တမန်တော်ဝတ္ထု 3:6 - ခေတ်သစ်​မြန်မာ သမ္မာကျမ်း

⁶ သို့ရာတွင် ပေတရု​က “ငါ့​ထံ၌ ရွှေ၊ ငွေ​မရှိ။ သို့သော်လည်း ငါ့​ထံ၌​ရှိသော​အရာ​ကို သင့်​အား​ပေးမည်။ နာဇရက်မြို့သား ယေရှု​ခရစ်တော်​၏​အမည်​နာမ​၌ ထ​၍ လမ်းလျှောက်လော့” ဟု ပြောလေ၏။

Common Language Bible

⁶ သို့​ရာ​တွင်​ပေ​တ​ရု​က``ငါ့​မှာ​ရွှေ​ငွေ​မ​ရှိ။ သို့​သော်​ရှိ​သည့်​အ​ရာ​ကို​သင့်​အား​ငါ​ပေး မည်။ နာ​ဇ​ရက်​မြို့​သား​ယေ​ရှု​၏​နာ​မ​တော် အား​ဖြင့်​ထ​၍​လှမ်း​သွား​လော့'' ဟု​ဆို​၏။-

Garrad Bible

⁶ ပေ တ ရု က ငါ၌ ရွှေ ငွေ မ ရှိ၊ ရှိ ရာ ကို ငါ ပေး မည်။ နာ ဇ ရက် မြို့ သား ယေ ရှု ခ ရစ်၏ နာ မ တော် ကြောင့် လှမ်း သွား လော့ ဟု မြွက် ဆို ပြီး လျှင်၊

Judson Bible

⁶ ပေ​တ​ရု​က​လည်း၊ ငါ၌​ရွှေ​ငွေ​မ​ရှိ။ ရှိ​သည်​အ​ရာ​ကို သင့်​အား​ငါ​ပေး​မည်။ နာ​ဇ​ရက်​မြို့​သား ယေ​ရှု​ခ​ရစ်၏ နာ​မ​တော်​အား​ဖြင့် ထ​၍​လှမ်း​သွား​လော့​ဟု​ဆို​လျက်၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထိုအခါ ပေတရု​က “ငါ​၌ ရွှေ၊ ငွေ​မ​ရှိ။ သို့သော် ရှိ​သည့်​အရာ​ကို သင့်​အား ငါ​ပေး​မည်။ နာဇရက်​မြို့သား​ယေရှု​ခရစ်တော်​၏​နာမ​တော်​၌ ထ​၍ လမ်းလျှောက်​လော့”​ဟု ဆို​လျက်

တမန်တော်ဝတ္ထု 3:6 Referencias Cruzadas

မဿဲ 10:9

သင်တို့​၏ ခါးစည်း​ထဲတွင် ရွှေ၊ ငွေ၊ ကြေးဒင်္ဂါး​စသည်တို့​ကို မဆောင်ကြနှင့်။

မဿဲ 7:22

တရားစီရင်သော​နေ့​တွင် ‘သခင်… သခင်… အကျွန်ုပ်တို့​သည် သခင်​၏​အမည်​နာမတော်​အားဖြင့် ဟောပြော​သွန်သင်ခဲ့ကြသည်​မဟုတ်လော။ သခင်​၏​အမည်​နာမတော်​အားဖြင့် နတ်ဆိုးတို့​ကို နှင်ထုတ်ခဲ့ကြသည်​မဟုတ်လော။ သခင်​၏​အမည်​နာမတော်​အားဖြင့် အံ့ဖွယ်တန်ခိုး​များစွာ​ကို ပြခဲ့ကြသည်​မဟုတ်လော’ ဟူ၍ လူတို့​သည် ငါ့​အား လျှောက်ကြ​လိမ့်မည်။

ရှင်မာကု 14:8

ဤ​အမျိုးသမီး​သည် သူ​တတ်နိုင်သမျှ​ကို ပြုပြီ။ ငါ့​ကို သင်္ဂြိုဟ်​ရန်​အတွက် ငါ့​ကိုယ်ခန္ဓာ​ပေါ်၌ ကြိုတင်​၍ ဆီမွှေး​လိမ်းပြီ။

ရှင်မာကု 16:17

ယုံကြည်သော​သူတို့​သည် နိမိတ်​လက္ခဏာများ​ကို ပြသကြ​လိမ့်မည်။ သူတို့​သည် ငါ​၏​အမည်​နာမ​ကို အမှီပြု​၍ နတ်ဆိုးများ​ကို နှင်ထုတ်ကြ​လိမ့်မည်။ အသစ်သော​ဘာသာစကားများ​ကို ပြောကြ​လိမ့်မည်။

