JOSHUA 10:13 - BUKUIT NE TILIL

¹³ Ak kitonon asista, ak mata kwo arawet, Kot koyaaktochigei mugetut bororiet eng’ bunikwak. Tos ma kisirji nito bukuitab Jasar? Ak kitonon, mata kwo asista eng’ kwenutab kipsengwet, mata kwo, ama chakta kororokta ne te betut komugul.

Bukuit Ne Tilil

¹³ Ki tonon asiista ak kosiis arawet, kot koyaaktochigei mugetuut pororyet eng' puunikwak. Tos ma ki sirchi niito bukuitap Jasar? Ki tonon asiista mata kwo eng' kwenutap kipsengwet, ak mata kwo kochaakta kororokto ne tee peetuut komugul.

BUKUIT NE TILIIL Sireet ne Dutero Kanon

¹³ Ki tonon asiista ak kosiis arawet, kot koyaaktochigei mugetuut pororyet eng' puunikwak. Tos ma ki sirchi niito bukuitap Jasar? Ki tonon asiista mata kwo eng' kwenutap kipsengwet, ak mata kwo kochaakta kororokto ne tee peetuut komugul.

JOSHUA 10:13 Referencias Cruzadas

2 SAMUEL 1:18

ak kimwachi ichek konet bikab Juda tiendab kwanget: ogeero, kigisirji bukuitab Jasar.

2 LAITORINIK 20:10

Ak kimwa Hesekia kole, Kit ne nyamnyum eng’ uruet kwo tai tilutik taman: achicha, ingoweek uruet kwo let tilutik taman:

ESTA 8:13

Kigimwachi bororiosiek tugul ng’alekab sirutichoto che kimwa kole kemwaita ng’atutiet eng’ emet age tugul, ak kele kochopgei Yahudik eng’ betunoto koyaaktochigei mugetut eng’ bunikwak.

Kitabuutap JOB 9:7

Ne ng’atei asista, si machor; Ne indoi ng’okset kecheik.

TIENWOGIKAL 148:3

Olosu inendet, okwek asista ak arawet: Olosu inendet, okwek kecheik tugul che o bo lapkeiyet.

TIENWOGIKAL 19:4

Itei kutinywa ng’ony komugul, Ak itei ng’alekwak tabanwekab ng’ony. Kiinde emait eng’ choto agobo asista,

ISAIAH 24:23

Ak kotoptoben arawet, ak kolilan asista; amu laitorani Jehovah ne bo lugosiek eng’ tulwetab Sion, ak eng’ Jerusalem, ak eng’ taitab boisiekyik.

ISAIAH 38:8

Keero, aweechi uruet ne bo tilutik ne kagorekta koboto asista eng’ kit ne kirogendoe saisiek, ne bo Ahas, koweek kwo let tilutik taman. Kotogos anyun asista tilutik taman eng’ kioto kirogendoisie ne kaga korektae.

JOEL 2:10

Botani emet eng’ tainywa; botandos kipsengwetisiek: imenitu asista ak arawet, ama koluu kecheik.

JOEL 2:31

Ak koimenit asista, ak koigei korotik arawet, kotom koit betut ne o ne imuisei ne bo Jehovah.

JOEL 3:15

Imenitu asista ak arawet, ama koluu kecheik,

HABAKUK 3:11

Kitononso asista ak arawet eng’ meng’otenywa, Eng’ lapkeiyetab kipchaboniguk kobendi, Eng’ kaluunetab ng’oting’ung’ ne ilyeli.

KAITOSYEK 21:14

Sirat eng’ bukuitab Lugosiekab Jehovah amu noto, Ne kiyai eng’ Nyanjet ne Birir, Ak atebwosiekab Arnon,

KAITOSYEK 31:2

Yaakyi mugetut Midianik amu lagokab Israel: yeityo kiyumin iwe ole mi biguk.

MATAYO 24:29

Ak ne ma tianit, ko kagogesgei nyalilda ne bo betusiechoto, koimenit asista, ama koluu arawet, ak kororok kecheik eng’ kipsengwet, ak kitumdum kimnatosiek che bo kipsengwet;

MATAYO 5:45

si oegu werikab Kwandang’wong’ ne mi kipsengwet; amu igochin asistanyi kochorji che yaach ak che miach, ak iyokyin ropta che bo imanda ak che ma bo imanda.

LUKA 18:7

Tos mayachin Jehovah imanda che lewenotin, che rirjin inendet bet ak kemoi, ak muitoi inendet eng’ ichek?

POISYONIGAP CHE KIYOKTOI 2:20

Kiwalei asista koek mesundeito, Ak kewal arawet koek korotik, Kotom koit betutab Kiptaiyat, Betut ne o agobo ne toogunot:

JOSHUA 10:11

Ak ye kingomwei eng’ taitab Israel, ye kichortaegei Bet-horon, kowir Jehovah ichek eng’ koik che eechen che bunu kipsengwet kot koit Aseka, ak kibek; ki chang’ che kibek eng’ koikab ropta kosiir che kibar lagokab Israel eng’ rotwetab chok.

JOSHUA 10:14

Ak kitom kobiitu betut ne u noto eng tai amata kobiit eng’ let, ne kigas Jehovah kutitab chi: amu kiyai Jehovah luget agobo Israel.

NG'ANG'UTYET 21:23

Ak mamachei nganaset asista, anan arawet, koluuchi: amu iluuchin lilindab Jehovah, ak tainnyi ko Aruet.

NG'ANG'UTYET 6:10

ak kimwa eng’ kutit ne o kole, Tianitu, ee Kiptaiyat, ne tilil ak ko bo iman, si iruokyi ak iyaaktoiywech mugetut agobo korotikyok eng’ ichek che menyei ng’ony?

NG'ANG'UTYET 6:12

Ak kiageer ye kingoyat ng’okset ne bo lo, ak kibiit botanet ne o ne bo ng’ony: ak kituuiit asista ko u kuniet ne kigiyae kororik, ak kiigei arawet komugul korotik;

NG'ANG'UTYET 8:12

Ak kiguut malaikaiyatab ang’wan, ak kigikwer kebeberta agenge eng’ somok ne bo asista, ak kebeberta agenge eng’ somok ne bo arawet, ak kebeberta agenge eng’ somok ne bo kecheik; si koimenit kebeberta agenge eng’ somok ne bo tuguchoto, ama iluu betut eng’ kebeberta agenge eng’ somok, ak koigei noto agine kemout.

KIRUOGIK 16:28

Ak kiguur Samson Jehovah kolenji, Ee Kiptaiyat Jehovah, asain ale ibwata, ak asain ale igimita ra kityo, ee Kamuktaindet, si ayaaktochige mugetut eng’ Pilistik agobo konyekyuk tuwai.

KIRUOGIK 5:2

Amu kiindo kandoik eng’ Israel, Amu kiigoitogei bik eng’ chamnyet, Olosu Jehovah.