ЛІКІ 1 - Кнігі Святога Пісання - Біблія - Біблія — пераклад Чарняўскага (выданне 2017 года) Кнігі Святога Пісання - Біблія - Біблія — пераклад Чарняўскага (выданне 2017 года)
ЛІКІ 1

¹ І ў першы дзень другога месяца, у другім годзе па выхадзе з Егіпта прамовіў Госпад да Майсея ў пустыні Сінай у палатцы сустрэчы, кажучы:

² «Пералічыць усю грамаду сыноў Ізраэлевых па родах і па сем’ях іх, і па імёнах — усіх мужчынскага полу:

³ ад дваццаці гадоў і вышэй, усіх здатных да бою ізраэльцаў, палічыце іх па дружынах іх, ты і Аарон.

⁴ І з кожнага пакалення павінен быць з вамі чалавек, князь дому бацькоў яго,

⁵ вось гэтыя імёны: ад Рубэна — Элісур, сын Сэдэура;

⁶ ад Сімяона — Саламіэль, сын Сурысадая;

⁷ ад Юды — Наасон, сын Амінадаба;

⁸ ад Ісахара — Натанаэль, сын Суара;

⁹ ад Забулона — Эліяб, сын Гэлона;

¹⁰ ад сыноў Язэпа: ад Эфраіма — Элісама, сын Аміюда; ад Манасы — Гамаліэль, сын Падасура;

¹¹ ад Бэньяміна — Абідан, сын Гедэона;

¹² ад Дана — Ахіязэр, сын Амісадая;

¹³ ад Асэра — Пэгіэль, сын Акрана;

¹⁴ ад Гада — Эліясаф, сын Дэуэля;

¹⁵ ад Нэфталі — Ахіра, сын Энана».

¹⁶ Гэта людзі самыя знакамітыя ў грамадзе, кіраўнікі пакаленняў бацькоў сваіх і кіраўнікі тысяч Ізраэля.

¹⁷ Майсей і Аарон узялі іх, паімённа названых,

¹⁸ і першага дня другога месяца сабралі яны ўсю грамаду, пералічваючы іх па родах іх, і па сем’ях бацькоў іх, і кожнага па імені ад дваццаці гадоў і вышэй, па кіраўніках,

¹⁹ як загадаў Госпад Майсею. І былі палічаны яны ў пустыні Сінай.

²⁰ Ад сыноў Рубэна, першароднага Ізраэля — пакаленні па плямёнах і па сем’ях бацькоў іх, па імёнах усіх людзей мужчынскага полу ад дваццаці гадоў і вышэй, здатных да бою.

²¹ Было налічана з пакалення Рубэна сорак шэсць тысяч пяцьсот.

²² Ад сыноў Сімяона — пакаленні па племёнах і па сем’ях родаў іх, былі палічаны па імёнах усе людзі мужчынскага полу, ад дваццаці гадоў і вышэй, здатныя да бою.

²³ Было налічана з пакалення Сімяонавага пяцьдзесят дзевяць тысяч трыста.

²⁴ Ад сыноў Гада — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, здатных да бою,

²⁵ было налічана сорак пяць тысяч шэсцьсот пяцьдзесят.

²⁶ Ад сыноў Юды — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

²⁷ было налічана семдзесят чатыры тысячы шэсцьсот.

²⁸ Ад сыноў Ісахара — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

²⁹ было налічана пяцьдзесят чатыры тысячы чатырыста.

³⁰ Ад сыноў Забулона — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

³¹ было налічана пяцьдзесят сем тысяч чатырыста.

³² Ад сыноў Язэпа, сыноў Эфраіма — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

³³ было налічана сорак тысяч пяцьсот.

³⁴ Ад сыноў Манасы — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

³⁵ было налічана трыццаць дзве тысячы дзвесце.

³⁶ Ад сыноў Бэньяміна — пакаленні па плямёнах і па сем’ях родаў іх, па імёнах людзей мужчынскага полу ад дваццаці гадоў і вышэй, усіх здатных да бою,

³⁷ было налічана трыццаць пяць тысяч чатырыста.

³⁸ Ад сыноў Дана — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

³⁹ было налічана шэсцьдзесят дзве тысячы семсот.

⁴⁰ Ад сыноў Асэра — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

⁴¹ было налічана сорак адна тысяча пяцьсот.

⁴² Ад сыноў Нэфталі — пакаленні па плямёнах і па сем’ях родаў іх, па імёнах усіх людзей мужчынскага полу ад дваццаці гадоў і вышэй, усіх здатных да бою,

⁴³ было налічана пяцьдзесят тры тысячы чатырыста.

⁴⁴ Гэта тыя, каго палічылі Майсей і Аарон разам з дванаццаццю кіраўнікамі Ізраэля, па адным з сям’і бацькоў іх.

⁴⁵ І поўны лік сыноў Ізраэля, здатных да бою, па сем’ях бацькоў іх, ад дваццаці гадоў і вышэй,

⁴⁶ складаў шэсцьсот тры тысячы пяцьсот пяцьдзесят.

⁴⁷ А левіты былі палічаны з імі ў пакаленні бацькоў іх.

⁴⁸ І Госпад сказаў Майсею, гаворачы:

⁴⁹ «Не лічы пакаленне Леві і не далучай колькасць іх да сыноў Ізраэля,

⁵⁰ але даручы ім скінію сведчання, усе яе прылады і ўсё, што патрэбна для рытуалаў. Хай яны носяць скінію і ўсе яе прыналежнасці, і хай будуць пры ёй служыць, і навокал яе хай паставяць палаткі.

⁵¹ Калі трэба будзе пусціцца ў дарогу, хай разбяруць скінію левіты; калі трэба будзе размясціцца лагерам, хай паставяць яе; калі хто з чужых наблізіцца, будзе пакараны смерцю.

⁵² Сыны ж Ізраэля хай стануць лагерам: усе на сваім месцы ў лагеры, кожны пад сваім сцягам, пры сваіх дружынах.

⁵³ А левіты хай паставяць палаткі вакол скініі сведчання, каб не было гневу на грамаду сыноў Ізраэля, і хай яны стаяць на варце скініі сведчання».

⁵⁴ Такім чынам, сыны Ізраэля споўнілі ўсё, што Госпад загадаў Майсею.