ရှင်ယောဟန် 6:2 - ခေတ်သစ်​မြန်မာ သမ္မာကျမ်း

² လူအုပ်ကြီး​သည် ဖျားနာသော​သူများ​အပေါ် ယေရှု​ပြုတော်မူသော နိမိတ်​လက္ခဏာများ​ကို တွေ့မြင်ခဲ့ကြ​သဖြင့် နောက်တော်​သို့ လိုက်ကြ၏။

Common Language Bible

² သူ​နာ​များ​အား​ရော​ဂါ​ပျောက်​ကင်း​စေ​တော် မူ​သည်​ကို​တွေ့​မြင်​ခဲ့​ကြ​သ​ဖြင့် လူ​ပ​ရိ​သတ် ကြီး​သည်​နောက်​တော်​သို့​လိုက်​ကြ​၏။-

Garrad Bible

² သူနာတို့တွင်ပြတော်မူသော နိမိတ်လက္ခဏာများကိုမြင်ခဲ့သောကြောင့် ကြီးစွာသောလူပရိသတ်သည် နောက်တော်သို့လိုက်သွားကြ၏။

Judson Bible

² အ​နာ​ရော​ဂါ​စွဲ​သော​သူ​တို့၌ ပြ​တော်​မူ​သော နိ​မိတ်​လ​က္ခ​ဏာ​တို့​ကို လူ​အ​စု​အ​ဝေး​အ​ပေါင်း​တို့​သည် မြင်​ကြ​သ​ဖြင့် နောက်​တော်​သို့ လိုက်​ကြ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

² များစွာ​သော​လူထု​ပရိသတ်​တို့​သည်​လည်း နာမကျန်း​ဖြစ်​သူ​တို့​အပေါ်၌ ပြု​တော်မူ​သော​နိမိတ်​လက္ခဏာ​များ​ကို​မြင်​၍ နောက်​တော်​သို့​လိုက်​ကြ​၏။

မြန်မာ

² အ​နာ​ရော​ဂါ​စွဲ​သော​သူ​တို့၌ ပြ​တော်​မူ​သော နိ​မိတ်​လ​က္ခ​ဏာ​တို့​ကို လူ​အ​စု​အ​ဝေး​အ​ပေါင်း​တို့​သည် မြင်​ကြ​သ​ဖြင့် နောက်​တော်​သို့ လိုက်​ကြ၏။-

ရှင်ယောဟန် 6:2 Referencias Cruzadas

မဿဲ 12:15

ယေရှု​သည် ဖာရိရှဲတို့​၏ အကြံအစည်​ကို သိတော်မူ​သဖြင့် ထို​အရပ်​မှ ထွက်ခွာတော်မူ၏။ လူများစွာတို့​သည် နောက်တော်​သို့ လိုက်ကြ၏။ ယေရှု​သည် ထို​သူတို့​အထဲမှ ဖျားနာသူ​ရှိသမျှ​ကို ကျန်းမာစေတော်မူ၏။

မဿဲ 13:2

လူအုပ်ကြီး​သည် အနားတော်​တွင် စုဝေးလာကြ​သဖြင့် ယေရှု​သည် လှေ​ပေါ်သို့​တက်​၍ ထိုင်တော်မူ၏။ လူအုပ်ကြီး​သည်လည်း ကမ်းခြေ​တွင် ရပ်နေကြ၏။

မဿဲ 14:14

ယေရှု​သည် လှေ​ပေါ်မှ​ဆင်း​သောအခါ လူအုပ်ကြီး​ကို တွေ့မြင်တော်မူ​လျှင် သနားစိတ်​ရှိတော်မူ​သဖြင့် ဖျားနာသူများ​ကို ကျန်းမာစေတော်မူ၏။

မဿဲ 8:1

ယေရှု​သည် တောင်ပေါ်​မှ ဆင်းကြွတော်မူ​သောအခါ လူအုပ်ကြီး​သည် နောက်တော်​သို့ လိုက်ကြ၏။

ရှင်မာကု 1:45

သို့သော်လည်း ထို​သူ​သည် သွား​၍ ထို​သတင်း​ကို နေရာအနှံ့​ပြော​လျက် ပျံ့နှံ့စေ၏။ ထို့ကြောင့် ယေရှု​သည် မြို့​ထဲသို့ ထင်ရှား​စွာ မဝင်နိုင်တော့ဘဲ မြို့ပြင် လူသူကင်းဝေးသော​အရပ်တို့​တွင်သာ နေတော်မူ၏။ ထိုအခါ နေရာ​အသီးသီး​မှ လူတို့​သည် ကိုယ်တော်​ထံသို့ ရောက်လာကြ၏။

ရှင်မာကု 6:33

သို့သော် လူများစွာတို့​သည် သူတို့​သွားကြသည်​ကို မြင်​၍ ယေရှု​နှင့်​တပည့်တော်တို့​ဖြစ်ကြောင်း​ကို သိကြ၏။ ထို့ကြောင့် မြို့ရွာများ​မှ ထွက်​၍ ကုန်းကြောင်း​ဖြင့် လိုက်ကြ​ရာ ယေရှု​နှင့် တပည့်တော်တို့​ထက်ပင် စော​၍ ရောက်နှင့်ကြ၏။

