JOSHUA 7:15 - BUKUIT NE TILIL

¹⁵ Ak inendet ne kinamjin kit ne itabanat kebeelei eng’ mat, chichoto ak tugul che tinyei: amu kobistoe kayomisetab Jehovah, amu koyai abusnatet eng’ Israel.

Bukuit Ne Tilil

¹⁵ Chii ne kinyoorchin kiit ne itabaanat, kebeelei eng' maat kobooto tuguuk tugul che tinyei amu kobistoe kayomisetap Kamuktaindet ne Toroor, ak amu koyai abusnateet eng' Israel.’ ”

BUKUIT NE TILIIL Sireet ne Dutero Kanon

¹⁵ Chii ne kinyoorchin kiit ne itabaanat, kebeelei eng' maat kobooto tuguuk tugul che tinyei amu kobistoe kayomisetap Kamuktaindet ne Toroor, ak amu koyai abusnateet eng' Israel.’ ”

JOSHUA 7:15 Referencias Cruzadas

TAUNET 34:7

Ak kingogas werikab Jakobo, kobwa ga kobunu kewanin: ak kigas ng’wanindo murenjoto, ak kinerekso kot, amu kiyai abusnatet eng’ Israel, amu kiruiyo ak cheptab Jakobo; kit ne magichamei keyai.

2 SAMUEL 13:13

Si awa ano anyun, ane, eng’ tewernatennyu? Ak iige inye age eng’ che abusotin eng’ Israel. Ara anyun, asomin ale ng’alalji laitoriat; amu maetenen abunjin.

JOSHUA 7:11

Kogoyai Israel tengekto; ee, kogobistoe kayomisennyu ne kiga ang’at: ee, kogoib tuguk eng’ che itabanotin; ak kogochorso, ak koberberis, ak kogonde ole mi tugukwak.

JOSHUA 7:16

Kong’eet anyun Josua karon inne, ak komut Israel korik kobee bororiosiekwak; ak kiginam bororietab Juda:

KIRUOGIK 20:10

ak kinemu murenik taman eng’ bogolut age tugul eng’ bororiosiek tugul che bo Israel, ak bogolut eng’ elfut age tugul ak kinemu elfut eng’ elfusiek taman, koba koipchi bik amitwogik, si ye it Gibea ne bo Benjamin koyai ko u abusnatet tugul ne kiyai ichek eng’ Israel.

KIRUOGIK 20:5

Ak king’eetya bikab Gibea kobwa koyiem got ne kiami kemoi; kimachei kole kobara anendet, ak kisuub chebaigeiyandennyu, ak kime.

KIRUOGIK 20:6

Ak kianam chebaigeiyandennyu ak aton, ak ayokte keib koba emet tugul ne borotetab Israel: amu kigoyai tengekto ak abusnatet eng’ Israel.

1 SAMUEL 26:21

Kole anyun Saul, Kaayai tengekto: weeige werinnyu Daudi: amu ma ayaun kiy ne ya kogeny, amu kabunji kamanut ne o rani sobondanyu eng’ taing’ung’: keero, kaayai berberindo, ak kaalel mising’.