တမန်တော်ဝတ္ထု 1:9 - ခေတ်သစ်​မြန်မာ သမ္မာကျမ်း

⁹ ထိုသို့ မိန့်တော်မူ​ပြီးနောက် တမန်တော်တို့​သည် ကြည့်ရှုနေကြ​စဉ် သခင်ဘုရား​သည် ကောင်းကင်ဘုံ​သို့ ဆောင်ယူခြင်း​ကို​ခံတော်မူ​၍ မိုးတိမ်​သည် ကိုယ်တော်​ကို သူတို့​၏​မြင်ကွင်း​မှ ဖုံးကွယ်လေ၏။

Common Language Bible

⁹ ဤ​သို့​မိန့်​တော်​မူ​ပြီး​နောက်​တ​မန်​တော်​တို့ ကြည့်​လျက်​နေ​ကြ​စဉ် ကိုယ်​တော်​သည်​ကောင်း​ကင် ဘုံ​သို့​ဆောင်​ယူ​ခြင်း​ကို​ခံ​တော်​မူ​၏။ ထို​နောက် မိုး​တိမ်​သည်​ကိုယ်​တော်​ကို​ဖုံး​ကွယ်​လေ​၏။

Garrad Bible

⁹ တ မန် တော် တို့ ရှု မြင် ကြ စဉ် ချီ ဆောင် ခြင်း ကို ခံ တော် မူ ရာ မိုး တိမ် သည် မျက် ကွယ် အောင် ခံ ယူ လေ ၏။

Judson Bible

⁹ တ​မန်​တော်​တို့​သည် ကြည့်​ရှု​လျက်​နေ​ကြ​စဉ်၊ သ​ခင်​ဘု​ရား​သည် အ​ထက်​သို့​ဆောင်​ယူ​ခြင်း​ကို ခံ​တော်​မူ၍၊ မိုး​တိမ်​သည် ကိုယ်​တော်​ကို မျက်​ကွယ်​အောင် ခံ​ယူ​လေ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ထိုသို့​မိန့်​တော်မူ​ပြီးနောက် သူ​တို့​ကြည့်ရှု​လျက်​နေ​ကြ​စဉ် ကိုယ်တော်​သည် အထက်သို့​ချီဆောင်​ခြင်း​ကို​ခံ​တော်မူ​၍ မိုးတိမ်​သည် ကိုယ်တော်​ကို သူ​တို့​မြင်ကွင်း​မှ​ဆောင်ယူ​သွား​လေ​၏။

တမန်တော်ဝတ္ထု 1:9 Referencias Cruzadas

ရှင်မာကု 16:19

ယေရှု​သည် တပည့်တော်တို့​ကို ထိုသို့​မိန့်တော်မူပြီး​သောအခါ ကောင်းကင်​သို့ ဆောင်ယူခြင်း​ကို​ခံတော်မူ​၍ ဘုရားသခင်​၏ လက်ယာတော်ဘက်​၌ ထိုင်တော်မူ၏။

လုကာ 21:27

ထိုအခါ လူသား​သည် ကြီးမားသည့်​တန်ခိုးတော်​နှင့် ဘုန်းတော်​တို့​ဖြင့် မိုးတိမ်​စီး​လျက်​ကြွလာသည်​ကို လူတို့​မြင်ကြရ​လိမ့်မည်။

ရှင်ယောဟန် 6:62

သို့ဖြစ်လျှင် လူသား​သည် ကောင်းကင်​သို့ တစ်ဖန် တက်ကြွသည်​ကို သင်တို့ မြင်ရ​ပါက မည်သို့​ထင်မှတ်ကြမည်နည်း။

တမန်တော်ဝတ္ထု 1:11

ထို​သူတို့​က “အို ဂါလိလဲပြည်သားတို့… သင်တို့​သည် အဘယ်ကြောင့် ကောင်းကင်​သို့ မျှော်ကြည့်​လျက် ရပ်နေကြသနည်း။ သင်တို့​ထံမှ ကောင်းကင်ဘုံ​သို့ ဆောင်ယူခြင်း​ခံရသော ထို​ယေရှု​သည် ကောင်းကင်ဘုံ​သို့ ကြွမြန်းတော်မူသည်​ကို သင်တို့​မြင်ကြရသည့်​နည်းတူ ပြန်​၍​ကြွလာတော်မူမည်” ဟု ပြောဆိုကြ၏။

