ဖိ​လေ​မုန် 1:16 - ခေတ်သစ်​မြန်မာ သမ္မာကျမ်း

¹⁶ သို့သော် ကျွန်​ကဲ့သို့ မဟုတ်တော့ဘဲ ကျွန်​ထက် ပို​မြတ်သည့် ချစ်ရသော​ညီအစ်ကို​ကဲ့သို့​ရှိနေ​ရန် ဆိုလို၏။ သူ​သည် အထူး​သဖြင့် ကျွန်ုပ်​အတွက်​လည်း ချစ်ခင်ရသော​ညီအစ်ကို​ကဲ့သို့ ဖြစ်၏။ သင့်​အတွက်​မှာမူ ကျွန်​ကဲ့သို့​လည်းကောင်း၊ သခင်ဘုရား​ကို ယုံကြည်ကြသော​ညီအစ်ကို​ကဲ့သို့​လည်းကောင်း ပို​၍ ချစ်ခင်ရသော​သူ​ဖြစ်၏။

Common Language Bible

¹⁶ ယ​ခု​အ​ခါ​သူ​သည်​ကျွန်​မျှ​သာ​မ​ဟုတ်​တော့​ဘဲ ခ​ရစ်​တော်​၌​ချစ်​သော​ညီ​အစ်​ကို​ဖြစ်​လာ​ပေ​ပြီ။ သူ​သည်​ငါ​၏​အ​တွက်​အ​လွန်​တန်​ဖိုး​ရှိ​ပေ​သည်။ သို့​ရာ​တွင်​သင်​၏​အ​တွက်​ကျွန်​အ​နေ​နှင့်​လည်း ကောင်း၊ သ​ခင်​ဘု​ရား​၌​ညီ​အစ်​ကို​အ​နေ​နှင့် လည်း​ကောင်း​များ​စွာ​ပို​၍​ပင်​တန်​ဖိုး​ရှိ​မည်။

Judson Bible

¹⁶ ထို​သို့​ဆို​သော်၊ အ​စေ​ခံ​ကျွန်​ကဲ့​သို့​ရ​မည်​ဟု မ​ဆို​လို၊ ငါ၌ အ​ထူး​သ​ဖြင့် ချစ်​သော​ညီ၊ သင်၌​ကား၊ ဇာ​တိ​အား​ဖြင့်​လည်း​ကောင်း၊ သ​ခင်​ဘု​ရား​အား​ဖြင့်​လည်း​ကောင်း၊ သာ၍​ချစ်​သော ညီ​ကဲ့​သို့​ရ​မည်​ဟု ဆို​လို​သ​တည်း။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ထိုသို့ဆိုရာ၌ ကျွန်​တစ်​ဦး​ကဲ့သို့​မ​ဟုတ်​တော့​ဘဲ ကျွန်​ထက် ပို၍​မြတ်​သည့် ချစ်​သော​ညီအစ်ကို​အဖြစ် ရရှိ​ခြင်း​ကို​ဆိုလို​၏။ အထူးသဖြင့် ငါ့​အတွက် ထိုသို့​ဖြစ်​လေ​ပြီ။ သင့်​အတွက်​မူကား သွေးသား​၌​လည်းကောင်း၊ သခင်​ဘုရား​၌​လည်းကောင်း မည်မျှ​ပို၍ ထိုကဲ့သို့​ဖြစ်​လိမ့်မည်​နည်း။

ဖိ​လေ​မုန် 1:16 Referencias Cruzadas

မဿဲ 23:8

သို့သော်လည်း သင်တို့​သည် ဆရာတော်​ဟု ခေါ်ဝေါ်ခြင်း​ကို မခံကြနှင့်။ အဘယ်ကြောင့်ဆိုသော် သင်တို့​တွင် ဆရာ​တစ်ပါးတည်း​သာ​ရှိ​သောကြောင့်​ဖြစ်၏။ သင်တို့​အားလုံး​သည်လည်း ညီအစ်ကို​မောင်နှမများ​ဖြစ်ကြ၏။

