mai jidabi inun dasibi nun janu jiweabu Diosun damiwanidan, dasibi jawenaski. Ja nai anua inun mai anua dasibi mekei xanen ibuaya junibun jaska wakin duawanun, iwanan, jatun shinanen templo jawen kenwanti jiwe waxunabu anu besti jiweamakiaki.

Romanos 11:36

Jaskaken betsa tukama tibi Diosun damiwanidan, jawenaski. Jawen kushipawen dasibibu maniabuki. Dasibibu ja jiweabuwen Dios benimakunkainxanun, iwanan, jabu tibi damiwaniki. Jaskaken kenwankin jeneyamakubainankanwen, Diosdan. Jaskakidan.

Efésios 3:9

Dios dasibi damiwanitun jawen shinan medibi badi ichapa junenitun en matu dasibi unanmanun jaska xabakabi wakatsis ikin Diosun matu anu ea yununiki.

Hebreus 1:10

Ana jawen bake yuikin: “Xanen Ibuun, jawa jayamajaidabiaken mianan, damiwakin taewakin nai inun mai jidabi ibubis min damiwaniki.

Hebreus 1:2

Jaska wabiakubainkin jawen bake kushipa watan mai jidabi dasibi damiwamanixun dasibi ibu wamanixun natian jawen jenekin jawen juni bake janchamakin Epa Diosun jawen jancha nuku unanmaniki. Jaskakidi matu ana yusinun ninkakanwen.

Apocalipse 1:6

Na jabiatian jawen Epa Dios dayaxuni nuku jabe janchanika wakin jatun nuku xanen ibu keska waniki. Jaskawen taea dasibi jawenas kushipa jaya inun pepa jayaken niti ikama kenwankubainankanwen. Jaskakidan.

Apocalipse 10:6

ja jiweibi jiweni jiwea jatun nai wani inun mai wani inun ianenwan wani dasibi jabu jawen jiwebaunabu jakidi jancha betsa watimakidi yuikin: “Badi jawen jeneidan, jatixun bestiki.

Apocalipse 14:7

jui kushipawen yuikin: “Diosun nai inun mai inun ianenwan inun unpax chacha tibi damiwanitun yuda dasibi unanti watan na jabiatian jatu kupikin taewaikiki. Jaskaken menan jaki danti itan Dioski datekin kenwandikanwen”, ikainaya

Apocalipse 19:1

januxun en ninkaya nai anua tsuada midimabun yuikin: “Aleluya! Nukun mekenika Dios nun kenwaiin. Duapa kushipajaidatun nun jawenabu nuku mekepakexanikiki.

Apocalipse 5:12

jancha kushipawen jabun yuikin: “Chaxuwan bake keska deteabu ana besteni pepa kayabidan, jatun besti bitiduki, kushipadan, pepa tibidan, unanepajaidadan, xanen ibu kushipadan. Duawai shinan chankain benimawakin nun ja kenwaiin”, ikaibun

Apocalipse 5:2

nai tsuma kushipatun uinbaunkin jui kushipawen jabu yukakin: “¿Tsua pepa kushipajaidatun atidumen? ja una tsamia tibi daxnukin jatun chudeaidan”, jatu wa

Apocalipse 5:9

dasibibun nawati bena juiwen nawakin yuikin: “Min pepajaidaki. Mawakin min jimiwen yuda xukuabu tibi anua inun, nawa tibi anua inun, jancha tibi anua inun, mai pakea tibi anua Epa Dios bixunkin jawenabu jatu wakin