ရှင်ယောဟန် 19:19

ပိလတ်မင်း​သည် “ဂျူးတို့​၏ ရှင်ဘုရင်၊ နာဇရက်မြို့သား​ယေရှု” ဟု ရေးထိုးထားသော​ကမ္ပည်း​ကို လက်ဝါးကပ်တိုင်​တွင် တပ်ထားစေ၏။

တမန်တော်ဝတ္ထု 10:38

ဘုရားသခင်​သည် နာဇရက်မြို့သား​ယေရှု​အား သန့်ရှင်းသော​ဝိညာဉ်တော်​နှင့် တန်ခိုးတော်​အားဖြင့် မည်သို့​ဘိသိက်ပေးခဲ့ကြောင်း​ကိုလည်း သင်တို့​သိကြ၏။ ဘုရားသခင်​သည် ယေရှု​နှင့် အတူ​ပါရှိတော်မူ​သဖြင့် ယေရှု​သည်လည်း ကောင်းမှုပြု​၍ နတ်ဆိုးပူးသော​သူများ​အား ပျောက်ကင်း​ကျန်းမာစေ​လျက် အရပ်ရပ်​သို့ လှည့်လည်တော်မူ၏။

တမန်တော်ဝတ္ထု 16:18

ရက်ပေါင်း​များစွာ ထိုကဲ့သို့​အော်ဟစ်​လျက်​နေသဖြင့် ပေါလု​သည် အလွန်​စိတ်အနှောင့်အယှက်​ဖြစ်လေ၏။ သို့ဖြစ်၍ နောက်သို့​လှည့်​ကာ “သူ့​အထဲ​မှ​ထွက်သွားလော့။ ယေရှု​ခရစ်တော်​၏​အမည်​နာမ​အားဖြင့် သင့်​အား ငါ​အမိန့်ပေးသည်” ဟု ဆိုသော် နတ်ဆိုး​သည် ထို​အချိန်​၌ပင် ထွက်သွား၏။

တမန်တော်ဝတ္ထု 2:22

အစ္စရေးလူမျိုးတို့… နားထောင်ကြလော့။ သင်တို့​ကိုယ်တိုင် သိကြသည့်​အတိုင်း ဘုရားသခင်​သည် အံ့ဖွယ်တန်ခိုး၊ အံ့ဖွယ်​ဖြစ်ရပ်​နှင့် နိမိတ်​လက္ခဏာများ​ကို နာဇရက်မြို့သား ယေရှု​အားဖြင့် ပြတော်မူခဲ့ပြီ။ ဤ​အရာများ​အားဖြင့် ယေရှု​သည် ဘုရားသခင်​၏​စေလွှတ်တော်မူခြင်း​ခံရသူ အမှန်တကယ်​ဖြစ်ကြောင်း​ကို လူသိရှင်ကြား သက်သေပြတော်မူခဲ့ပြီ။

တမန်တော်ဝတ္ထု 2:36

ထို့ကြောင့် အစ္စရေးလူမျိုး​အပေါင်းတို့… လက်ဝါးကပ်တိုင်​ပေါ်တွင် သင်တို့​သတ်သော ထို​ယေရှု​ကို ဘုရားသခင်​သည် အရှင်သခင်​နှင့်​ခရစ်တော်​အရာ​၌ ခန့်ထားတော်မူသည်​ကို သေချာ​စွာ သိမှတ်ကြလော့” ဟူ၍ ဖြစ်၏။

တမန်တော်ဝတ္ထု 3:16

ထို​သခင်​ကို ယုံကြည်ခြင်း​အားဖြင့် ထို​သခင်​၏ နာမတော်​သည် ဤ​လူ​ကို သန်စွမ်းစေတော်မူ၏။ ယခင်​က ဤ​လူ​သည် ခြေမသန်စွမ်းသူ​ဖြစ်ကြောင်း သင်တို့​သိမြင်ကြ၏။ ထို​သခင်​အားဖြင့် ရရှိသော ယုံကြည်ခြင်း​သည်လည်း ဤ​ခြေမသန်စွမ်းသူ​အား သင်တို့​အားလုံး​ရှေ့​၌ အကောင်း​ပကတိ​အတိုင်း ဖြစ်စေပြီ။

တမန်တော်ဝတ္ထု 3:5

ထိုအခါ ထို​သူ​သည် တမန်တော်တို့​ထံမှ တစ်စုံတစ်ခု​ကို ရမည်​ဟု မျှော်လင့်​လျက် မျှော်ကြည့်လေ၏။

တမန်တော်ဝတ္ထု 3:7

ထို့နောက် ပေတရု​သည် ထို​သူ​၏​လက်ယာလက်​ကို ဆွဲထူ​သဖြင့် သူ​၏​ခြေထောက်​နှင့် ခြေချင်းဝတ်တို့​သည် ချက်ချင်း​သန်မာလာ၏။

