တမန်တော်ဝတ္ထု 7:38 - ခေတ်သစ်​မြန်မာ သမ္မာကျမ်း

³⁸ သူ​သည် သိနာတောင်​တွင် သူ့​အား စကားပြောသော ကောင်းကင်တမန်​နှင့်​လည်းကောင်း၊ ကျွန်ုပ်တို့​၏​ဘိုးဘေးများ​နှင့်​လည်းကောင်း၊ တောကန္တာရ​တွင် စုဝေးသော​လူတို့​နှင့်​လည်းကောင်း ရှိခဲ့သောသူ​ဖြစ်၏။ သူ​သည် ကျွန်ုပ်တို့​အား ပေးအပ်​ရန် အသက်ရှင်စေသော ဗျာဒိတ်တော်​ကို လက်ခံရရှိလေ၏။

Common Language Bible

³⁸ သူ​သည်​တော​ကန္တာ​ရ​၌​စု​ဝေး​လျက်​ရှိ​သော ဣ​သ​ရေ​လ​အ​မျိုး​သား​တို့​နှင့်​လည်း​ကောင်း၊ ငါ​တို့​ဘိုး​ဘေး​များ​နှင့်​လည်း​ကောင်း၊ သိ​နာ တောင်​ပေါ်​တွင်​မိ​မိ​အား​ဗျာ​ဒိတ်​ပေး​သည့် ကောင်း​ကင်​တ​မန်​နှင့်​လည်း​ကောင်း​အ​တူ​ရှိ နေ​ခဲ့​သူ​ဖြစ်​၏။ ငါ​တို့​အား​ဆင့်​ဆို​ရန် ဘု​ရား​သ​ခင်​ထံ​တော်​မှ အ​သက်​ရှင်​စေ သော​ဗျာ​ဒိတ်​တော်​ကို​ခံ​ယူ​ရ​ရှိ​သူ​လည်း ဖြစ်​၏။

Garrad Bible

³⁸ သဲ က န္တာ ရ၌ အ စည်း အ ဝေး တော် ရှိ စဉ် သိ နာ တောင် ပေါ် တွင် ဗျာ ဒိတ် ပေး သော စေ တ မန် တော် နှင့် လည်း ကောင်း၊ ငါ တို့ ဘိုး ဘေး များ နှင့် လည်း ကောင်း သက် ဝင် လျက် အ ကျွန်ုပ် တို့ အား ဆင့် ဆို ရန် အ သက် တည် ရာ ဗျာ ဒိတ် တော် များ ကို ခံ ရ သူ ပင် တည်း။

Judson Bible

³⁸ ထို​သူ​သည် တော​တွင်​ရှိ​သော အ​စည်း​အ​ဝေး၌​လည်း​ကောင်း၊ သိ​နာ​တောင်​ပေါ်​မှာ သူ့​ကို​နှုတ်​ဆက်​သော ကောင်း​ကင်​တ​မန်​နှင့်​လည်း​ကောင်း၊ ငါ​တို့​အ​ဘ​များ​နှင့်​လည်း​ကောင်း ရှိ၏။ ထို​သူ​သည် ငါ​တို့​အား အပ်​ပေး​ခြင်း​ငှာ အ​သက်​ရှင်​စေ​သော ဗျာ​ဒိတ်​တော်​ကို ခံ​လေ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

³⁸ သူ​သည် သိနာ​တောင်​၌ သူ့​အား​စကား​ပြော​ခဲ့​သော​ကောင်းကင်တမန်​မှစ၍ ငါ​တို့​၏​ဘိုးဘေး​များ​နှင့်အတူ တော​ကန္တာရ​တွင်​ရှိ​သော​လူ​အစုအဝေး​ထဲ၌​ရှိ​လျက် ငါ​တို့​အား​ပေးအပ်​ရန် အသက်ရှင်​သော​နှုတ်ကပတ်​တရား​ကို လက်ခံ​ရရှိ​ခဲ့​၏။

တမန်တော်ဝတ္ထု 7:38 Referencias Cruzadas

ရှင်ယောဟန် 1:17

အဘယ်ကြောင့်ဆိုသော် ဘုရားသခင်​သည် ပညတ်တရား​ကို မောရှေ​အားဖြင့် ပေးတော်မူ​သောကြောင့်​ဖြစ်၏။ သို့သော် ကျေးဇူးတရား​နှင့် သစ္စာတရား​ကို ယေရှု​ခရစ်တော်​အားဖြင့် ပေးတော်မူ၏။

ရှင်ယောဟန် 6:63

ဝိညာဉ်တော်​ကသာ အသက်ရှင်စေ၏။ လူ့​အားထုတ်မှု​မှာမူ မည်သည့်အရာ​ကိုမျှ မဖြစ်မြောက်စေနိုင်ပါ။ သင်တို့​ကို ငါ​ပြောသော စကားတို့​သည် ဝိညာဉ်​နှင့် အသက်​ဖြစ်၏။

တမန်တော်ဝတ္ထု 7:30

နှစ်ပေါင်း​လေးဆယ်​ကြာသော် ကောင်းကင်တမန်​တစ်ပါး​သည် မောရှေ​အား သိနာတောင်​၏​တောထဲ၊ မီးလောင်နေသော​ချုံပုတ်​၌ ကိုယ်ထင်ပြလေ၏။

