1 Coríntios 1:13 - Kashinawa : Diosun Jesúswen taexun yuba bena yiniki

¹³ Ea jaska wabu, Jabaa! ¿Cristodan, nun jaska watan paxkatidubumen? Nun jaska waxun paxkatidubumajaidaki. Man ja ikunwanunbun cruzkia ea Pablo en matu mawaxunama iniki. Ja inun, en Pablo man ea ikunwainwen taexun en kushipawen matu nashimabumadiki.

Kaxinawá Bíblia (BR)

¹³ Ea haska wabu, Habaa! Cristorã, nũ haska watã pashkatirubumẽ? Nũ haska washũ pashkatirubumahairaki. Mã ha ikũwanũbũ cruzkia ea Paulo ẽ matu mawashunama iniki. Ha inũ, ẽ Paulo mã ea ikũwaĩwẽ taeshũ ẽ kuxipawẽ matu naximabumariki.

1 Coríntios 1:13 Referencias Cruzadas

Mateus 28:19

Jaskawen taexun matu yununun ninkakanwen. Kakunkaunkin dasibi en matu yusinmis nawa betsa betsapa xukuabu tibi yusindiakin en tsumabu ea jatu waxunkubainxankanwen. Januxun ea ikunwankin jawenabu jau jatu unanti wamanunbun Epa Dios inun ea jawen bake inun jawen Yushin Pepa kena dayuikin jatu nashimakubainxankanwen.

Mateus 3:6

jabun ikunwankin jatun chakabu Juanki chanikin jatun chakabu jenekatsi ikin shinan betsa waibu jawen unanti wakin Jordán jene anu Juanen jatu nashimapakeaya

Hechos 10:48

dasibi Jesucristo jabun ikunwankanxu jau jawen kenawen taexun jatu nashimanunbun Pedron jatu yunua jatu nashimanibukiaki. Januxun Pedro ea akin jau uxa eskadabes jatube jiweyunun bashiyunibukiaki.

Hechos 19:5

jatu jaska wa ninkatan: —Jaskakenan, Xanen Ibu Jesúsun kena kushipawen ea nashimawe— akabu jawenabu dasibi jatu unanti wamakin Xanen Ibu Jesúsun kenawen taexun Pablon jatu nashimatan

Hechos 2:38

Pedron jatu kemakin: —Dios man chibankatsis ikaidan, matun chakabu jenetan matun shinan betsa watan Dios anu bedikanwen. Jaska watan man Jesucristo ikunwainwen taexun jawen kenawen matu tibi nun matu nashimaya matun chakabu buatan jawen Yushin Pepa Diosun matu inan man bixanaidan.

Romanos 14:9

Jaskawen taea Cristo mawatan ana bestenidan, chanima dasibitun xanen ibunun ika iniki, natian nun jiweabuna inun jabu mawabunadan.

1 Coríntios 1:15

Jaskawen taexun: “Pablo en chibanyan jawen kushipawen ea nashimaimaki”, ikin tsuan yuitidubumaki.

1 Coríntios 10:2

Janua Diosun jatu yunua kuin pueaiwen inun, Ian Tashipa pukeaibuwen ja dabewen taea dasibibu Moiséski jau chiti inunbun Diosun jatu nashimabainikiaki.

Gálatas 1:7

Chanima en matu yuiaii. Yusian betsa naexuma kushipa jayama keskawen matu yusinkanikiki. Juni betsabu jumepakin matu padankin Criston matu mekeakidi kakape betsa wakin jabias janchawen matu yusianbumaki. Jatun yusian janchadan, jamen jaki bepadamekanikiki.

Efésios 4:5

Jaskawen taea nun Xanen Ibu bestichai jayaki. Ja inun, ja besti nun ikunwain inun jawen besti shinan betsatan yuda betsabu unanti wamanun ika man nashia akeakemisbuki.

Tito 2:14

Diosun nuku kupiaya jau nukun chakabuwen taea nun benuyamaxanunbun dasibi chakabu ana shinantima wakin Diosun nuku buaxunun, iwanan, Jesucristo yunua jamebi mawakin jawen jiwea nuku inain nuku mawaxuniki. Nuku jaska wakin jawenabu kayabi pepa nuku waniwen taexun ja besti jiwexunkin nukun pepa uinmai dayaxunkubainankanwen.