JOSHUA 21:41 - BUKUIT NE TILIL

⁴¹ Nganasok tugul che bo Lawik eng’ kwenutab emetab lagokab Israel ko ki nganasok artam ak sisiit koboto emotinwekwak che kiyagisie.

Bukuit Ne Tilil

⁴¹ Nganasook tugul che po Lawiik eng' kwenutap emetap piigap Israel kogi nganasook artam ak sisiit kobooto emotinwekwak che kiyagisye.

BUKUIT NE TILIIL Sireet ne Dutero Kanon

⁴¹ Nganasook tugul che po Lawiik eng' kwenutap emetap piigap Israel kogi nganasook artam ak sisiit kobooto emotinwekwak che kiyagisye.

JOSHUA 21:41 Referencias Cruzadas

TAUNET 49:7

Chubot nyiitatenywa, amu ki bichiien; Ak neregekwak, amu ki koromen: Apchee ichek eng’ Jakobo, Ak aiyeste ichek eng’ Israel.

1 ATEPTAP PEETUUSYEK 6:64

Ak kiigochi lagokab Israel Lawik nganasochoto koboto emotinwekwak che kiyagisie.

NG'ATUTIK 33:10

Ineti Jakobo kiruogutiguk, Ak koneti Israel ng’atutieng’ung’: Indoi taing’ung’ nyamdutik che kibeelei, Ak konde kagochinet ne kibeelei komugul kaptisisieng’ung’.

JOSHUA 21:3

Ak kiigochi lagokab Israel Lawik eng’ borotenywa, ko u ng’atutietab Jehovah, nganasochu, koboto emotinwekwak.

JOSHUA 21:40

Chuto tugul ko ki nganasokab lagokab Merari ko u ortinwekwak, koboto che king’et eng’ ortinwekab Lawik; ak barbariandenywa ko ki nganasok taman ak aeng’.

JOSHUA 21:42

Kitinyei age tugul eng’ nganasochuto emotinwekyik che kiyagisie che kiyiem: ki u noto eng’ nganasochuto tugul.