HOSEA 2:5 - BUKUIT NE TILIL

⁵ Amu kiyaei kamet kugoinatet: kiyai inendet ne kimanachi ichek, tewernatet: amu kimwa kole, Asuboti chamanikyuk, che kona amitwogikyuk ak beekyuk, koboto kororikyuk che bo kechirek, ak mabutekyuk, mwanikyuk ak tuguk che aee.

Bukuit Ne Tilil

⁵ Amu ki yaei kamet kugoinatet; ki yai teweernateet ineendet ne ki manachi icheek. Amu ki mwa kole, asuboti chamanikyuk, che koono amitwogikyuk ak peekyuk, koroorikyuk che po keechiirek ak mabuteekyuk, mwanikyuk ak tuguuk che aee.

BUKUIT NE TILIIL Sireet ne Dutero Kanon

⁵ Amu ki yaei kamet kugoinatet; ki yai teweernateet ineendet ne ki manachi icheek. Amu ki mwa kole, asuboti chamanikyuk, che koono amitwogikyuk ak peekyuk, koroorikyuk che po keechiirek ak mabuteekyuk, mwanikyuk ak tuguuk che aee.

HOSEA 2:5 Referencias Cruzadas

ISAIAH 1:21

Kaegundo ano chepkugoniot nganaset ne ko bo iman, ne kotinyei kiruoget ne bo iman! Komenyei imanda nganasanato, ago nguno komi rumik.

ISAIAH 50:1

Mwaei Jehovah ko u ni kole, Mi ano baruetab besietab komet, ne kiaone inendet? Anan kiaaldachok ng’o ne yaacha? Kigialdak amu yaitwogikwok, ak kigion komet amu bistaosiekwok.

JEREMIA 11:13

Amu ko u ole te koitetab nganasoguk, ko u noto kanamoniguk, ee Juda; ak ko u ole te koitetab ortinwekab Jerusalem, ko u noto kiolumde kapkorosusiekab kit ne kililane, kapkorosusiek che kibeeljine Baal nyamdutik.

JEREMIA 13:22

Ak ngot imwa eng’ muguleldang’ung’ ile, Amu nee anyun si kobwanja tuguchuto? Kageng’any ngoroiguk amu oindab tengektang’ung’, ak kagonyor kwariniguk ng’wanindo.

JEREMIA 2:20

Amu kiairi choging’ung’ eng’ betusiek che bo keny, ak ang’eti anoguk, ak kiimwa ile, Maotisiei, amu kiing’uruge eng’ tulwet age tugul ne koi ak eng’ ketit age tugul ne tuon, iyae kugoinatet.

JEREMIA 6:8

Kas kotigonet, ee Jerusalem, si maistoenegei sobondanyu; si mayain iegu karatia, emet ne mamenyei chi.

EZEKIEL 16:35

Kas anyun, ee chepkugoniondoni, ng’olyotab Jehovah:

EZEKIEL 16:39

Ak andein eunekwak, ak kobut oldang’ung’ ne toogunot, ak kobut oldinweguk che kitororitu; ak koreegunenen ngoroiguk, ak koib sonoeguk che kororon: ak kobagachin imi buch ach ngor.

EZEKIEL 16:4

Kima kotil mugeng’ung’ eng’ ole kigisikyinin, eng’ betut ne kigisichin, ama kiunin si itililitu; ma kiilenen munyuk, ama kinamden ngor.

HOSEA 1:2

Ye kingong’alale Jehovah Hosea eng’ tai, kolenji Jehovah Hosea, Ui imutyige chepkugoniot koek osotiondeng’ung’, ak lagokab kugoinatet: amu yaei emet kugoinatet ne o, kometoi Jehovah.

HOSEA 2:2

Ogaigai komet, ogaigai; amu inendet ko ma osotiondennyu, ama a manong’otiondennyu: ak ingometo kugoinatosiekyik che mi togennyi, ak ingometo ibetab ge ne mi tegennyi;

HOSEA 2:8

Amu ma nai kole ane ne kiagochini bek, ak divaik, ak mwanik, ak atesyi feda ak tahabu, che kiyae Baal.

HOSEA 3:1

Ak kilenja Jehovah, Ui kogeny ak icham kwondo ne chamat eng’ choruennyi, ak ko chepkugoniot, ko u ye chamei Jehovah lagokab Israel, agot nganda weekyingei cheptalelisiek, ak kochamei makatinikab sabibuk che yaamnyotin.

HOSEA 4:5

Ago ibuti bet, ak obutosi koboto maotiot kemoi; ak abar komet.

HOSEA 8:9

Amu kitogosta koba Asuria, ko u sigiriet ne bo timin ne mi inegei: kial Epraim chamanik.

HOSEA 9:10

Kiageer ale u Israel sabibuk eng’ ong’atet; kiageer kwanisiekwok ale u tongoaniatab mogoiywet eng’ kenyinnyi ne bo tai: ago kibwanji Baal-Peor, kotabanjigei kioto samis, ak koek ichek kit ne kiwechei ko u kioto kichamei ichek.

AMOS 8:13

Tun tanuitos bergeinik che kororon ak murenik eng’ betunoto, amu melelda.

KIRUOGIK 16:23

Ak kiiyumgei kiptainikab Pilistik si kogochi korosiot ne o, Dagon kanamwenywa, ak koboiboitu: amu kimwa kole, Kagonde kanamwennyo Samson bunyondennyo eunekyok.