ရှင်ယောဟန် 11:52 - ခေတ်သစ်​မြန်မာ သမ္မာကျမ်း

⁵² ထို​ဂျူး​တစ်မျိုးသားလုံး​အတွက်​သာမက ကမ္ဘာ​အရပ်ရပ်​တွင် ပျံ့နှံ့​နေထိုင်ကြသော ဘုရားသခင်​၏​သားသမီးများ အားလုံး​ကိုလည်း ပေါင်းစည်း​စေရန်​အတွက်​ပါ အသေခံတော်မူမည့်​အကြောင်း​ကို ပရောဖက်ပြု​ဟောပြောခြင်း​ဖြစ်၏။

Garrad Bible

⁵² ထိုလူမျိုးအတွက်သာမဟုတ်၊ အရပ်ရပ်ကွဲလွင့်လျက်နေသော ဘုရားသခင့်သားသမီးတို့ကိုတစ်စုတစ်ရုံးတည်းဖြစ်စေရန် အသေခံတော်မူရမည့်အကြောင်းကိုလည်းကောင်း၊ ပရောဖက်ဉာဏ်ဖြင့် ဟောပြောသတည်း။

Judson Bible

⁵² ထို​အ​မျိုး​အ​တွက်​သာ​မ​က အ​ရပ်​ရပ်​တို့၌ ကွဲ​ပြား​လျက်​ရှိ​သော ဘု​ရား​သ​ခင်၏​သား​များ​ကို အ​တူ​စု​ဝေး​စေ​ခြင်း​ငှာ သေ​ရ​မည်​ဟူ၍​လည်း​ကောင်း၊ ပ​ရော​ဖက်​ဉာဏ်​နှင့် ဟော​ပြော၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁵² ထို​လူမျိုး​အတွက်​သာမက ကွဲလွင့်​နေ​သော ဘုရားသခင်​၏​သားသမီး​များ​ကို တစ်စုတစ်ဝေးတည်း​ဖြစ်​စေရန်​အတွက်​ပါ အသေခံ​တော်မူ​မည်​ဖြစ်​ကြောင်း ပရောဖက်ပြု​ဟောပြော​ခြင်း​ဖြစ်​၏။

မြန်မာ

⁵² ထို​အ​မျိုး​အ​တွက်​သာ​မ​က အ​ရပ်​ရပ်​တို့၌ ကွဲ​ပြား​လျက်​ရှိ​သော ဘု​ရား​သ​ခင်၏​သား​များ​ကို အ​တူ​စု​ဝေး​စေ​ခြင်း​ငှာ သေ​ရ​မည်​ဟူ၍​လည်း​ကောင်း၊ ပ​ရော​ဖက်​ဉာဏ်​နှင့် ဟော​ပြော၏။-

ရှင်ယောဟန် 11:52 Referencias Cruzadas

လုကာ 15:8

တစ်နည်းဆိုသော် အမျိုးသမီး​တစ်ဦး​၌ ငွေ​ဒင်္ဂါး​ဆယ်ပြား​ရှိ​၍ ထို​အထဲ​မှ တစ်ပြား​ပျောက်သွား​ပါက သူ​သည် ဆီမီးခွက်​ကို​ထွန်း​၍ အိမ်​အခန်းထောင့်​ရှိသမျှတို့​ကို လှည်းကျင်းပြီး ပြန်တွေ့သည်​အထိ ဂရုတစိုက်​ရှာဖွေမည် မဟုတ်လော။

လုကာ 2:32

ထို​ကယ်တင်ရှင်​သည် လူမျိုးခြားတို့​အား ကိုယ်တော့်​အကြောင်း​ကို ဖော်ပြပေးမည့်​အလင်း​နှင့် ကိုယ်တော်​၏​လူမျိုးတော်​ဖြစ်သော အစ္စရေးလူမျိုးတို့​၏ ဘုန်းအသရေ​အတွက် အလင်း​ဖြစ်တော်မူ၏” ဟု ဆိုလေ၏။

ရှင်ယောဟန် 1:12

သို့ရာတွင် ထို​အရှင်​သည် မိမိ​ကို​ယုံကြည်​၍ လက်ခံ​သမျှသော​သူတို့​ကို ဘုရားသခင်​၏ သားသမီးများ​ဖြစ်ခွင့် ပေးတော်မူ၏။

