Apocalipse 20:12 - Kashinawa : Diosun Jesúswen taexun yuba bena yiniki

¹² janua dasibi xanen ibubu inun xanen ibubuma mawani ana bestentan Xanen Ibun besuudi mapuabun jawada betsa betsapa akubainibu Diosun jaki kenemis una ichapa bepentan janua una betsa tsuabunda Dios chibankin Jesús ikunwain niti ikama Diosbe jiwekuinxanaibu jabun kena Diosun jaki kenediakubainmis una betsa jawen jiwemati kene bependiaxun ja jabu jiwexun jaska wamisbu jatukidi ja unaki kenekubainmisxun dasibi mawanibu ana bestean mapuabu jabis jatu yuikin jatu unanti wakeakeaya

Kaxinawá Bíblia (BR)

¹² hanua dasibi shanẽ ibubu inũ shanẽ ibubuma mawanibu ana bestẽtã Shanẽ Ibũ besuuri mapuabũ hawara betsa betsapa akubainibu Deusũ haki kenemis una itxapa bepẽtã hanua una betsa tsuabũra Deus txibãkĩ Jesus ikũwaĩ niti ikama Deusbe hiwekuĩshanaibu habũ kena Deusũ haki keneriakubaĩmis una betsa hawẽ hiwemati kene bepẽriashũ ha habu hiweshũ haska wamisbu hatukiri ha unaki kenekubaĩmisshũ dasibi mawanibu ana bestẽa mapuabu habis hatu yuikĩ hatu unãti wakeakeaya

Apocalipse 20:12 Referencias Cruzadas

Mateus 11:22

Jaskawen taexun janu kupiaitian ja nawabu Tiro inun Sidón anu jiweabu jatu kupi midinkin Corazín inun Betsaida anu jiweabudi shinan betsa wabuma Diosun jatu kupijaidaxanikiki.

Mateus 16:27

Jamen en matun Juchi Kayabi Iyuadan, en Epan kushipaya Xanen Ibui jawen nai tsumabube ana juxun tsuabunda ea chibain jiwei pemisbu inun chakabumisbu jabu tibi en jatu manakuxanaii, pepa inun chakabuwenan— iwanan

Lucas 10:20

Jaska man washina peki. Jaskabia yushin man kainmashinawen besti benimayamakanwen. Jakia nai anu Diosbe man jiwexanaibu Diosun matun kena tibi ma keneniwen taea jaska bestiwen benimakubainkanwen— jatu waya

Hechos 24:15

Jaska wakin yuda pepabu inun chakabubu kupikatsi Diosun jatu ana bestenwanxanai ikunwankin en manaii. Jabiasdi na judiobu nukube ichabun jabiaskadi manadiakanikiki.

Romanos 2:6

Jaska yudabu tibi jiwexun amisbuwen taexun Diosun jatu kupia akeakeaxanai matu yuinun ninkaidakanwen.

1 Coríntios 4:5

Janu unantiwati idiamabiaken matumebi nuku tibi unanti wakin ja akin nuku chiteyamakubainkanwen. Janu nukun Xanen Ibu juaitian mananankanwen. Jatun besti dasibi june nun amis xabakabi taxnimaxanikiki, na jaska juinti medan nun jaya nuku bepenxun uinmakinan. Januxun Diosun nukun daya unankin betsa kenjaidawakin betsa bexmas kenwankin ikunwainbu tibi Diosun kenwan akeakexanikiki, manakukinan.

Filipenses 4:3

Jaska inun, Sízigoon, miadan, min chintuinsmawen taexun mia yununun ninkawe. Nukun pui dabe Evodia inun Sintique ea jatu medabewaxunxanwen, jau daenamenunbunan. Clemente inun medabenanika betsabu ja ainbu dabebetan Cristokidi kakape en yusianyan jabun ea putama ea medabewai bika tenediakubainibuki, jabudan, jatun kena tibi ja jiwekuinti unaki ma jatun kena Diosun jatu kenekin netanikidan.

