JOSHUA 20:8 - BUKUIT NE TILIL

⁸ Ak eng’ Jordan bitonin eng’ Jeriko, ne tokyingei kong’asis, ko kiitaban Beser eng’ ong’atet eng’ warengetab bororietab Reuben, ak Ramot eng’ Gilead eng’ bororietab Gad, ak Golan eng’ Basan eng’ bororietab Manase.

Bukuit Ne Tilil

⁸ Eng' Jordan pitoniin eng' Jeriko ne tokyingei kong'asiis, ko ki itabaan Beser eng' surkwen eng' warengetap pororyetap Reuben, Ramot eng' Gilead eng' pororyetap Gad ak Golan eng' Bashan eng' pororyetap Manasseh.

BUKUIT NE TILIIL Sireet ne Dutero Kanon

⁸ Eng' Jordan pitoniin eng' Jeriko ne tokyingei kong'asiis, ko ki itabaan Beser eng' surkwen eng' warengetap pororyetap Reuben, Ramot eng' Gilead eng' pororyetap Gad ak Golan eng' Bashan eng' pororyetap Manasseh.

JOSHUA 20:8 Referencias Cruzadas

1 LAITORINIK 22:6

Koyum anyun laitoriatab Israel maotik, olo bo bik bogol ang’wan, ak kolenji ichek, Awe kebarge ak Ramot-Gilead, anan atebi? Ak kilenji, Togoste; amu indoi Kiptaiyat eutab laitoriat.

2 LAITORINIK 8:28

Ak kiba ak Joram weritab Ahab kobargei ak Hasael laitoriatab Suria eng’ Ramot-gilead: ak kiiguoten Suriek Joram.

1 ATEPTAP PEETUUSYEK 6:78

ak kigigochi ichek bitonin eng’ Jordan, eng’ Jeriko, eng’ komostab kong’asis ne bo Jordan, eng’ bororietab Reuben, Beser eng’ ong’atet koboto emotinwekyik che kiyagisie, ak Jasa koboto emotinwekyik che kiyagisie,

1 ATEPTAP PEETUUSYEK 6:80

ak eng’ bororietab Gad; Ramot eng’ Gilead koboto emotinwekyik che kiyagisie, ak Maanaim koboto emotinwekyik che kiyagisie,

NG'ATUTIK 3:10

nganasok tugul che bo warenget, ak Gilead komugul, ak Basan komugul, agoi Saleka ak Edrei, nganasokab bororietab Og eng’ Basan.

NG'ATUTIK 4:43

choto ko Beser eng’ ong’atet eng’ emetab warenget, kobunji bikab Reuben; ak Ramot eng’ Gilead, kobunji bikab Gad; ak Golan eng’ Basan, kobunji bikab Manase.

JOSHUA 20:7

Ak kiitaban Kedes eng’ Galili eng’ emetab tulonok ne bo Naptali, ak Sekem eng’ emetab tolonok ne bo Epraim, ak Kiriat-arba (noto ko Hebron) eng’ emetab tulonok ne bo Juda.

JOSHUA 20:9

Chuto ko ki nganasok che kigitabanji lagok tugul che bo Israel, ak che bo bunotyot ne menyei kwenunywa, si komwechi oloto chito age tugul ne kabar chi ama nai, si mame eng’ eutab ne yaaktoi korotik, kot kotonon eng’ taitab tuiyet.

JOSHUA 21:27

Ak kiigochi lagokab Gerson eng’ ortinwekab Lawik, eng’ kebebertab bororietab Manase, Golan eng’ Basan koboto emotinwekyik che kiyagisie, noto ko ki nganaset ne mwechin rumindet; ak Be-estera koboto emotinwekyik che kiyagisie; nganasok aeng’.

JOSHUA 21:36

Ak eng’ bororietab Reuben, ko ki Beser koboto emotinwekyik che kiyagisie, ak Jahas koboto emotinwekyik che kiyagisie,

JOSHUA 21:38

Ak eng’ bororietab Gad, ko ki Ramot eng’ Gilead koboto emotinwekyik che kiyagisie, noto ko ki nganaset ne mwachin rumindet, ak Maanaim koboto emotinwekyik che kiyagisie;