AMDOINDET 8:15 - BUKUIT NE TILIL

¹⁵ Kialosu anyun boiboiyet, amu matinyei chi kiy ne mie eng’ kureretab asista kobate koam, ak koeei, ak kobaibait: amu tebyei noto koboto inendet eng’ boisiennyi, eng’ betusiek tugul che bo sobennyi, che kiigochi Kamuktaindet inendet eng’ kureretab asista.

Bukuit Ne Tilil

¹⁵ Ki alasu anyun poiboiyet, amu ma tinyei chii kiy ne myee eng' kurereetap asiista kobatee koam, koeei ak kobaibait. Amu tebyei nooto kobooto ineendet eng' poisyennyi, eng' peetuusyek tugul che po sabeennyi, che ki igoochi `Kamuktaindet ineendet eng' kurereetap asiista.

BUKUIT NE TILIIL Sireet ne Dutero Kanon

¹⁵ Ki alasu anyun poiboiyet, amu ma tinyei chii kiy ne myee eng' kurereetap asiista kobatee koam, koeei ak kobaibait. Amu tebyei nooto kobooto ineendet eng' poisyennyi, eng' peetuusyek tugul che po sabeennyi, che ki igoochi `Kamuktaindet ineendet eng' kurereetap asiista.

AMDOINDET 8:15 Referencias Cruzadas

TIENWOGIKAL 42:8

Ago ng’atei Jehovah bet chamnyennyi ne tala, Ak mi kobota tiendanyi kemoi, Noto saet eng’ Kamuktaindetab sobondanyu.

AMDOINDET 2:1

Kiamwa eng’ muguleldanyu ale, Ara anyun, atiemin eng’ boiboiyet; baibaitu anyun eng’ kiy ne mie: ak keero, buch nito agine.

AMDOINDET 2:10

Ak kima aete konyekyuk kiy age tugul ne kimach: ma aete muguleldanyu boiboiyet age tugul, amu kibaibait muguleldanyu eng’ boisiennyu tugul; ak ki nito kebebertanyu eng’ boisiennyu tugul.

AMDOINDET 2:24

Mami kit ne kaigai eng’ chito kosiir koamis ak koeeiso, ak kobaibae sobondanyi tuguk che miach eng’ birtoennyi bo ge. Kiageer kogeny ale bunu nito eutab Kamuktaindet.

AMDOINDET 2:3

Kiasiach eng’ muguleldanyu ole aboiboititoi bortanyu eng’ divaik, kondoiywa muguleldanyu eng’ ng’omnatet, ak ole anamdoi berberindo, kot amuch ageer kit ne nyoljin werikab bik koyai eng’ kureretab kipsengwet eng’ betusiekwak tugul.

AMDOINDET 3:22

Kiageer anyun ale, mami kiy ne mie, kosiir kobaibait chito eng’ boisionikyik: amu noto kebebertanyi: amu ng’o ne weechi kogeny inendet kogeer tuguk che biitu let?

AMDOINDET 5:18

Ogeero, kit ne mie ne kiageer, ak ko nyolu, ko koamis chi ak koee, ak kobaibaitune tuguk che miach eng’ boisiennyi tugul, ne yaei eng’ kureretab asista, eng’ betusiek tugul che bo sobennyi che kiigochi Kamuktaindet inendet: amu kebebertanyi nito.

1 TIMOTEO 6:17

Ng’at magorek che bo betusiechu, si mamenio, anan konde kamang’unenywa magornatosiek che matonondos, ago eng’ Jehovah inendet ne konech tuguk tugul eng’ aiyebindo si kobiit keboiboitune;