ရှင်ယောဟန် 11:47

ထို့ကြောင့် ယဇ်ပုရောဟိတ်​ခေါင်းဆောင်များ​နှင့် ဖာရိရှဲများ​သည် တရားလွှတ်တော်​အစည်းအဝေး​ခေါ်​၍ “ငါတို့​မည်သို့​ပြုကြမည်နည်း။ ဤ​သူ​သည် နိမိတ်​လက္ခဏာ​များစွာ​ကို ပြ​လျက်​နေ၏။

ရှင်ယောဟန် 12:18

ထို​နိမိတ်​လက္ခဏာ​အကြောင်း​ကို ကြား​သောကြောင့် လူများစွာတို့​သည် ကိုယ်တော်​ကို ကြိုဆို​ရန် ထွက်သွားကြ၏။

ရှင်ယောဟန် 12:37

ယေရှု​သည် လူတို့​ရှေ့​၌ နိမိတ်​လက္ခဏာ​များစွာ​ကို ပြုတော်မူ​သော်လည်း လူတို့​သည် ယေရှု​ကို မယုံကြည်ကြ။

ရှင်ယောဟန် 2:11

ဤသို့ဖြင့် ယေရှု​သည် ပထမဦးဆုံးသော​နိမိတ်​လက္ခဏာ​ကို ဂါလိလဲပြည်၊ ကာနမြို့​၌ ပြုတော်မူ​လျက် မိမိ​ဘုန်းတော်​ကို ဖော်ပြတော်မူ၏။ တပည့်တော်တို့​သည်လည်း ကိုယ်တော်​ကို ယုံကြည်ကြ၏။

ရှင်ယောဟန် 2:23

ဂျေရုဆလင်မြို့ ပသခါပွဲတော်​အတွင်း ကိုယ်တော်​ပြုတော်မူသော နိမိတ်​လက္ခဏာများ​ကို မြင်တွေ့​သောကြောင့် လူများစွာတို့​သည် ကိုယ်တော်​ကို ယုံကြည်လာကြ၏။

ရှင်ယောဟန် 20:30

ဤ​ကျမ်းစာ​တွင် မရေးထားသော​အခြား​နိမိတ်​လက္ခဏာ​များစွာ​ကိုလည်း ယေရှု​သည် တပည့်တော်တို့​ရှေ့​တွင် ပြုတော်မူ၏။

ရှင်ယောဟန် 3:2

သူ​သည် ညအခါ ယေရှု​ထံသို့ လာပြီး​လျှင် “ဆရာတော်… ဘုရားသခင်​အတူ​ရှိတော်မမူ​လျှင် ဆရာတော်​ပြုသော​နိမိတ်​လက္ခဏာများ​ကို မည်သူ​မျှ ပြုနိုင်မည်​မဟုတ်သည်​ကို ထောက်​၍ ဆရာတော်​သည် ဘုရားသခင်​ထံတော်​မှ ကြွလာသော​ဆရာ​ဖြစ်ကြောင်း​ကို အကျွန်ုပ်တို့​သိကြပါ၏။ ဆရာတော်​ပြုတော်မူသော နိမိတ်​လက္ခဏာများ​ကို​ထောက်ရှု​၍ ဘုရားသခင်​သည် ဆရာတော်​နှင့်အတူ​ရှိတော်မူသည့် သက်သေ​ထင်ရှားပါ၏” ဟု လျှောက်လေ၏။

ရှင်ယောဟန် 6:14

ဤသို့ ယေရှု​ပြတော်မူသော နိမိတ်​လက္ခဏာ​ကို မြင်သော​လူတို့​က “ဤ​သူ​သည် အမှန်​ပင် ကျွန်ုပ်တို့​စောင့်မျှော်နေသော ပရောဖက် ဖြစ်သည်” ဟု ဆိုကြ၏။

ရှင်ယောဟန် 6:22

နောက်တစ်နေ့​ရောက်သော် အိုင်​တစ်ဖက်ကမ်း​၌ နေရစ်ခဲ့သော လူထုတို့​သည် ယမန်နေ့​က ထို​အရပ်​၌ လှေတစ်စီး​တည်းသာ ရှိခဲ့ကြောင်း​ကို သတိပြုမိကြ၏။ ထို​လှေ​ပေါ်တွင် ယေရှု​သည် တပည့်တော်တို့​နှင့်အတူ လိုက်ပါသွားတော်​မမူဘဲ တပည့်တော်တို့​ချည်းသာ ထွက်ခွာသွားကြသည်​ကိုလည်း သတိပြုမိခဲ့ကြ၏။

ရှင်ယောဟန် 6:26

ယေရှု​က “ငါ​အမှန်​ဆိုရ​လျှင် သင်တို့​သည် ငါ​ပြုသော နိမိတ်​လက္ခဏာများ​ကို နားလည်​သောကြောင့် ငါ့​ကို ရှာကြသည်​မဟုတ်။ မုန့်​ကို ဝလင်​စွာ စားရ​သောကြောင့်​သာ ရှာကြ၏။

ရှင်ယောဟန် 6:30

ထိုအခါ သူတို့​က “ဆရာတော်​ကို ယုံကြည်​စေလို​ပါက အကျွန်ုပ်တို့​အား နိမိတ်​လက္ခဏာ​ကို ပြတော်မူပါ။ မည်သည့် အမှု​ကို ပြုတော်မူမည်နည်း။