တမန်တော်ဝတ္ထု 9:17

ထို့ကြောင့် အာနနိ​သည် သွား​၍ အိမ်​ထဲသို့ ဝင်လေ၏။ သူ​၏​လက်​ကို ရှောလု​ပေါ်သို့ တင်​လျက် “ငါ့​ညီ​ရှောလု… သင်​လာသော​လမ်း​တွင် သင့်​အား​ကိုယ်ထင်ပြသော သခင်​ယေရှု​က သင့်​မျက်စိ​ပြန်မြင်​စေရန်​နှင့် သင့်​ကို သန့်ရှင်းသော​ဝိညာဉ်တော်​နှင့်​ပြည့်ဝ​စေရန် ငါ့​ကို​စေလွှတ်လိုက်ပါ၏” ဟု ပြော၏။

၁ ကော 7:22

ကျွန်​ဖြစ်​စဉ်က ဘုရားသခင် ရွေးကောက်တော်မူ​လျှင် ယခု​သင်​သည် သခင်ဘုရား​၏ လွတ်လပ်သူ​ဖြစ်၏။ လွတ်လပ်​စဉ်က ဘုရားသခင် ရွေးကောက်တော်မူ​လျှင် ယခု သင်​သည် ခရစ်တော်​၏ ကျွန်​ဖြစ်၏။

ကော​လော​သဲ 3:22

ကျွန်​ဖြစ်သူတို့… အရာရာ​၌ သင်တို့​၏ လောကီ​သခင်​ကို နာခံကြလော့။ မျက်နှာသာ​ရ​ရန်​အတွက် သူ့​ရှေ့​၌သာ နာခံသည်​မဟုတ်ဘဲ သခင်ဘုရား​ကို ကြောက်ရွံ့​ရိုသေ​လျက် ရိုးသားသော​စိတ်​ဖြင့် နာခံကြလော့။

၁ တိ 6:2

မိမိ​သခင်​သည် ယုံကြည်သောသူ​ဖြစ်လျှင် ယုံကြည်သူ​ချင်း​ပင် ဖြစ်သည်​ဟု မှတ်ယူ​လျက် မထီလေးစား မပြုစေနှင့်။ ထိုအစား ကျွန်​က မိမိ​အစေခံသော​သူ​မှာ ချစ်ခင်ရသည့် ယုံကြည်သူ​ပင် ဖြစ်​သောကြောင့် ပို၍ ကောင်းစွာ အစေခံရမည်။ သင်​သည် ဤ​အရာများ​ကို အလေးထား​သွန်သင်​၍ တိုက်တွန်းလော့။

ဟေ​ဗြဲ 3:1

ထို့ကြောင့် ဘုရားသခင်​၏ ရွေးချယ်တော်မူခြင်း​ခံရ​သူတို့​ထဲတွင် ပါဝင်သည့် သန့်ရှင်းသော​ညီအစ်ကို​မောင်နှမတို့… ကျွန်ုပ်တို့​၏ ယဇ်ပုရောဟိတ်မင်း​နှင့် အထူး​တမန်တော်​အဖြစ် ကျွန်ုပ်တို့​ဝန်ခံသော ယေရှု​ခရစ်တော်​ကို ဆင်ခြင်​အောက်မေ့ကြလော့။

၁ ယော 5:1

ယေရှု​သည် ခရစ်တော်​ဖြစ်တော်မူကြောင်း​ကို ယုံကြည်သောသူ​တိုင်း​သည် ဘုရားသခင်​ထံမှ ဖြစ်ပွားလာသော​သူ​ဖြစ်ပြီး အဖ​ဘုရားသခင်​ကို​ချစ်သောသူ​တိုင်း​သည် အဖ​ဘုရားသခင်​၏​သားသမီးများ​ကိုလည်း ချစ်တတ်၏။