တမန်တော်ဝတ္ထု 7:35

‘မည်သူ​သည် သင့်​ကို အုပ်ချုပ်သူ​နှင့် တရားသူကြီး​အဖြစ် ခန့်ထားသနည်း’ ဟု ငြင်းပယ်ခံရသော​မောရှေ​ကို ဘုရားသခင်​သည် ချုံပုတ်​တွင် ကိုယ်ထင်ပြသော​ကောင်းကင်တမန်​အားဖြင့် အုပ်ချုပ်သူ​နှင့် ကယ်တင်သူ​အဖြစ် စေလွှတ်တော်မူ၏။

တမန်တော်ဝတ္ထု 7:53

သင်တို့​သည် ကောင်းကင်တမန်များ​အားဖြင့် ပေးအပ်သော ဘုရားသခင်​၏​ပညတ်ကျမ်း​ကို ရရှိ​သော်လည်း လိုက်နာစောင့်ထိန်းခြင်း​မရှိကြပေ” ဟု ဆိုလေ၏။

ရော​မ 3:2

စင်စစ် အဘက်ဘက်​၌ အကျိုး​များစွာ​ရှိ၏။ ဦးစွာ ဂျူးလူမျိုးတို့​သည် ဘုရားသခင်​၏​ဗျာဒိတ်တော်​ကို ခံယူ​ရရှိကြ၏။

ရော​မ 9:4

သူတို့​သည် ဘုရားသခင်​၏ သားသမီး​အဖြစ် ရွေးချယ်ခြင်း​ခံရသော အစ္စရေးလူမျိုးများ ဖြစ်ကြ၏။ ဘုရားသခင်​သည် မိမိ​၏​ဘုန်းအသရေတော်​ကို သူတို့​အား ဖော်ပြတော်မူ၏။ သူတို့​နှင့် ပဋိညာဉ်များ​ဖွဲ့​၍ ပညတ်တရား​ကိုလည်း ပေးတော်မူ၏။ ကိုးကွယ်​ရမည့်​နည်း​နှင့် မိမိ​၏​ကတိတော်များ​ကို သူတို့​အား ပေးတော်မူ၏။

ဂ​လာ​တိ 3:19

သို့ဖြစ်လျှင် ပညတ်တရား​ကို အဘယ်ကြောင့် ပေးထားသနည်း။ ပညတ်တရား​ကို ပေးထားရခြင်း​မှာ အပြစ်​၏ သဘောသဘာဝ​ကို ဖော်ပြ​ရန်​ဖြစ်ပြီး ကတိတော်​ကို ရရှိသော အမျိုးအနွယ် မပေါ်မီ​ကာလ​တိုင်အောင် ထားရှိမည်​ဖြစ်၏။ ဘုရားသခင်​သည် ထို​ပညတ်တရား​ကို ကောင်းကင်တမန်များ​ဖြင့် ကြားဝင်​စေ့စပ်သူ မောရှေ​ထံမှ​တစ်ဆင့် ပေးအပ်တော်မူ၏။

ဟေ​ဗြဲ 2:2

ကောင်းကင်တမန်များ​မှတစ်ဆင့် မိန့်တော်မူသော ဘုရားသခင်​၏ တရားတော်​သည် စစ်မှန်​သောကြောင့် ထို​တရားတော်​ကို ချိုးဖောက်​၍ မနာခံသူများ​သည် မိမိတို့​နှင့် ထိုက်သင့်သော အပြစ်ဒဏ်​ကို ခံကြရသည်​မှန်လျှင်

ဟေ​ဗြဲ 4:12

ဘုရားသခင်​၏ နှုတ်ကပတ်တော်​သည် အသက်ရှင်​၍ ထိရောက်​ကာ သန်လျက်​တကာတို့​ထက် ထက်၏။ ထို​နှုတ်ကပတ်တော်​သည် အသက်​နှင့် စိတ်ဝိညာဉ်​ကိုလည်းကောင်း၊ အရိုးအဆစ်​နှင့် ခြင်ဆီ​ကို​လည်းကောင်း ထိုးဖောက်​ကာ ပိုင်းခြား​နိုင်ပြီး လူတို့​၏ စိတ်​အတွင်းမှ တွေးတော​ကြံစည်မှုတို့​ကို သိမြင်​နိုင်၏။

ဟေ​ဗြဲ 5:12

သင်တို့​သည် လေ့လာ​ဆည်းပူးခဲ့သော​ကာလ​အရ ဆရာများ​ဖြစ်သင့်​သော်လည်း ဘုရားသခင်​၏​နှုတ်ကပတ်တော်​နှင့်​ဆိုင်သော​အခြေခံ​အကြောင်းအရာများ​ကို အခြားသူ​ထံမှ ထပ်မံ​သင်ယူ​ရန် လိုအပ်နေ​သေး၏။ သင်တို့​သည် မာသော​အစာ​ကို မစားနိုင်​ဘဲ နို့​ကို​သာ သောက်နိုင်ကြသေး၏။

၁ ပေ 4:11

ဟောပြောသောသူ​သည် ဘုရားသခင်​၏​နှုတ်ကပတ်တော်​အတိုင်း ဟောပြော​ရမည်။ အစေခံသောသူ​သည် ဘုရားသခင်​ပေးတော်မူသော ခွန်အား​ရှိသည့်​အတိုင်း အစေခံ​ရမည်။ ဤသည်​မှာ ပြုလေသမျှတို့​၌ ယေရှု​ခရစ်တော်​အားဖြင့် ဘုရားသခင်​ဘုန်းတော်​ထင်ရှား​ရန်​ဖြစ်၏။ ဘုရားသခင်​သည် အစဉ်​ထာဝရ ဘုန်းအသရေတော်၊ ဘုန်းတန်ခိုးတော်​တို့​နှင့် ပြည့်စုံတော်မူ၏။ အာမင်။