JOSHUA 12:8 - BUKUIT NE TILIL

⁸ eng’ emetab tulonok, ak eng’ warenget, ak eng’ Araba, ak eng’ chepkeigeusiek, ak eng’ ong’atet, ak eng’ Murot ne bo Tai; Hitik, ak Amorik, ak Kananik, ak Perisik, ak Hibik, ak Jebusik:

Bukuit Ne Tilil

⁸ emetap tuloonook, warenget, Arabah, chepkeigeusyek, surkwen, murot tai, Hitik, Amorik, Kanaanik, Perisik, Hibik ak Jebusik):

BUKUIT NE TILIIL Sireet ne Dutero Kanon

⁸ emetap tuloonook, warenget, Arabah, chepkeigeusyek, surkwen, murot tai, Hitik, Amorik, Kanaanik, Perisik, Hibik ak Jebusik):

JOSHUA 12:8 Referencias Cruzadas

TAUNET 10:17

Ak Hibik, Arkik, ak Sinik;

TAUNET 12:9

Ak kiu Abram kogeny, kotokyigei Murot ne bo Tai.

TAUNET 13:7

Ak kibiit boriet eng’ mestowek che kiiyagi tugab Abram ak che kiiyagi tugab Lot; ak kimenyei Kananik ak Perisik emonoto eng’ betusiechoto.

KOMONG'U 23:23

Amu wendi malaikaiyandennyu kondoenen, komutin iwe ole mi Amorik, Hitik, Perisik, Kananik, Hibik, ak Jebusik, ak aiste ichek awong’u.

KOMONG'U 3:8

kachoruge anyun si kobiit asor ichek eng’ eunekab Misrik, ak amutu ichek kotogos komong’ eng’ emonoto koba emet ne mie ne baraa, emet ne nyiitat chego ak kumik; oldab Kananik, Hitik, Amorik, Perisik, Hibik, ak Jebusik.

NG'ATUTIK 7:1

Ye kagoitin Jehovah Kamuktaindeng’ung’ emet ne iwendi iname kobunjin, ak koon bororiosiek che chang’ eng’ taing’ung’, Hitik, Girgasik, Amorik, Kananik, Perisik, Hibik, ak Jebusik, bororiosiek tisab che eechen ak ko kimen kosiirin;

NG'ATUTIK 9:1

Ogaso, ee Israel: ilandoe rani Jordan iwendi iluule bororiosiek che eechen che kimen kosiirin, ak nganasok che eechen che kiging’ote irimosiek che itei barak,

JOSHUA 10:40

Kibar anyun Josua emet tugul, emetab tulonok, ak komostab Murot ne bo Tai, ak warenget, ak chepkeigeusiek, koboto laitorinikwak tugul; ma bagakta kong’et agot agenge: kibar koges tugul che kitinyei kabuset, ko u ye king’at Jehovah Kamuktaindetab Israel.

JOSHUA 11:16

Kinam anyun Josua emonoto tugul, emetab tulonok, ak Murot tugul ne bo Tai, ak emet tugul ne bo Gosen, ak warenget, ak Araba, ak emetab tulonok, ne bo Israel, ak warengetab emonoto;

JOSHUA 3:10

Kole anyun Josua, Onae eng’ ni ole, mi kwenung’wong’ Kamuktaindet ne sobei, ak onei inendet Kanamik eng’ taing’wong’ matiny, ak Hitik, Hibik, Perisik, Girgasik, Amorik, ak Jebusik.

JOSHUA 9:1

Ak ye kingogas laitorinik tugul che kimi Jordan bitonin, emetab tulonok, ak warenget, ak ngegut tugul ne bo araraita ne o ne mi tai eng’ Lebanon, Hitik, Amorik, Kananik, Perisik, Hibik, koboto Jebusik;

KIRUOGIK 1:9

Ak kingobata, kochortagei lagokab Juda koba kobargei ak Kananik che kimenyei emetab tulonok, ak eng’ Murot ne bo Tai, ak eng’ warenget.