HOSEA 2:23 - BUKUIT NE TILIL

²³ Ak agoljige inendet eng’ emet; ak arire inendet ne kima kirire; ak alenji ichek che kima ko bikyuk, O bikyuk; ak kole, I Kamuktaindennyu.

Bukuit Ne Tilil

²³ Ak agoole ineendet eng' emet; ak ariiree ineendet ne ki ma ki riiree; ak aleenji icheek che ki ma ko piikyuk, “Oo piikyuk;” ak kole “Ii Kamuktaindennyu.”

BUKUIT NE TILIIL Sireet ne Dutero Kanon

²³ Ak agoole ineendet eng' emet; ak ariiree ineendet ne ki ma ki riiree; ak aleenji icheek che ki ma ko piikyuk, “Oo piikyuk;” ak kole “Ii Kamuktaindennyu.”

HOSEA 2:23 Referencias Cruzadas

TIENWOGIKAL 118:28

I Kamuktaindennyu, ak amwaun kongoi: I Kamuktaindennyu, atororin.

TIENWOGIKAL 22:27

Ibwati Jehovah tabanwek tugul che bo ng’ony ak koweekyigei inendet: Tun kutung’jinin inye ortinwek tugul che bo bororiosiek.

TIENWOGIKAL 68:31

Tun mong’une bounik Misri; Iyogochin Etiopia eunekyik Kamuktaindet kochokyin.

TIENWOGIKAL 72:16

Ak tun biitu chang’indab bek eng’ ng’ony eng’ tulonok barak; Ak itumdumegei logoekyik ko u Lebanon: Ak tunendos ichek che bo nganaset ko u suswek che bo ng’ony.

TYENDO NE SIIREI TUGUL 2:16

Nenyu chamanennyu, ak a nenyi: Iyagi kechirekyik eng’ oldab taptok.

ISAIAH 44:5

Mwaei age kole, A bo Jehovah; ak koguuregei age kainetab Jakobo; ak kosirji age eunnyi kainetab Jehovah; ak komwaitoegei kainetab Israel.

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

JEREMIA 30:22

Ak oegu bikyuk, ak aegu Kamuktaindeng’wong’.

JEREMIA 31:27

Ogeero, bwanei betusiek, mwaei Jehovah, che agoljini gotab Israel ak gotab Juda iyotetab chi ak iyotetab tiony.

JEREMIA 32:38

Ak koek bikyuk, ak aegu Kamuktaindenywa:

JEREMIA 33:26

atimdoi anyun agine iyotetab Jakobo, ak ne bo Daudi otwogindennyu, kot ko malewen iyotennyi koek bounik che bou iyotetab Abraham, Isak, ak Jakobo: amu agochini koweek eng’ ole kigiluulji, ak arire ichek.

EZEKIEL 36:29

Ak asoruok eng’ simwekwok tugul: ak aguur bek si ates, ama agonok rubet kogeny.

HOSEA 1:6

Ak kimanach kogeny, ak kosich chepto. Ak kolenji Jehovah inendet, Kuure kainennyi Lo-ruhama: amu ma arire gotab Israel, anyochini kaat eng’ kiy age tugul.

HOSEA 8:2

Tun rirjina kole, Kamuktaindennyu, kingenin achek Israel.

SEKARIA 10:9

Ak agol ichek eng’ kwenutab bororiosiek; ak kobwata komi emotinwek che looen: ak komeng’is koboto lagokwak, ak koweeigei.

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

SEKARIA 14:16

Ak age tugul ne ng’etu eng’ bororiosiek tugul che kiibokyin Jerusalem, kotogostoi oloto eng’ kenyit age tugul, kolosu Laitoriat, Jehovah ne bo lugosiek, ak koyai igorta ne bo keriosiek.

SEKARIA 14:9

Ak koek Jehovah laitoriatab ng’ony komugul: egu agenge Jehovah eng’ betunoto, ak koek agenge kainennyi.

SEKARIA 2:11

Ak konamgei bororiosiek che chang’ ak Jehovah eng’ betunoto ak koek bikyuk: ak ameny kwenung’ung’, ak inai ile kiiyokwa Jehovah ne bo lugosiek anyo ole imi.

MALAKI 1:11

Amu o kainennyu eng’ Bororiosiek koboch ole chorune asis agoi ole roroktoe; ak kigoitoi eng’ komosta age tugul nyamdutik che kibeelei agobo kainennyu, koboto kagochinet ne tilil: amu o kainennyu, eng’ Bororiosiek, mwaei Jehovah ne bo lugosiek.

ROMANIK 3:29

Anan Jehovah ko Jehovah ne bo Yahudik kityo? Ama Jehovah ne bo Bororiosiek agichek? Ee, bo Bororiosiek agichek:

JAKOBO 1:1

Jakobo, otwogindetab Jehovah ak ko bo Kiptaiyat Jesu Kristo, asirjini ortinwek taman ak aeng’ che bo bik che kigoiyestat, agatok.