Apocalipse 11:18

Ja dukun mai jidabi anuabun mia bechipaiama mia danan paepawai miki sinatakubainimabuki Jakia miadi natian jatuki sinatadiai janu jatu kupinun ika min ma taxniaki. Januxun mawabu bestenwantan jatu unanti wakin min tsumabu min jancha yuixunikabu inun, minabu wakin medibi min jatu wani jabu dasibi xanen ibubu inun xanen ibubuman mia chibankin mia kenwankubainmisbu jabun pepawen min jatu manakuxanaii. Jakia jabun jawada mai anuxun pepa yamawakin mia chibankubainama mia dananmisbu jabun chakabuwen jatu unanti watan manakudiakin jabun chakabuwen miandi min jatu yamawai kaii”, akaibu en ninkaya

Apocalipse 13:8

ja yuinaka mese atimapa kenwankinan, jabu mai jidabi anu jiweabu tsuabuda bebunkidi Diosun mai dami wadiama jabun kena chaxuwan bake nuku mawaxunitun unaki keneama ini jabun besti duawakin kenwanxankanikiki.

Apocalipse 17:8

Yuinaka mese atimapajaida min uinxudan, bebunkidi jiwebiani natian ana jiwea jayamabia jaskabia ana jawen jenei Dios kupimakin keyumayui kini keyatapa xankinjaida anua mapekei taxnia Diosun yamawaxanikiki. Jaskakidanai mai damiwaitian tsuabuda Diosbe jiwekuinxanaibu unaki Diosun jabun kena netanma ini yuinaka mese atimapajaida mawabiani ana un unuatian jiwea mapekea jabun uinkin yui: ‘Jabaa! ¿Jawamen?’ ixankanikiki.

Apocalipse 19:5

en ninkaya ja Dios tsaua namanua jui betsa taxnidiakin yuikin: “Man Diosun tsumabuun, mai jidabi anua betsabu man xanen ibubu inun betsabu man xanen ibubuman Diosun kushipaki mesekin duawai pepakin kenwankubainkanwen”, ikaibu uinkin ninkatan en matu kenexunaii.

Apocalipse 2:23

Ja inun, ja ainbun jancha ninkamisbu tenankin en jatu yamawaxanaii. En jatu jaska waya dasibibun shinan inun jabun juinti en unanjaidamis jabun ea ikunwankin chibanmisbun chanima unanxankanikiki. Ja inun, jatidibun jaska jiwea bechipaimisbu unantan pepabu pepawen jatu kupikin chakabubu chakabuwen en jatu kupixanaii.

Apocalipse 20:11

Januxun Xanen Ibu jaki tsauti juxupa jawenduajaida nukun Xanen Ibu jaki tsaua en uinxuki. Tsauken badi inun, uxe inun, bishi inun, mai keyu tsekebaini nishmai yamakainaya

Apocalipse 20:13

ianenwan batapa anua mawanibu inun janu mawabu bumisbu anua mawanibu jabu Diosun bestenwantan ichawaxun jaskadada jiwekubainibu jabu tibi unanti wakin pepabu inun chakabubu jatu kupiaya

Apocalipse 20:15

tsuabunda Dios chibankin Jesús ikunwanbuma jabun kena Diosun jaki kenemis una anu jabun kena jayama ja ian janu menui jede ji ji ikai anu ma jatu puta keyuabuki.

Apocalipse 21:27

Jaskabiaken tsuabuda atimapamisbu inun, jawada Diosun dananmis amisbu inun, jabu chani chakamisbu jabu jadi jikitaskama ixankanikiki. Jakia jamen jabu jikidan, tsuabunda kena chaxuwan baken jiwe kuian una medan Diosun netani jabu besti Diosun mae bena anu jikixankanikiki.

Apocalipse 22:12

Jesúsun ana ea yuikin: “Uian. En samama ana kaxanaii. Kakinan, jatun manakuti tibi en jatu buxunxanaii, jaska tibi jiwemisbu keska jatu inain kaidan.

Apocalipse 3:5

Tsuabunda ea dananma jabun maemakin binumisbudan, tadi juxupa sawexankanikiki. Ja dikabi jatun kena Diosun jiwemati una anua en tede akama ixanaii. Januxun en Epa inun jawen nai tsumabu bebun jatu nichintan en jabu jatu unanmaxanaii.