JOSHUA 14:12 - BUKUIT NE TILIL

¹² Noto anyun, kona tulwoni, ne kiga mwa Jehovah eng’ betunoto; amu kiigas eng’ betunoto ile kimi Anagik oloto, ak nganasok che eechen che ng’ototin: alen mi Jehovah kobota, si aon koba, ko u ye kimwa Jehovah.

Bukuit Ne Tilil

¹² Ara anyun, konoo tulwooni ki kamwa Kamuktaindet ne Toroor eng' peetuunooto. Ki igas eng' peetuunooto ile ki mi Anagik olooto ak nganasook che eecheen che ng'ootaatiin. Imuuch komi Kamuktaindet ne Toroor kobooto, si aoon koba ko uu ye ki mwa ineendet.”

BUKUIT NE TILIIL Sireet ne Dutero Kanon

¹² Ara anyun, konoo tulwooni ki kamwa Kamuktaindet ne Toroor eng' peetuunooto. Ki igas eng' peetuunooto ile ki mi Anagik olooto ak nganasook che eecheen che ng'ootaatiin. Imuuch komi Kamuktaindet ne Toroor kobooto, si aoon koba ko uu ye ki mwa ineendet.”

JOSHUA 14:12 Referencias Cruzadas

2 LAITORINIK 19:4

Abere imuchi kogas Jehovah Kamuktaindeng’ung’ ng’alek tugul che bo Rabsake, ne kagoyok laitoriatab Asuria kiptaiyandennyi, konyo kochot Kamuktaindet ne sobei, ak koger kong’ ng’alek che kagas Jehovah Kamuktaindeng’ung’: ara anyun sa agobo bik che ng’etunotin.

2 ATEPTAP PEETUUSYEK 14:11

Ak kirirji Asa Jehovah Kamuktaindennyi, kole, Jehovah, mami age kobatenen ne imuchi kotoretis eng’ kwenutab ne kim ak ne matinyei kimnatet: toretech, ee Jehovah Kamuktaindennyo; amu kimang’un, ak kagibwa kebarge ak tuiyoni eng’ kaineng’ung’. Ee Jehovah, i Kamuktaindennyo; amat koterterin chi.

TIENWOGIKAL 44:3

Amu ma nam emet eng’ rotokwak bo chok, Ama sor ichek eunekwak: Ago eung’ung’ ne bo tai, ak eunoto inegei, ak lapkeiyetab togeng’ung’, Amu kiicham ichek.

TIENWOGIKAL 60:12

Kiterterisiei eng’ nyiganatet eng’ Kamuktaindet: Amu inendet ne tiekyin ng’ony bunikyok.

KAITOSYEK 13:28

Ago kimen bik che menyei emonoto, ak ng’ototin nganasok, ak ko eechen mising’; ak koboto noto, ko kigigeer eng’ oloto lagokab Anak.

KAITOSYEK 13:33

Ak kigigeerji oloto Nepilik, werikab Anak, che kibunu Nepilik; ak kigi u talamik ye kingirogege bichoto, ak kigi u noto eng’ tainywa.

KAITOSYEK 21:34

Ak kilenji Jehovah Musa, Ameiywei inendet: amu kande inendet eung’ung’ koboto bikyik tugul, ak emennyi; ak iyachini inendet ko u ye kiiyachi Sihon laitoriatab Amorik, ne kimenyei Hesbon.

ROMANIK 8:31

Kimwae nee anyun eng’ tuguchuto? Ngo mi Jehovah komostanyo, ko ng’o ne kirindaech?

NG'ATUTIK 1:28

Kitogostoi kebendi ano, anyun? Kiigochi tupchosiekyok mugulelwekyok kochootyo, kolenjech, Eechen bik ak ko koen kosiirech; eechen nganasok, kigiteech irimosiekwak kot koit kipsengwet; ak ne siirei noto ko kigigeerji oloto werikab Anagik.

NG'ATUTIK 9:1

Ogaso, ee Israel: ilandoe rani Jordan iwendi iluule bororiosiek che eechen che kimen kosiirin, ak nganasok che eechen che kiging’ote irimosiek che itei barak,

NG'ATUTIK 9:3

Nai anyun rani ile, Jehovah Kamuktaindeng’ung’ ne landoi kondoenen ko u mat ne iwong’u; ng’emei bichoto, ak kogochi konyeratitu eng’ taing’ung’: ione anyun ko u noto, ing’em ichokyi ko u ye kimwaun Jehovah.

PILIPIK 4:13

Amuchi ayai tuguk tugul eng’ inendet ne igimita.

HEBRANIK 11:33

che kiiterter bounatosiek eng’ kayanet, koyai imanda, kisich arorutik, kiger kutuswekab ng’etunyik,

JOSHUA 15:14

Ak kion Kaleb eng’ oloto werik somok che bo Anak, Sesai, ak Ahiman, ak Talmai, lagokab Anak.

KIRUOGIK 1:20

Ak kiigochi Kaleb Hebron, ko u ye kiga mwa Musa: ak kion eng’ oloto werik somok che bo Anak.

1 SAMUEL 14:6

Ak kilenji Jonatan neranet ne kiipchin karikyik che bo luget, Nyo kelande kebe ole mi lugetab chu ma kimuratan: abere imuchi kotoretech Jehovah: amu mami kiy ne ete Jehovah kosor eng’ che chang’ anan ko eng’ che ng’ering’.