ရှင်ယောဟန် 1:29

နောက်​တစ်နေ့​တွင် မိမိ​ထံသို့ ယေရှု​ကြွလာသည်​ကို မြင်​သောအခါ ယောဟန်​က “ဤ​ကမ္ဘာလောက​၏ အပြစ်​ကို ချေဖျက်သော ဘုရားသခင်​၏ သိုးသငယ်တော်​ကို ကြည့်လော့။

ရှင်ယောဟန် 10:16

ဤ​သိုးခြံ​မှ မဟုတ်သော အခြား​သိုးတို့​ကိုလည်း ငါ​ပိုင်သေး၏။ ထို​သိုးတို့​ကိုလည်း ငါ​ခေါ်ဆောင်လာ​ရမည်။ ထို​သိုးတို့​သည် ငါ့​စကားသံ​ကို နားထောင်ကြ​လိမ့်မည်။ သို့ဖြစ်၍ သိုး​တစ်အုပ်တည်း​နှင့် သိုးထိန်း​တစ်ပါးတည်း ဖြစ်လာ​လိမ့်မည်။

ရှင်ယောဟန် 12:32

ငါ​သည်လည်း မြေ​မှ မြှောက်ထားခြင်း​ခံရ​သောအခါ လူအပေါင်းတို့​ကို ငါ့​ထံသို့ ဆွဲခေါ်မည်” ဟု မိန့်တော်မူ၏။

တမန်တော်ဝတ္ထု 18:10

ငါ​သည် သင်​နှင့်အတူ ရှိ၏။ မည်သူ​မျှ သင့်​ကို ထိခိုက်နာကျင်အောင် မတိုက်ခိုက်နိုင်ပါ။ ဤ​မြို့​တွင် ငါ​၏​လူ​များစွာ​ရှိသည်” ဟု မိန့်တော်မူ၏။

ရော​မ 3:29

ဤသို့​ဆိုသော် ဘုရားသခင်​သည် ဂျူးလူမျိုးတို့​၏​ဘုရား​သာ ဖြစ်သလော။ လူမျိုးခြားတို့​၏​ဘုရား​လည်း မဟုတ်သလော။ ဟုတ်ပါ၏။ လူမျိုးခြားတို့​၏​ဘုရား​လည်း ဖြစ်တော်မူ၏။

ရော​မ 4:17

ဖခင်ကြီး​ဖြစ်သည့်​အရာ​မှာ ကျမ်းစာ​၌ ဘုရားသခင်​သည် အာဗြဟံ​အား “ငါ​သည် သင့်​ကို လူမျိုး​များစွာတို့​၏ ဖခင်ကြီး​ဖြစ်စေပြီ” ဟု မိန့်တော်မူသည့်​အတိုင်း​ဖြစ်၏။ ထိုသို့ ဖခင်ကြီး​ဖြစ်ရခြင်း​မှာ အာဗြဟံ​သည် သေလွန်သော​သူတို့​ကို ပြန်ရှင်စေတော်မူသော​အရှင်၊ မဖြစ်ဖူးသေးသည့်​အရာများ​ကို ဖြစ်ပေါ်စေတော်မူသော​အရှင် ဘုရားသခင်​ကို ယုံကြည်​သောကြောင့်​ဖြစ်၏။

ဧ​ဖက် 1:5

ယေရှု​ခရစ်တော်​အားဖြင့် မိမိ​၏​သားသမီး​အဖြစ် ကြိုတင်​သတ်မှတ်တော်မူ၏။ ဤ​အရာ​သည် ဘုရားသခင် နှစ်သက်တော်မူသော​အရာ​နှင့် အလိုရှိတော်မူသော​အရာ​ပင် ဖြစ်၏။

ဧ​ဖက် 3:11

ဘုရားသခင်​သည် မိမိ​၏ ထာဝရ​အကြံအစည်တော်​အတိုင်း ကျွန်ုပ်တို့​၏​သခင် ယေရှု​ခရစ်တော်​ပြုသော​အမှု​ကြောင့် ဤသို့ ပြီးမြောက်​စေတော်မူ၏။

ယာ​ကုပ် 1:1

ဘုရားသခင်​နှင့် သခင်​ယေရှု​ခရစ်တော်​တို့​၏​ကျွန် ကျွန်ုပ်​ယာကုပ် စာရေးလိုက်၏။ ဤ​စာ​သည် အနယ်နယ်​အရပ်ရပ်တို့​တွင် ကွဲလွင့်​ပျံ့နှံ့​နေသည့်​ဂျူးလူမျိုး​ဆယ့်နှစ်မျိုး​ထံသို့ ပို့လိုက်သော​စာ​ဖြစ်၏။

