Apocalipse 14:11 - Kashinawa : Diosun Jesúswen taexun yuba bena yiniki

¹¹ Ja inun, tsuabunda yuinaka mese atimapa kenwankin jawen dami kenwandiaibu jawenabu wakin jawen jatu unanti wai jatu nemama jatun kena jatu netanmamisbu badidi inun meshu medan jeneama ja kuinwen chi nukaismawen dunua nuyai badi tibi jawa juindukuanma isin tene chakayamakubainxankanikiki”, ikainaya

Kaxinawá Bíblia (BR)

¹¹ Ha inũ, tsuabũra yuinaka mese atimapa kẽwãkĩ hawẽ dami kẽwãriaibu hawenabu wakĩ hawẽ hatu unãti wai hatu nemama hatũ kena hatu netãmamisbu bariri inũ mexu merã heneama ha kuĩwẽ txi nukaismawẽ dunua nuyai bari tibi hawa huĩrukuãma isĩ tenetxakayamakubaĩshãkanikiki”, ikainaya

Apocalipse 14:11 Referencias Cruzadas

Mateus 11:28

Tsuabunda xankama ia inun daya chakayamai keskai man punu nukabudan, en matu juindukunmakin medabewanun ea anu bekanwen.

Mateus 25:41

januxun jawen yusmaudiabu mapuabudi yuikin: “Matu man chakabubudan, man enabumaki. Tudi budikanwen. Jaskawen taea matunamabia janu chi nukaisma anu diablo Satanás inun jawen nai tsuma chakabubube yumankin tenekubainxanaibu anu matudi budikanwen.

Mateus 25:46

Januxun ja yuda chakabubu jatu kupikin chi medan jatu yumanwankin enabu pepabu besti jatun pepawen manakukin ebe en jatu jiwekuinmaxanaii, ikibi imakinan— nuku waniki.

Hebreus 1:8

Januxun jawen bakekidi yuikin: “Diosuun, mia xanen ibuidan, min ea keska xanen ibui ikibi ipakexanaii, xanen ibui jawa chakabu jayamadan.

Apocalipse 11:15

Ja 7 nai tsumabu jawen jeneatun trompeta chan akai en ninkaya nai anua jui kushipawen jabun kenwankin yuikin: “Nukun Xanen Ibu Dios inun jawen bake Mesías Cristo besti natian mai jidabi anu ja besti xanen ibukin jatu mekekubainxanikiki, niti ikamadan”, ikaibun

Apocalipse 13:12

ja yuinaka mese atimapa betsadan, ja ja dukun tenanibubia ma jawen dete bunitun jawen kushipa dasibi jayatun ja bebunxun mai jidabi anu jiweabu ja ja dukun yuinaka mese atimapa jatu kenwanmakubainkin

Apocalipse 13:15

ma damiwabun yuinaka ja kachukeatun ja ja dukun yuinaka mese kushipa inan ja damiwabu jiwemakin janchamaya jabun ja kenwanbuma jau jatu tenanun

Apocalipse 13:17

tsuabuda ja yuinaka mese atimapan kena inun jawen unanti número jayabumanan, jawa jabun jatun jamapai inantidubuma inun bitidubuma jatu wamaxanikikiki.

Apocalipse 14:9

janua nai tsuma betsan chibandiabainkin jui kushipawendi yuikin: “Tsuabunda yuinaka mese atimapa inun jawen dami kenwanun ika jabu jeen iyamama jatun betunkuki inun jatun mekenki jawen unanti man jatu netanmamisbudan,

Apocalipse 18:18

maewan kuaya chi kuin nuyabainai uin sai sai ikin yuikin: “Aitaa. Aitiin. Maewan betsa ana jaska keska jayanakamaki”, iwanan,

Apocalipse 18:9

ana nai tsumapan ea yuikin: “Maewan kuaya chi kuin nuyabainai xanen ibu betsa betsapabu jawen jamapaiwen kemui jabe chutanamei itsai kemui jabe jawen jawenduamisbu chakabu jatubetan akubainmisbun uin jawen nui sain iki kaxachakayamakin

Apocalipse 19:3

januxun jabun ana yuikin: “Aleluya! Dios pepajaidaki. Ja maewan kuin inai juxu puepakexanikiki”, ikaibun

Apocalipse 20:10

janu ja ian janu azufre pashinipa menui jede ji ji ikai anu yuinaka mese atimapajaida inun padan jancha yuixunika nai tsumabun udenibu anu Satanásdi udean jadia badidi inun meshu medan niti akama Diosun jatu isin tenemachakayamaxanikiki, jawa juindukunti jayama niti ikama akibi akinan.

Apocalipse 22:5

Jadi jiweabu anu ana yame jayama inun janu jiwexun nukun Xanen Ibu Dios jatu jiwemakin jatu xabawaxunken jabu jabe xanen ibui jeneama ipapakexankanikiki. Jaskawen taea ana badin chaxa inun binman chaxa jayama ixankanikiki.

Apocalipse 7:12

yuikin: “Nukun Epa Dios unanepa Xanen Ibu kushipajaidaki. Benimawakin jawenduawakin kenwankubainankanwen, niti ikamadan. Jaskakidan”, ikaibun