ဗျာ​ဒိတ် 1:3 - ခေတ်သစ်​မြန်မာ သမ္မာကျမ်း

³ ဤ​ပရောဖက်ပြု​ဟောပြောချက်​သည် ဖြစ်ပျက်​ရန် အချိန်​နီးလာ​သောကြောင့် ၎င်း​ကို ဖတ်သောသူ​နှင့် ကြားနာ​၍ လိုက်နာသော​သူတို့​သည် မင်္ဂလာရှိကြ၏။

Common Language Bible

³ ဖော်​ပြ​ပါ​အ​မှု​အ​ရာ​များ​ဖြစ်​ပျက်​မည့် အ​ချိန်​နီး​ကပ်​လျက်​ရှိ​ပြီ​ဖြစ်​ရာ ဤ​ဗျာ​ဒိတ် ကျမ်း​ကို​ဖတ်​ရှု​သူ​များ​နှင့်​အ​ဆို​ပါ​အ​နာ ဂတ်​ကျမ်း​တွင် ရေး​သား​ပါ​ရှိ​သည့်​တ​ရား စ​ကား​များ​ကို​နာ​ယူ​ကျင့်​သုံး​သူ​တို့​သည် မင်္ဂလာ​ရှိ​ကြ​၏။

Garrad Bible

³ အ ချိန် တိုင် လု ပြီ ဖြစ် သည့် အ လျောက် ဤ ပ ရော ဖက် ကျမ်း ချက် များ ကို ဖတ် ရွတ် သူ၌ လည်း ကောင်း၊ ကြား နာ၍ ပါ ရှိ သည့် အ တိုင်း စောင့် ရှောက် သူ တို့၌ လည်း ကောင်း မင်္ဂ လာ ရှိ၏။

Judson Bible

³ ကာ​လ​အ​ချိန် ရောက်​လု​နီး​ပြီ​ဖြစ်၍၊ ဤ​အ​နာ​ဂ​တ္တိ​ကျမ်း​စ​ကား​ကို ကြည့်​ရှု​ဖတ်​ရွတ် နား​ထောင်၍၊ ရေး​ထား​သ​မျှ​တို့​ကို စောင့်​ရှောက်​သော​သူ​တို့​သည် မင်္ဂ​လာ​ရှိ​ကြ၏။

မြန်​​​မာ့​​​စံ​​​မီ​​​သမ္မာ​​​ကျမ်း​​

³ အချိန်​နီးကပ်​ပြီ​ဖြစ်၍ ဤ​ပရောဖက်ပြု​ဟောပြော​သော​စကား​ကို ဖတ်ကြား​သော​သူ​နှင့် ဤ​စကား​ကို​ကြားနာ​၍ ၎င်း​တွင်​ရေး​ထား​သော​အရာ​များ​ကို လိုက်နာ​စောင့်ထိန်း​သော​သူ​တို့​သည် မင်္ဂလာရှိ​ကြ​၏။

ဗျာ​ဒိတ် 1:3 Referencias Cruzadas

မဿဲ 24:15

ထို့ကြောင့် ပရောဖက်​ဒံယေလ ဟောပြောခဲ့​သည့် ဖျက်ဆီးတတ်သည့် စက်ဆုပ်ရွံ့ရှာဖွယ်သော​အရာ​သည် သန့်ရှင်းသော​နေရာ​၌ ရှိနေသည်​ကို သင်တို့​တွေ့မြင်ရမည့်​နေ့ရက် ရောက်လာ​လိမ့်မည်။ (ဤ​အချက်​ကို စာဖတ်သူ သတိပြုမိပါစေ။)

လုကာ 11:28

ယေရှု​ကလည်း “ဘုရားသခင်​၏​နှုတ်ကပတ်​တရားတော်​ကို ကြား​၍ လိုက်နာသောသူ​သည် ပို၍ မင်္ဂလာ​ရှိ၏” ဟု မိန့်တော်မူ၏။

ရော​မ 13:11

သင်တို့​သည် ယခု​လက်ရှိ အချိန်အခါ​ကို နားလည်ကြ၏။ သင်တို့ အိပ်ပျော်ရာ​မှ နိုးထ​ရမည့်​အချိန် ရောက်ပြီ။ အဘယ်ကြောင့်ဆိုသော် ကျွန်ုပ်တို့ ကယ်တင်ခံရမည့် အချိန်​သည် ကျွန်ုပ်တို့ စတင်​ယုံကြည်ခဲ့သည့် အချိန်​က​ထက် ပို၍ နီးကပ်လာ​သောကြောင့် ဖြစ်၏။

ရော​မ 13:12

ညအချိန် ကုန်ဆုံးတော့မည်​ဖြစ်ပြီး နေ့အချိန်​သည် နီးကပ်လာပြီ။ ထို့ကြောင့် ကျွန်ုပ်တို့​သည် အမှောင်​၌ ပြုသော​အကျင့်များ​ကို ဖယ်ရှား​၍ အလင်း​၏ လက်နက်များ​ကို ကိုင်ဆောင်​ကြရမည်။

၁ ပေ 4:7

အရာ​အားလုံး​၏ နောက်ဆုံးချိန်​သည် နီးကပ်လာ​သောကြောင့် ဆုတောင်း​နိုင်ရန်​အတွက် မိမိတို့​စိတ်​ကို ချုပ်တည်း​လျက် သတိ​ရှိကြလော့။

၂ ပေ 3:8

ချစ်ရသော​သူတို့… ဤ​အချက်​ကို မမေ့နှင့်။ ထာဝရဘုရား​အတွက် တစ်ရက်​သည် အနှစ်​တစ်ထောင်​ကဲ့သို့​ဖြစ်၏။ အနှစ်​တစ်ထောင်​သည် တစ်ရက်​ကဲ့သို့​ဖြစ်၏။

ဗျာ​ဒိတ် 22:10

တစ်ဖန် ထို​ကောင်းကင်တမန်​က “အချိန်​နီးကပ်လာ​သောကြောင့် ဤ​စာစောင်​ထဲမှ ပရောဖက်ပြု​ဟောပြောချက်များ​ကို မျှဝေလော့။ လျှို့ဝှက်မထားနှင့်။

ဗျာ​ဒိတ် 22:12

ယေရှု​က “ကြည့်လော့။ ငါ​သည် မကြာမီ​လာမည်။ ငါ​သည် ဆုလာဘ်​နှင့် ပြစ်ဒဏ်​ကို ယူဆောင်လာ​ပြီး လူ​အသီးသီးတို့​အား မိမိတို့​အကျင့်​အတိုင်း ငါ​ပေးဆပ်မည်။

ဗျာ​ဒိတ် 22:20

ဤ​အကြောင်းအရာများ​ကို သက်သေခံတော်မူသော​အရှင်​က “ဧကန်​အမှန်​ပင် ငါ​သည် မကြာမီ​လာမည်” ဟု မိန့်တော်မူ၏။ အာမင်။ သခင်​ယေရှု… ကြွလာတော်မူပါ။

ဗျာ​ဒိတ် 3:11

ငါ​သည် မကြာမီ​လာမည်။ သင်​၏​သရဖူကို မည်သူမျှ မလုယူ​စေရန် သင်​၌​ရှိသော​ယုံကြည်ခြင်း​ကို စွဲကိုင်ထားလော့။