ПСАЛТЫР 126 - Кнігі Святога Пісання - Біблія - Біблія — пераклад Чарняўскага (выданне 2017 года) Кнігі Святога Пісання - Біблія - Біблія — пераклад Чарняўскага (выданне 2017 года)
ПСАЛТЫР 126

¹ Песня ўзыходжання. Калі Госпад адмяняў няволю Сіёна, сталіся мы быццам ува сне.

² Тады вусны нашыя былі поўныя смеху, а язык наш — радасці. Тады гаварылі між паганаў: «Вялікае ўчыніў з імі Госпад».

³ Вялікае ўчыніў Госпад з намі: сталіся мы радаснымі.

⁴ Адмяні, Госпадзе, няволю нашу, як ручаі ў паўднёвай зямлі.

⁵ Тыя, што сеюць са слязамі, з радасцю жаць будуць.

⁶ Ідучы ідуць і плачуць, несучы зерне на пасеў. Вяртаючыся ж, ідуць з радасцю, несучы свае снапы.