တမန်တော်ဝတ္ထု 4:10

နာဇရက်မြို့သား ယေရှု​ခရစ်တော်​၏​အမည်​နာမ​အားဖြင့် ထို​သူ​သည် သင်တို့​ရှေ့​၌ ကျန်းမာ​သန်စွမ်း​လျက်​ရှိသည်​ကို သင်တို့​မှစ၍ အစ္စရေး​လူမျိုးအပေါင်း​တို့ သိမှတ်ကြလော့။ ထို​ယေရှု​မှာ သင်တို့​လက်ဝါးကပ်တိုင်​တွင် သတ်​သော်လည်း သေခြင်း​မှ ဘုရားသခင်​ရှင်ပြန်​ထမြောက်​စေတော်မူသော​သူ​ဖြစ်၏။

တမန်တော်ဝတ္ထု 4:7

တမန်တော်တို့​ကို သူတို့​အလယ်​၌ ရပ်စေပြီး​သောအခါ “သင်တို့​သည် မည်သည့်​တန်ခိုး၊ မည်သည့် အမည်​နာမ​အားဖြင့် ဤ​အမှု​ကို ပြုသနည်း” ဟု မေးမြန်းကြ၏။

တမန်တော်ဝတ္ထု 9:34

ပေတရု​က ထို​သူ​အား “အဲနေ၊ ယေရှု​ခရစ်တော်​သည် သင့်​ကို ကျန်းမာစေပြီ။ ထ​၍ အိပ်ရာ​သိမ်းလော့” ဟု ဆိုသော် သူ​သည်​ချက်ချင်း​ထလေ၏။

၁ ကော 4:11

ယခု​အချိန်​တိုင်အောင် ကျွန်ုပ်တို့​သည် အစာရေစာ​ငတ်ပြတ်​လျက်​ရှိကြ၏။ ဝတ်စရာ မလုံလောက်ကြ။ ရိုက်ပုတ်​ထိုးနှက်ခြင်း​ကို ခံရကြ၏။ အိမ်ခြေရာခြေ​မဲ့ လှည့်လည်​သွားလာကြရ၏။

၂ ကော 6:10

ဝမ်းနည်းသောသူများ​ကဲ့သို့​ဖြစ်သော်လည်း အစဉ်အမြဲ​ဝမ်းမြောက်ကြ၏။ ဆင်းရဲသောသူ​ကဲ့သို့​ဖြစ်​သော်လည်း လူအမြောက်အမြား​ကို ချမ်းသာ​စေကြ၏။ မည်သည့်​အရာ​မျှ မရှိသောသူ​ကဲ့သို့ ဖြစ်သော်လည်း အရာ​အားလုံး​ကို ပိုင်ဆိုင်ကြ၏။

၂ ကော 8:12

သင်တို့​လှူဒါန်း​ရန် စေတနာစိတ်​ရှိလျှင် ဘုရားသခင်​သည် သင်တို့​၌ မရှိသော​အရာ​ကို မထောက်ဘဲ ရှိသော​အရာ​ကို ထောက်​၍ သင်တို့​၏ လှူဒါန်းခြင်း​ကို လက်ခံတော်မူ​လိမ့်မည်။

၂ ကော 8:9

ကျွန်ုပ်တို့​သခင်​ယေရှု​ခရစ်တော်​၏ ကျေးဇူးတော်​ကို သင်တို့​သိကြ၏။ ကိုယ်တော်​သည် ချမ်းသာ​သော်လည်း သင်တို့​၏ အကျိုး​ကို​ထောက်​၍ ဆင်းရဲ​ခံတော်မူ၏။ ထိုသို့​ဆင်းရဲ​ခံတော်မူခြင်း​မှာ သင်တို့ ချမ်းသာလာ​စေရန် ဖြစ်၏။

ယာ​ကုပ် 2:5

ချစ်ခင်ရသော ညီအစ်ကို​မောင်နှမတို့… နားထောင်ကြလော့။ ဘုရားသခင်​သည် ဤ​လောက​တွင် ဆင်းရဲသောသူတို့​ကို ယုံကြည်ခြင်း​၌ ကြွယ်ဝစေ​၍ မိမိ​ကို​ချစ်သော​သူတို့​အတွက် ကတိထားတော်မူသည့် နိုင်ငံတော်​ကို အမွေဆက်ခံသူများ​ဖြစ်​စေရန် ရွေးချယ်တော်မူသည်​မဟုတ်လော။

၁ ပေ 4:10

သင်တို့​တစ်ဦးစီ​သည် ဘုရားသခင်​ထံမှ ဆုကျေးဇူး​အသီးသီး​ကို လက်ခံရရှိကြ၏။ စီမံခန့်ခွဲသူကောင်း​အဖြစ် ထို​ဆုကျေးဇူးတို့​ကို အသုံးပြု​၍ အချင်းချင်း ကူညီ​ဆောင်ရွက်ကြလော့။