EZEKIEL 17:9 - BUKUIT NE TILIL

⁹ Mwa inye ile, Mwaei Kiptaiyat Jehovah ko u ni kole: Tos mieitu? Tos maituti kipsichinoto tigitikyik, ak koeb logoekyik, si kobiit kores, si kobiit koresyo sogekyik tugul che ng’orng’or; agot ngo mami kimnatet ne wo anan bik che chang’ che itutu?

Bukuit Ne Tilil

⁹ Mwa inyee ile, Mwaei Kiptaiyat Kamuktaindet ne Toroor kole: Tos myeeitu? Tos ma ituti kipsichinooto tigitikyik, ak koep logoekyik, si kobiit kores, si kobiit koresyo sogekyik tugul che ng'orng'or; agot ngo ma mi kimnateet ne wo anan piik che chaang' che itutu?

BUKUIT NE TILIIL Sireet ne Dutero Kanon

⁹ Mwa inyee ile, Mwaei Kiptaiyat Kamuktaindet ne Toroor kole: Tos myeeitu? Tos ma ituti kipsichinooto tigitikyik, ak koep logoekyik, si kobiit kores, si kobiit koresyo sogekyik tugul che ng'orng'or; agot ngo ma mi kimnateet ne wo anan piik che chaang' che itutu?

EZEKIEL 17:9 Referencias Cruzadas

2 ATEPTAP PEETUUSYEK 13:12

Ogeero, mi Kamuktaindet kobotech, kondoiywech, ak tisiikyik che tinyei iriagok che bo waagat si koguutwak ne bo waagat. Ee lagokab Israel, amat obarge ak Jehovah Kamuktaindetab kwanisiekwok: amu mobore.

2 ATEPTAP PEETUUSYEK 20:20

Ak king’eetyo karon mising’, komusta ong’atetab Tekoa; ak ye kingota kobendi, kotonon Jeosapat ak kole, Ogasa, ee Juda, ak che omenye Jerusalem; oyan Jehovah Kamuktaindeng’wong’, si kobiit ogimegitu; oyan maotikyik, si obor.

JEREMIA 32:5

ak komut Sedekia kwo Babulon, ak kotebe oloto agoi tun aityi biret inendet, mwaei Jehovah: agot ngobargei ak Kaldeik, ko magiberurok?

JEREMIA 37:10

Amu nganda kiobar luget komugul ne bo Kaldeik che kiborienok, kot kong’et kityo bik che kigiguoten eng’ ichek, ko ta kong’eetei chi age tugul eng’ emainnyi, ak kobeel nganasani.

EZEKIEL 17:10

Ee, ogeero, tos mieitu ye kagemin? Tos maresei tugul, ye usyi usonetab kong’asis? Resei eng’ kererjosiek ole kibite.

EZEKIEL 17:8

Kiga kiminji ng’ung’unyek che miachen eng’ ole negite beek che chang’, si kobiit kowakta temenik, si kobiit koi logoek, si kobiit koek ketit ne kararan ne bo sabibuk.

AMOS 2:9

Ago kiabar Amorindet eng’ tainywa, ne kiaechin koindanyi ak taragonik, ak ki kim ko u ketik che uuen; ak kiang’em logoekyik eng’ ole bo barak, ak tigitikyik eng’ ole bo ng’ony.

KAITOSYEK 14:41

Ak kilenji Musa, Amu nee si obistoe ng’atutietab Jehovah? Amu magiberuri ng’olyot ne u noto.