Apocalipse 14:3 - Kashinawa : Diosun Jesúswen taexun yuba bena yiniki

³ nawa bena nawaibu en ninkaxuki. Dios xanen ibu jaki tsauti besuudi inun ja jiweabu dabe inun dabebun besuudi inun, ja 24 mekenikabun besuudi jawen nawati benawen ja 144,000 jabu ja yudabu anua katukin Diosun jawenabu jatu wani nawaibu uinkin en ninkaxudan, jabun besti ja nawati bena unankanikiki, tsua betsan ja tapintidubumadan.

Kaxinawá Bíblia (BR)

³ nawati bena nawaibu ẽ nĩkashuki. Deus shanẽ ibu haki tsauti besuuri inũ ha hiweabu dabe inũ dabebũ besuuri inũ, ha 24 mekenikabũ besuuri hawẽ nawati benawẽ ha 144.000 habu ha yurabu anua katukĩ Deusũ hawenabu hatu wani nawaibu uĩkĩ ẽ nĩkashurã, habũ besti ha nawati bena unãkanikiki, tsua betsã ha tapĩtirubumarã.

Apocalipse 14:3 Referencias Cruzadas

1 Coríntios 1:18

Yudabun chakabu buanun ika cruz anua Cristo mawatan ana besteni ikunwain nun jawenabuwen taexun nun jabu Diosun jawen kushipawen nuku mekexanai nun ma unanyan, jaska shinanma yuda betsabun yuikin: “Nuku tatima yuimisbudan!”, jabun Jesús jaibuwakatsi ikama nukun yusian dananmisbuwen taea jabu mawa kayabi tenexankanikiki.

1 Coríntios 2:14

Jaskawen taea jabu Yushin Kayabi jayamadan, Diosun Yushin Pepatun Jesúskidi chaniai dananmisbuki, tatimakin jakidi shinankatsi ikamadan. Jaska inun, jaska Diosun Yushin Pepatun bechipaiai jatun shinan unanti wai ninkatidubumadiki.

Apocalipse 14:1

Januxun ana uinkin Diosun chaxuwan bake Sión mati anu ja yudabu 144,000 jabe mapuabu jatibu jawen kena inun jawen Epa Diosun kena ja dabetun kena jatun betunkuki kene nea jabe mapuabu en uinxu matu yuinun ninkakanwen.

Apocalipse 15:3

Jabu nawakin Diosun tsuma Moisés inun Jesús chaxuwan bake ja dabetan nawatiwen Dios kenwankin nawakin yuikin: “Dasibi jamapai dami ewapa tibi akin min jatu e imati anidan, min mia bestiki, Yavé Dios kushipa dasibi binu keyuadan, mai jidabi yudabun min Xanen Ibudan. Tsua padanma min shinan kayatapiawen chanima min nuku pe mekekubainmiski.

Apocalipse 2:17

Man pabinkiyabunan, Yushin Pepatun ja man ichamisbu matu yuiai ninkakanwen: Tsuabunda ea dananma jabun maemakin binumisbudan, pewen kupikin misi naiudia Diosun junemis en jatu pimaxanaii, nai anu unanuma ebe jatu jiwemakinan. Ja inun, kena bena nenkati juxupaki jatun kena nea en jatu inanxanaii. Ja jabun biaibun besti ja kena unanxankanikiki, tsua betsan unantidumadan’ ”, ea waxu en matu kenexunaii.

Apocalipse 5:9

dasibibun nawati bena juiwen nawakin yuikin: “Min pepajaidaki. Mawakin min jimiwen yuda xukuabu tibi anua inun, nawa tibi anua inun, jancha tibi anua inun, mai pakea tibi anua Epa Dios bixunkin jawenabu jatu wakin

Apocalipse 7:4

jaska wakin 144,000 Israelin 12 juni bakebun bababu xukuabu Diosun jawenabu jawen betunkuki jawen unantiwen unanti wakin yuda betsa betsapabu katukin