JEREMIA 3:18 - BUKUIT NE TILIL

¹⁸ Tun bendoti eng’ betusiechoto gotab Juda ak gotab Israel, ak kobwa tuwai komong’ eng’ emet ne bo murot ne bo katam, kobwa emet ne kiagochi kwanisiekwok kobunji.

Bukuit Ne Tilil

¹⁸ Eng' peetuusyechooto, ko tuun pendoti kootap Judah ak kootap Israel, tuun pwoonei tuwai komong' eng' emet ne po murot kaataam kobwa emet ne ki agoochi kwanisyekwok kobunji.

BUKUIT NE TILIIL Sireet ne Dutero Kanon

¹⁸ Eng' peetuusyechooto, ko tuun pendoti kootap Judah ak kootap Israel, tuun pwoonei tuwai komong' eng' emet ne po murot kaataam kobwa emet ne ki agoochi kwanisyekwok kobunji.

JEREMIA 3:18 Referencias Cruzadas

TAUNET 12:7

Ak kimong’ji Jehovah Abram, ak kolenji, Agochini iyoteng’ung’ emoni: ak kiteekyi kaptisisiet Jehovah, ne kimong’ji inendet.

ISAIAH 43:5

Ameiywei; amu ami koboten: amutu iyoteng’ung’ eng’ kong’asis, ayumin inyo eng’ cherongo;

ISAIAH 43:6

Amwachini murot ne bo katam, alenjini, Konu; ak amwachi murot ne bo tai, alenji, Ametuuch; omutu werikyuk kobun ole loo, ak omutu tibikyuk eng’ tabanwekab ng’ony;

JEREMIA 16:15

ago, kilen, Ko u ye sobei Jehovah, ne kiimut lagokab Israel eng’ emetab murot ne bo katam, ak eng’ emotinwek tugul che kiga koonji ichek: ak amutu ichek kogeny kobwa emenywa ne kiagochi kwanisiekwak.

JEREMIA 23:8

Ago, mwaei kole, Ko u ye sobei Jehovah, ne kiimut iyotetab gotab Israel komong’ eng’ emet ne bo murot ne bo katam, ak eng’ emotinwek tugul ole kigaonji ichek, ak komeny emenywa.

JEREMIA 3:12

Ui mwachi ng’alechu komostab murot ne bo katam, ilenji, Weege, inye Israel ne kiiweekyige let, mwaei Jehovah; ma ageerok eng’ neregek: amu atinye rirenet, mwaei Jehovah, manerechi agoi.

JEREMIA 30:3

Keero, bwanei betusiek, mwaei Jehovah, che awale luuletab bikyuk Israel ak Juda, mwaei Jehovah: ak agochi ichek koweek kobwa emet ne kiagochi kwanisiekwak, ak kobunji.

JEREMIA 31:8

Ogeero, amutu ichek eng’ emet ne bo murot ne bo katam, ak ayum ichek eng’ tabanwekab ng’ony, koboto ne korat, ak ne ing’wali, koboto kwondo ne tamano, ak inendet ne machei kosigis: weeksei olito, ko tuiyet ne o.

JEREMIA 50:20

Kicheng’ei tengektab Israel eng’ betusiechoto ak eng’ kenyisiechoto, mwaei Jehovah, ama kinyoru; ak kicheng’ei tengekwogikab Juda, ama kinyoru: amu anyochini kaat ichek che abagaktoi kong’et.

JEREMIA 50:4

Bwanei eng’ betusiechoto ak eng’ betunoto, lagokab Israel, icheget ak lagokab Juda, mwaei Jehovah; bendi koririoti, ak kocheng’oti Jehovah Kamuktaindenywa.

JEREMIA 50:5

Teeboti agobo ole teptoi Sion kotokyigei oloto, kolen, Obwa, ak onamge ak Jehovah eng’ kayomiset ne bo koigeny ne magiutie.

JEREMIA 7:7

agonok anyun omeny olito, emet ne kiagochi kwanisiekwok, koboch keny agoi koigeny.

EZEKIEL 11:17

Mwa anyun ile, Mwaei Kiptaiyat Jehovah ko u ni kole: Ayumok omong’une bororiosiek, ak ayumok omong’une emotinwek ole kioyestochi, ak agonok emetab Israel.

HOSEA 1:11

Ak kiyum lagokab Juda ak lagokab Israel, ak kolewenjigei kandoindet agenge, ak kotogosta eng’ emonoto: amu egu betut ne o betutab Jesreel.

HOSEA 11:12

Yiemena Epraim lembechek, koyiemena gotab Israel ng’alset: ago bounisiei Juda kora koboto Kamuktaindet, ak koyanat eng’ Inendet ne Tilil.

HOSEA 2:2

Ogaigai komet, ogaigai; amu inendet ko ma osotiondennyu, ama a manong’otiondennyu: ak ingometo kugoinatosiekyik che mi togennyi, ak ingometo ibetab ge ne mi tegennyi;

AMOS 9:15

Ak amin ichek eng’ emenywa, ama kitutu kogeny eng’ emenywa ne kiagochi, mwaei Jehovah Kamuktaindeng’ung’.

SEKARIA 10:6

Ak agimit gotab Juda, ak asoru gotab Josep, ak amutu ichek kogeny, amu arire ichek; ak koigei ye kima amete ichek: amu a Jehovah Kamuktaindenywa, ak agas ichek.

SEKARIA 2:6

Eiye, eiye, omwei eng’ emetab murot ne bo katam, mwaei Jehovah: amu kiaseerak ko u usonaik ang’wan che bo kipsengwet, mwaei Jehovah.