၁ သက် 4:17

ထို့နောက် သူတို့​နှင့်အတူ အသက်ရှင်​ကျန်ရစ်သည့် ကျွန်ုပ်တို့​သည် အာကာသ​ကောင်းကင်​တွင် သခင်ဘုရား​နှင့် တွေ့ဆုံ​ရန် မိုးတိမ်​ပေါ်သို့ ယူဆောင်ခြင်း​ခံရမည်။ ဤသို့ဖြင့် ကျွန်ုပ်တို့​သည် သခင်ဘုရား​နှင့် ထာဝရ​အတူ နေကြရ​လိမ့်မည်။

၁ တိ 3:16

ကျွန်ုပ်တို့​၏ ယုံကြည်ခြင်း​တရား နက်နဲ​ဆန်းကြယ်ပုံ​သည် အမှန်တကယ်​ကြီးမြတ်​လှ၏။ သခင်ဘုရား​သည် လူသား​အဖြစ် ကြွလာတော်မူခဲ့ပြီး ဘုရားသခင်​၏ သားတော် စစ်မှန်ကြောင်း ဝိညာဉ်တော်​အားဖြင့် ဖော်ပြခြင်း​ခံရတော်မူ၏။ ကိုယ်တော်​ကို ကောင်းကင်တမန်တို့ မြင်ကြ၏။ ကိုယ်တော်​အကြောင်း​ကို လူမျိုးခြားတို့​ထံ ဟောပြောကြ၏။ ကိုယ်တော်​ကို ကမ္ဘာလောကသားတို့ ယုံကြည်ကြ၏။ ကိုယ်တော်​ကို ဘုန်းအသရေ​နှင့်တကွ ကောင်းကင်ဘုံ​သို့ ဘုရားသခင်​ခေါ်ယူတော်မူ၏။

ဗျာ​ဒိတ် 1:7

ကြည့်ရှုလော့။ ကိုယ်တော်​သည် မိုးတိမ်များ​ဖြင့် ကြွလာတော်မူမည် ဖြစ်ပြီး ကိုယ်တော်​ကို လှံ​နှင့် ထိုးဖောက်ခဲ့သူများ​အပါအဝင် လူတိုင်း​က မြင်ကြရ​လိမ့်မည်။ ကမ္ဘာလောက​ရှိ လူမျိုး​အပေါင်းတို့​သည် ကိုယ်တော်​ကြောင့် ငိုကြွေး​မြည်တမ်းကြ​လိမ့်မည်။ ထို​အရာ​သည် အမှန်​ပင်​ဖြစ်၏။ အာမင်။

ဗျာ​ဒိတ် 11:12

ထိုအခါ ကောင်းကင်ဘုံ​မှ “ဤ​အရပ်​သို့ တက်လာလော့” ဟု ကျယ်လောင်သော​ခေါ်သံ​ကို ထို​ပရောဖက်​နှစ်ပါးတို့​ကြားရ၏။ ရန်သူတို့​သည် သူတို့​ကို​ကြည့်ရှု​စဉ်တွင် သူတို့​သည် မိုးတိမ်​ခြုံလွှမ်း​လျက် ကောင်းကင်​သို့ တက်သွားကြ၏။

ဗျာ​ဒိတ် 14:4

ဤ​လူတို့​သည် အမျိုးသမီးများ​နှင့် မေထုန်​အမှု မညစ်ညူးသည့် လူပျိုစင်များ​ဖြစ်​ပြီး သိုးသငယ်တော် သွားလေရာ​အရပ်​သို့ လိုက်ပါသူများ​ဖြစ်ကြ၏။ ထို​သူတို့​သည် ဘုရားသခင်​နှင့် သိုးသငယ်တော်​အတွက် အဦးဆုံးသော​အသီး​ကဲ့သို့ ပူဇော်​ခံရ​ရန် လူတို့​ထဲမှ ရွေးနုတ်​ကယ်တင်​ခံထားရသော​သူများလည်း ဖြစ်ကြ၏။