၁ ပေ 1:1

ကျွန်ုပ်​သည် ယေရှု​ခရစ်တော်​၏ တမန်တော်​ပေတရု​ဖြစ်၏။ ပုန္တုပြည်၊ ဂလာတိပြည်၊ ကပ္ပဒေါကိပြည်၊ အာရှပြည်၊ ဗိသုနိပြည်​တို့​တွင် ကွဲလွင့်​ပျံ့နှံ့​လျက် ဧည့်သည်များ​အဖြစ် နေထိုင်ကြသည့် ဘုရားသခင်​ရွေးချယ်တော်မူသော လူများ​ထံသို့ ကျွန်ုပ်​စာရေးလိုက်၏။

၁ ယော 2:2

ကိုယ်တော်​သည် ကျွန်ုပ်တို့​၏​အပြစ်များ​အတွက်​သာမက လောကီသား​အပေါင်းတို့​၏​အပြစ်များ​အတွက်​လည်း အပြစ်ဖြေရာ​ယဇ်​ဖြစ်တော်မူ၏။

၁ ယော 3:1

ခမည်းတော်​သည် ကျွန်ုပ်တို့​ကို မည်မျှ​ချစ်တော်မူကြောင်း ကြည့်လော့။ ကျွန်ုပ်တို့​သည် “ဘုရားသခင်​၏​သားသမီးများ” ဟု ခေါ်ခံရ၏။ ကျွန်ုပ်တို့​သည် အမှန်ပင် ဘုရားသခင်​၏ သားသမီးများ​ဖြစ်ကြ၏။ လောကီသားတို့​သည် ဘုရားသခင်​ကို မသိ​သောကြောင့် ကျွန်ုပ်တို့​ကိုလည်း မသိကြ။

၁ ယော 3:10

ဤသို့ဖြင့် ဘုရားသခင်​၏ သားသမီးများ​နှင့် မာရ်နတ်​၏​သားသမီးများ​ကို ခွဲခြား​၍ သိနိုင်ကြ၏။ ဖြောင့်မတ်​စွာ မပြုမူသောသူ၊ မိမိ​ညီအစ်ကို​မောင်နှမ​ကို မချစ်သောသူ​သည် ဘုရားသခင်​၏ သားသမီး​မဟုတ်။

၁ ယော 3:2

ချစ်ရသော​သူတို့… ယခု ကျွန်ုပ်တို့​သည် ဘုရားသခင်​၏​သားသမီးများ​ဖြစ်ကြပြီး အနာဂတ်​တွင် မည်သို့​ဖြစ်မည်​ကို သေချာ​စွာ မသိရသေးပေ။ သို့သော် ခရစ်တော်​ကြွလာ​သောအခါ ကိုယ်တော်​ဖြစ်တော်မူသည်​အတိုင်း ဖူးမြင်ကြရမည်​ဖြစ်​၍ ကျွန်ုပ်တို့​သည် ကိုယ်တော်​နှင့်​တူကြ​လိမ့်မည်​ကို သိကြ၏။

ဗျာ​ဒိတ် 5:9

သူတို့​သည် သီချင်းသစ်​တစ်ပုဒ်​ကို သီဆိုကြ၏။ ထို​သီချင်း​မှာ “ကိုယ်တော်​သည် စာလိပ်​ကို​ယူ​၍ တံဆိပ်​ကို​ခွာ​၍ ဖွင့်​ရန် ထိုက်တန်သော​အရှင်​ဖြစ်၏။ အဘယ်ကြောင့်ဆိုသော် ကိုယ်တော်​သည် အသေ​သတ်ခံရ​၍ မျိုးနွယ်စု​အသီးသီး၊ ဘာသာစကား​အသီးသီး​ပြောသည့်​သူများ၊ လူမျိုး​အသီးသီး​နှင့် တိုင်းနိုင်ငံ​အသီးသီးတို့​ကို ကိုယ်တော်​၏​အသွေးတော်​ဖြင့် ဘုရားသခင်​အတွက် ရွေးနုတ်​ကယ်တင်​သောကြောင့်​ဖြစ်၏။