JOSHUA 2:19 - BUKUIT NE TILIL

¹⁹ Ak chi age tugul ne mandoi eng’ kurgetab gong’ung’ kowendi oret, kotebe korotikyik metinnyi, ak manamech ng’ogisto: ak chi age tugul ne omi tugul eng’ go, kotebe korotikyik metowekyok, ngot kotwa chi inendet.

Bukuit Ne Tilil

¹⁹ Ngomanda chii age tugul eng' kurgeetap koong'ung' kwo ooreet, kotebee korotiikyik metinnyi, ak ma namech ng'oogisto. Ago ngot kotwa chii eng' acheek chii age tugul ne mi kobooten eng' ko, kotebee korotiikyik metowekyok.

BUKUIT NE TILIIL Sireet ne Dutero Kanon

¹⁹ Ngomanda chii age tugul eng' kurgeetap koong'ung' kwo ooreet, kotebee korotiikyik metinnyi, ak ma namech ng'oogisto. Ago ngot kotwa chii eng' acheek chii age tugul ne mi kobooten eng' ko, kotebee korotiikyik metowekyok.

JOSHUA 2:19 Referencias Cruzadas

2 SAMUEL 1:16

Ak kilenji Daudi inendet, Ingotebe korotiguk meting’ung’ amu kagobaorian kuting’ung’ koruogun, kole, Kiabar ne iilat ne bo Jehovah.

2 SAMUEL 4:11

Siirei ne tia, ye kabar bik che yaachen chito ne bo iman eng’ gonnyi komi itogunnyi, ko tos mamage korotikyik eunekwok, ak aistook eng’ ng’ony?

1 LAITORINIK 2:32

Ak weekyin Jehovah korotikyik metinnyi, amu kibar bik aeng’ che ki bo iman ak ko koigoi kosiir inendet, ak kibar ichek eng’ rotwetab chok, ama ingen kwandanyu Daudi, choto ko Abner weritab Ner, kiptaiyatab lugetab Israel, ak Amasa weritab Jeter, kiptaiyatab lugetab Juda.

KOMONG'U 12:13

Ak koek korotichoto kaborunet eng’ okwek eng’ gorikwok eng’ ole omi; ak ye ageer korotik, asiirtoenok, ak maityinok koroato konyo kong’emak, ye abare emetab Misri.

KOMONG'U 12:22

Ak onam ratutietab ketik che kiguure husop, ak orooch korotik che mi tabet, ak oise rateiywotab tugatuk ak tugatugik tuwai eng’ korotik che mi tabet; amat komanda chi sang’ agoi koeech.

KOMONG'U 12:23

Amu nyo kosiirtoi Jehovah kowendi kobarei Misrik; ak ye keer korotik eng’ rateiywotab tugatuk ak eng’ tugatugik tuwai, kosiirto Jehovah eng’ kurganato, ak ma chamjin ng’emindet komong’ gorikwok nyo kobarak.

ATEPTAP LAWIK 20:11

Ak chito ne ruitos ak osotiotab kwandanyi, ko kang’any ach ngoritab kwandanyi: kibarei iman tuwai; tebe korotikwak ichek.

ATEPTAP LAWIK 20:9

Amu kibarei chi age tugul ne sasei kwandanyi anan kamet: kagosas inendet kwandanyi ak kamet; tebe inendet korotikyik.

MATAYO 24:17

ama chorugei inendet ne mi got barak si konem tuguk che mi gonnyi:

POISYONIGAP CHE KIYOKTOI 18:6

Ak ye kingogirindagei ak inendet, ak komwa ng’alek kochubis, koleglekta ngoriennyi, ak kolenji, Ingotebi korotikwok eng’ metowekwok; a tilil ane: koboch nguno ko kawe oldab Bororiosiek.

POISYONIGAP CHE KIYOKTOI 20:26

Abaoriani anyun eng’ taing’wong’ betuni, ale, a tilil eng’ korotikab bik tugul.

POISYONIGAP CHE KIYOKTOI 27:31

kolenji Paulo kiptaiyatab bogol ak askarik, Ngot ko matebi bichu eng’ melit, ko momuchi osopche.

PILIPIK 3:9

ak kenyorua eng’ inendet, ko matinye imandanyu, noto ne bo Ng’atutiet, ago noto ne bunu kayanet eng’ Kristo, imanda ne bo Jehovah eng’ kayanet:

HEBRANIK 10:29

obwatitoi ano okwek, ng’wanitu ne tia biret ne tun nyoljin kiruokyine inendet ne kigotiech Weritab Jehovah, ak koiit korotikab kayomiset, che kigitilile inendet, koek tuguk che ma tililen, ak kosas Tamirmirietab mieindo?

JOSHUA 2:12

Ara anyun, asaok ale, oyosiewa eng’ Jehovah, amu kayaiywok ne mie, oyachi ne mie ak okwek gotab baba, ak ogona kaborunet ne bo iman:

JOSHUA 2:14

Kolenji bichoto inendet, Igeeri sobonwekwok sobonwekyok, ngot ko mong’ande boisioninyo; ak ye tun konech Jehovah emet, keyaun ne mie ak ne bo iman.

JOSHUA 2:20

Ago ngot ing’ande boisioninyo ko manamech ng’ogistab kayosieng’ung’, ne kesimjech kiyosieun.