JOSHUA 8:1 - BUKUIT NE TILIL

¹ Ak kimwachi Jehovah Josua kolenji, Meiywei, anan komein mugulelel: imut bik tugul che bo luget, ak ong’eetye otogoste Ai: keero, kande eung’ung’ laitoriatab Ai, koboto bikyik, ak nganasennyi, ak emennyi:

Bukuit Ne Tilil

¹ Ki mwachi `Kamuktaindet ne Toroor Joshua koleenji, “Meiywei anan komein mugulelel, ago imut piik tugul che po lugeet ak ong'eetyee otogoste Ai. Keero, kaande eung'ung' laitoryatap Ai kobooto piikyik, nganasennyi ak emennyi.

BUKUIT NE TILIIL Sireet ne Dutero Kanon

¹ Ki mwachi `Kamuktaindet ne Toroor Joshua koleenji, “Meiywei anan komein mugulelel, ago imut piik tugul che po lugeet ak ong'eetyee otogoste Ai. Keero, kaande eung'ung' laitoryatap Ai kobooto piikyik, nganasennyi ak emennyi.

JOSHUA 8:1 Referencias Cruzadas

TIENWOGIKAL 27:1

Jehovah lapkeiyennyu ak yetunennyu; tos aiywei ng’o? Jehovah kimnatetab sobondanyu; aiywei ng’o?

TIENWOGIKAL 44:3

Amu ma nam emet eng’ rotokwak bo chok, Ama sor ichek eunekwak: Ago eung’ung’ ne bo tai, ak eunoto inegei, ak lapkeiyetab togeng’ung’, Amu kiicham ichek.

TIENWOGIKAL 46:11

Mi Jehovah ne bo lugosiek kobotech; Ole kimwechini Kamuktaindetab Jakobo.

ISAIAH 12:2

Ogeero, Kamuktaindet ko yetunennyu; amang’u ama aiyweisiei: amu Jehovah JEHOVAH ko kimnatennyu ak ko tiendanyu; ak kagoek inendet yetunennyu.

ISAIAH 43:2

Ami koboten ye ibune beek che chang’; ak ye ibune ainosiek, ko maimaluuchin; ye ibune mat, ko mabeelin; ama imelin liblibenetab mat.

JEREMIA 46:27

Ago meiywei, ee Jakobo otwogindennyu, anan iarogen, ee Israel; amu, keero, asorun eng’ ole loo, ak asoru iyoteng’ung’ eng’ emet ne kigiluulji; ak koweek Jakobo, ak komuuny ak kotebe kalyet, ama mi chi ne imui.

JEREMIA 49:3

Waach, ee Hesbon, amu kageluul Ai; oririe, okwek tibikab Raba, ogermenege kuniok: oteiye, ak oruaate eng’ ng’otonok; amu kiluulei Malkam, koboto tisiikyik ak bounikyik.

DANIEL 2:21

ak kowalei betusiek ak kenyisiek; istoi laitorinik, ak koeeti laitorinik; igochin ng’omnatet che ng’omen, ak kogochin naet ichek che ingen kaguiyet:

DANIEL 4:25

kele kionin iwe eng’ ole mi bik, ak imeny koboto tiong’ikab timin, ak kegonin iaget ko u tuga, ak kobutyin rewot, kot kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 4:35

ak kiiti bik tugul che menyei ng’ony kele buch: ak koyachin lugetab kipsengwet ko u ye machei, koboto bik che menyei ng’ony: ama mi chi ne imuchi kogirinda eunnyi, anan kolenji, Iyae nee?

MATAYO 8:26

Ak kilenji, Kalya si oiywei, okwek che otinye kayanet ne ming’in? King’eet anyun koger kong’ usonaik ak nyanjet; ak kiimung’do anyun mising’ nyanjet.

NG'ATUTIK 1:21

Ogeero, kagonde Jehovah Kamuktaindeng’ung’ emet taing’ung’: togoste anyun, nam kobunjin, ko u ye kimwaun Jehovah Kamuktaindetab kwanisieguk; ameiywei, anan iarogen.

NG'ATUTIK 31:8

Inendet Jehovah ne indoenen; mi koboten, amemetoin, ama bagaktoin; ameiywei, anan iarogen.

NG'ATUTIK 7:18

Ameiywei bichoto: ibwat mising’ ne kiyachi Jehovah Kamuktaindeng’ung’ Parao, ak Misri komugul;

NG'ATUTIK 7:21

Amongomuok: amu mi Jehovah Kamuktaindeng’ung’ kwenung’ung’, Kamuktaindet ne o ne bo kamuiset.

JOSHUA 1:9

Tos ma ane ne kiang’atin? Kimitu ak inyiganitu mising’; ameiywei, anan itoptoben: amu mi Jehovah Kamuktaindeng’ung’ koboten eng’ ui tugul ole iwendi.

JOSHUA 10:7

Kitogosta anyun Josua eng’ Gilgal, inendet ak bik tugul che bo luget, koboto murenik tugul che kimen che nyigonen.

JOSHUA 10:8

Ak kilenji Jehovah Josua, Ameiywei ichek: amu kande ichek euneguk; mami chi eng’ ichek ne imuchi kotonon eng’ taing’ung’.

JOSHUA 2:24

Ak kilenji bichoto Josua, Iman kigonde Jehovah emet tugul eunekyok; ak ne siirei noto, kobegu kowoi bikab emonoto eng’ tainnyo.

JOSHUA 6:2

Ak kimwachi Jehovah Josua kolenji, Keero, kande eung’ung’ Jeriko, ak laitoriandennyi, ak murenik che kimen che nyigonen.

JOSHUA 7:9

Amu tun kasei Kanamik ak tugul che menyei emet, agobo kiito, ak koyiemech komuutech, ak kotil kainennyo kobet eng’ ng’ony: si iite nee kaineng’ung’ ne o?