ရှင်ယောဟန် 7:23 - ခေတ်သစ်​မြန်မာ သမ္မာကျမ်း

²³ လူတစ်ဦး​သည် ဥပုသ်နေ့​တွင် အရေပြားလှီးခြင်း​မင်္ဂလာ​ကို​ခံ​ရန် အချိန်ကျ​သော် သင်တို့​သည် မောရှေ​၏ ပညတ်ကျမ်း​ကို မချိုးဖောက်လို​သဖြင့် ထို​သူ​အား အရေပြားလှီးခြင်း​မင်္ဂလာ​ကို ပေးကြ၏။ သို့ဖြစ်လျှင် ငါ​သည် ဥပုသ်နေ့​၌ လူတစ်ဦး​ကို ကျန်းမာစေသည့်​အတွက် သင်တို့​သည် အဘယ်ကြောင့် ငါ့​ကို အမျက်ထွက်ကြသနည်း။

Common Language Bible

²³ ဤ​သို့​လျှင်​မော​ရှေ​၏​ပ​ညတ်​တ​ရား​မ​ချိုး ဖောက်​ရန် သင်​တို့​သည်​ဥ​ပုသ်​နေ့​တွင်​အ​ရေ​ဖျား လှီး​မင်္ဂ​လာ​ပေး​လျှင် ငါ​သည်​ဥ​ပုသ်​နေ့​၌​လူ တစ်​ဦး​တစ်​ယောက်​အား​ပ​က​တိ​ကျန်း​မာ လာ​စေ​သော​အ​ခါ​၌​မူ အ​ဘယ်​ကြောင့်​ငါ့ အား​အ​မျက်​ထွက်​ကြ​သ​နည်း။-

Garrad Bible

²³ ထိုသို့ မောရှေ၏ပညတ်တရားမပျက်စေရန် လူသည်ဥပုသ်နေ့တွင် လှီးဖြတ်ခြင်းမင်္ဂလာခံရလျှင်၊ ဥပုသ်နေ့တွင် လူတစ်ကိုယ်လုံးကိုငါသန်စွမ်းစေသောကြောင့် သင်တို့စိတ်ဆိုးအပ်သလော။

Judson Bible

²³ မော​ရှေ၏​တ​ရား​မ​ပျက်​စေ​ခြင်း​ငှာ လူ​သည်​ဥ​ပုသ်​နေ့၌ အ​ရေ​ဖျား​လှီး​ခြင်း​ကို​ခံ​ရ​လျှင်၊ ငါ​သည် ဥ​ပုသ်​နေ့၌ လူ​တစ်​ကိုယ်​လုံး​ကို ကျန်း​မာ​စေ​သော​ကြောင့်၊ သင်​တို့​သည် ငါ့​ကို အ​မျက်​ထွက်​ရာ​သ​လော။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²³ လူ​သည် မောရှေ​၏​ပညတ်​တရား​ကို​မ​ချိုးဖောက်​ရန် ဥပုသ်နေ့​တွင် အရေဖျား​လှီး​ခြင်း​ကို​ခံ​သည်​ဆိုလျှင် ငါ​သည် ဥပုသ်နေ့​၌ လူ​တစ်ကိုယ်လုံး​ကို အကောင်း​ပကတိ​ဖြစ်​စေ​သည့်​အတွက် ငါ့​ကို​စိတ်ဆိုး​ရ​သလော။

မြန်မာ

²³ မော​ရှေ၏​တ​ရား​မ​ပျက်​စေ​ခြင်း​ငှာ လူ​သည်​ဥ​ပုသ်​နေ့၌ အ​ရေ​ဖျား​လှီး​ခြင်း​ကို​ခံ​ရ​လျှင်၊ ငါ​သည် ဥ​ပုသ်​နေ့၌ လူ​တစ်​ကိုယ်​လုံး​ကို ကျန်း​မာ​စေ​သော​ကြောင့်၊ သင်​တို့​သည် ငါ့​ကို အ​မျက်​ထွက်​ရာ​သ​လော။-

ရှင်ယောဟန် 7:23 Referencias Cruzadas

မဿဲ 12:10

ထို​နေရာ​၌ လက်တစ်ဖက်​သေသော လူ​တစ်ဦး​ကို ယေရှု​သည် တွေ့မြင်တော်မူ၏။ ဖာရိရှဲတို့​ကလည်း ယေရှု​ကို ပြစ်တင်​စွပ်စွဲ​လို​သဖြင့် “ဥပုသ်နေ့​၌ အနာရောဂါ​ကို ကုသပေးခြင်း​သည် ပညတ်တော်​နှင့် ကိုက်ညီသလော၊ မကိုက်ညီသလော” ဟု မေးလျှောက်ကြ၏။

မဿဲ 12:2

သို့သော် ဖာရိရှဲ​တချို့​သည် တပည့်တော်တို့​ပြုသော အရာ​ကို မြင်​သောအခါ “သင်​၏ တပည့်တော်တို့​သည် ပညတ်တရား​အရ ဥပုသ်နေ့​၌ မပြုသင့်သော​အမှု​ကို အဘယ်ကြောင့်​ပြုကြသနည်း” ဟု ကိုယ်တော်​အား လျှောက်ကြ၏။

မဿဲ 12:5

ဗိမာန်တော်​၌ တာဝန်ကျသော ယဇ်ပုရောဟိတ်များ​သည် ဥပုသ်နေ့​၌ အလုပ်​လုပ်ခွင့်​ရှိသည်​ကိုလည်း မောရှေ​၏ ပညတ်ကျမ်း​တွင် သင်တို့​မဖတ်ဖူးသလော။

ရှင်ယောဟန် 5:10

ထို့ကြောင့် ဂျူး​ခေါင်းဆောင်တို့​က ရောဂါ​ပျောက်ကင်းသွားသော​သူ​အား “ယနေ့​သည် ဥပုသ်နေ့​ဖြစ်၏။ ထို့ကြောင့် သင်​၏ အိပ်ရာ​ကို သယ်ယူခြင်း​သည် ဘုရားသခင်​၏ ပညတ်တော်​နှင့်​မကိုက်ညီပါ” ဟု ပြောကြ၏။

ရှင်ယောဟန် 7:21

ယေရှု​က “ဥပုသ်နေ့​၌ အံ့ဖွယ်အမှု​တစ်ခု​ကို ငါ​ပြု​သော် သင်တို့​သည် အံ့ဩကြ၏။

ရှင်ယောဟန် 9:16

ထို့ကြောင့် ဖာရိရှဲ​တချို့​က “သူ​သည် ဥပုသ်နေ့​တွင် အလုပ်လုပ်​သောကြောင့် ဘုရားသခင်​ထံတော်မှ လာသော​သူ မဖြစ်နိုင်” ဟု ဆိုကြ၏။ သို့သော် တချို့​က “သာမန်လူ အပြစ်သား​တစ်ဦး​သည် ထိုကဲ့သို့သော နိမိတ်​လက္ခဏာ​ကို မည်သို့ ပြုနိုင်မည်နည်း” ဟု ဆိုကြ၏။ ဤသို့ဖြင့် သူတို့​အချင်းချင်း သဘောထား​ကွဲလွဲကြ၏။